YLE Colloquia Latina

Tiberis Herimanno s.d.p.
petis,ut tibi litteram I detegam. fiat ! videamus, ubi unica eius generis littera lateat :
---E-E-- / -----E- /---IS
vale !
Aquis Aequimontanis, Kal.Apr.

Herimannus Tiberi et ceteris sal.

Cedo sodalibus proximae litterae delectum, et in angulim recedo.
Valete!

Novocomi, Kalendis Aprilibus MMIV

Marcus Rhenanus Tiberi Styriensi sal.

Quid censes de R littera?

[Ubinam Styriae illa est urbs, cui nomen Aquis Aequimontanis?]

iv Non. Apr, mmiv.

Εύρηκα: Bad Gleichenberg!

Tiberis Marco suo, viro vere acutissimo, p.d.s. (pro s.p.d )
Cum totum fere diem variis oblectationibus deditus sub divo egissem, serius solito tibi respondeo. quod mihi, quaeso, ignoscas.
magna sagacitate domicilium meum repperisti: cuius cum nomen Latinum non exstet, tamen, ut mea fert opinio, appellatione a me proposita haud male Latine redditur.
haud minus sagaciter egisti in littera R eligenda. qua littera aperta timeo, ne multum- heu - proficias in aenigmate meo solvendo.
quid multa? ecce littera R :
-R-E-ER- / R---RE- / --RIS
o me Sphingem miseram !
vale.

Amicus amico Aequimontano sal.

"Praefero rumorem maris" = "Preferisco il Rumore del Mare" (I/F 2000).

His verbis aenigma solutum esse spero.

Bono animo fac sis !

Dominica Palmarum mmiv.

ελελευ,ελελευ...

Sphinx Aequimontana Marco,sagacissimo aenigmatis solutori,s.d.
o me perditam, o afflictam! quod timueram, factumst, quamquam non credidi fore, ut hoc aenigma tam brevi solveretur. gratulor !
(haec locuta Sphinx Aequimontana de altero cacumine se in profundum praecipitat paulo post in alterum subvolatura, ex quo denuo homines possit vexare.)
iterum, mi Marce, tuae sunt partes. novum aenigma a te positum iam cupio cognoscere.
vale.

Marcus Sphingis personam iterum ferens cunctis aenigmatum fautoribus fautricibusque sal.

A naturali quadam ferocitate ad tantam me mansuetudinem traductum esse scitote, ut in certam spem adducerer me superatum iri:

- - - - / - - - - - - - / - - - - - - / - - - - - - - - - - //

Quattuor verba vere Latina! Quae litterae sub lineolis? Agitedum , amici!

Feliciter!

Dominica Palmarum mmiv.

Mercurius omnibus sodalibus, praecipue autem Marco s. d.

Vehementer gaudeo, quod forum hoc a vobis crebrissime visitatur, saepeque nova aenigmata finguntur: quod et in futuro ita fiat, ardentissime cupio. Nunc autem in arenam (aut in Aegyptum? ) en reversus litteras E a te, o Marce, postulo! Valete. Pr. Non. Apr.

Marcus Mercurio suo sal.

Ubi E litterae lateant, quaeris. Ecce:

- - - - / - - - - - E - / - - - - - - / - - - E - E - - - - //

E = tres vicesimae septimae, id est plus 11 %: Optime, mi Mercuri! Perge porro !

Eodem die.

Mercurius Marco suo s.

Nunc autem ubi litterae I se condiderint, scire velim. Mi Marce, quantas habes dentes! Vale. Aquinci, feria I. post Dom. Palmarum

Amicus amico

Cum feriae sint paschales, nulla interposita mora:

Sagacissime I litteras mihi obtulisti. Vide modo:

- I - I / - - - I - E - / - - - - - - / - - - E - E - - - - //

Ecce ratio: 6/27, id est plus 22 %. Optime, optime!

Non. Apr. mmiv.

Putes me parum callidum esse, en fateor me nescire, quid sit ille titulus sub lineis latens! Ostende mihi litteras M! Vale. Datum ut supra.

Marcus Mercurio suo s.

Quod M litteras ostendi volueras, magnum mIhI dolorem inussit . Aenigma enim caret M: erratum primum.

Utinam ne hastam abicias! Fortem te praesta, mi amice!

Eodem die.

Mercurius Marco s. p. d.

en nec hastam, nec scutum abieci, non sum enim tam ignavus, quam ille Flacculus erat ad Philippos... Ostende ergo litteras S! Datum ut supra.