YLE Colloquia Latina

Marcus Tiberi amico suo sagacissimo sal.

I littera feliciter proposita tanto me horrore perstrinxisti, ut versum facere nequirem... quod oro te ignoscas.
Ecce novissimus aenigmatis status:

_ I E _ _ _ _ _ _ _ _ / _ I _ E _ _ _ _

Optime vale.

Forsitan : Hierosolyma liberata?

Vale, valete

Marcus Mercurio, Discipulo, Tiberi, Phlebae amicis suis litteratissimis sal.

E et I litteris a Mercurio et Tiberi propositis poematis titulum, optime Phleba, tam celeriter tamque sollerter investigasti, ut Torquatum Tassum, si inter vivos numeraretur, summo gaudio perfusum iri pro certo habeam. Ita est: „Hierosolyma Liberata“ < „Gerusalemme Liberata“:

[quote]“Canto l'arme pietose e 'l capitano
che 'l gran sepolcro liberò di Cristo.â€

Phlebas Marco sodalibusque omnibus salutem dicit

Immeritus imperitusque, sed minime invitus, Marce optime, proponere audeo:

- - - - - - - - - - - - - - (14)

Carmen est, et auctorem in Lectione Magna III proponam.

Valete

( p.s. excerptum mitto:

- - - - - -
- - - , - - - surdis . )

Marcus Phlebae amico suo litteratissimo sal.

Ausonio*) impulsus, qui hos versus scripsit

Hoc tereti argutoque sono negat Attica gens_____O.
ω quod, et O, Graecum conpensat Romula vox___O.

oro te detegas O litteram...

Optime vale. VI Id. Ian. Ex Rhenania inferiore.

--------------
*) Opuscula, ed. Peiper (1886), p. 166
(„De litteris monosyllabis Graecis ac Latinis“).

Phlebas Marco cryptographo peritissimo sodalibusque omnibus salutem dicit

Quasi centrum gravitatis verbi invenisti, Marce mi!

- - - - - - - O - - - - - -

Et epistula tua rectam viam patefacit ...

Vale, valete

( p.s. oportet excerptum pro portione augescat:

- - - - - -
rupibus - - , - - - surdis . )

Mercurius Phlebae s. d.

Tamquam aenigma tuum ceteris paullulum complexior mihi videatur, tamen impavide litteras S a te peto! Vale. Budapestini, a. d. VI. Id. Ian.

Phlebas Mercurium, Marcum sodalesque omnes aenigmatice salutat

Marcus noster invenit "O" et tu, Mercuri optime, "S":

- - S - - - - O - - - - - -

Marcus sapientissime viam Graecam ostendit ...

Excerptum aequaliter crescit:

- - - - solatia -
rupibus - - , - - - surdis .

Valete quam optime

A.d. V Id. Ian. Ex caelo, prima luce, nebulas purpureas spectans et litora Tusciae insulasque

Marcus Phlebae amico suo doctissimo sal. pl. d.
Erubesco quidem , optime mi amice, sed aenigma a te propositum pertinere puto ad Matthaei Mariae Boiardi VASILICOMANTIAm.
Optime vale.

Phlebas Marco magistro Cryptographorum, Mercurio omnibusque sodalibus salutem dicit

Basilicus!

Mira canam quae vix annis abeuntibus aetas
ambiguo meminit Phoebi iam prodita cantu.

.....

Haec tamen inculti fuerint solatia cantus
rupibus et saxo, cecini quod carmina surdis.

Vale, valete

Carmen est, et auctorem in Lectione Magna III proponam.

Magnae me scito, optime Phleba, plenum esse exspectationis.