Page 1 of 1

Venditor insignem referens de marmore Bacchum

EmitteMissus: Lun 19 Iun, 2006 18.38
by Agricola
Agricola omnibus salutem

His diebus Aviani cuiusdam fabellis et Baebrii carminibus delector, sed modo in difficiliora incidi siquidem

Quidquid venditor empturo de marmore signum
dixit me fugit et nosse laboro quidem!

Venditor insignem referens de marmore Bacchum
Expositum pretio fecerat esse deum.
Nobilis hunc quidam funesta in sede sepulcri
Mercari cupiens compositurus erat;
Alter adoratis ut ferret munera templis,
Redderet et sacro debita vota loco.
"Nunc, ait, ambiguum facies de mercibus omen,
Cum spes in pretium munera dispar agit,
Et me defunctis seu malis tradere divis,
Sive decus busti, seu velis esse deum.
Subdita namque tibi est magni reverentia sancti,
Atque eadem retines funera nostra manu."


Valete!