Florilegium, sive partes operum Latinorum nobis carissimae

Colloquia de litteris Latinis

Moderators: Moderator, Redactio Interretialis

Emitteby Gavius Pontius on Sat 12 Nov, 2005 21.37

Gavius Pontius omnibus s. d.
hi versus eligo a Taciti "Historiis"
Opperiebatur nuntium pugnae nequaquam trepidus et consilii certus. Maesta primum fama, dein profugi e proelio perditas res patefacierunt. Non expectavit militum ardor vocem imperatoris; bonum haberet animum iubebant: superesse adhuc novas viris, et ipsos extrema passuros ausurosque. Neque erat adulatio: ire in aciem, exercitare partium fortunam furore quodam et instinctu flagrabant. Qui procul adstiterant, tendere manus, et proximi prensare genua, promptissimo Plotio Firmo. Is praetorii praefectus identidem orabat ne fidissimum exercitum, ne optime meritos milites desereret: maiore animo tolerari adversa quam relinqui; fortis et strenuos etiam contra fortunam insistere spei, timidos et ignavos ad desperatione formidine properare.[...]Ipse(Otho) aversus a consilis belli "Hunc" inquit "animum, hanc virtutem vestram ultra periculis obicere nimis grande vitae meae pretium puto. Quanto plus spei ostenditis, si vivere placeret, tanto pulchrior mors erit"
Valete.
Gavius Pontius
 
Nuntii: 22
Nomen dedit: Sat 12 Nov, 2005 18.12
Location: Samnium Hirpinum, Italia

De Bohuslao Hassensteinio a Lobkowicz

Emitteby Marcus Favonius on Ven 25 Nov, 2005 19.30

M. Favonius sodalibus litterarum Latinarum studiosis sal.
Nuper a veterum librorum venditore emi Bohuslai Hassensteinii a Lobkowicz epistulas (*). Opus divisum est in volumina duo, quorum altero continentur tres epistulae de re publica scriptae, altero CXCI epistulae ad familiares inter a. MCDLXXVI et MDIX exaratae.
Bohuslaus Hassensteinius natus est a. MCDLXI, mortem obiit a. MDX. Erat scriptor Bohemus renatarum litterarum studiosus facundiaeque Latinae peritissimus.
Quod ut quam optime intellegatis, haec exscribo verba ex prima epistula de rep. composita, quae est de ‚situ Pragae et incolentium moribus’ (24-30):
„Et Pragae quidem situs ita se habet. plebs autem ipsa ventri universa servit neque quicquam in rebus humanis cibo et potu expetibilius iudicat. frugi et in victu parcum esse in probris habent. nullum pretium magnum videtur, si quid venale est, quod gulam delectat. ebrietatis exiguus pudor: palam et in plateis compotant et quotiens unus in manus poculum sumit, totiens et alii. [...] inter potandum tempus sermonibus terunt et fabulae, quae in Italia in tonstrinis, hic in cauponis narrantur. unus quisque, quod sibi veri simile videtur, refert. et ut talium hominum mos est, quae ipsi finxerunt, ab aliis se audivisse commemorant. Erga hospites benigni sunt solis tamen his, qui Germanica lingua utuntur, infensi, quod eos maxime religioni suae adversarii putant. feminae eorum facie decora, vultu modesto, corporibus plerumque obesis, mammis, ut in Meroe (**) natae viderentur, alloquio blando, illicibus oculis; amplexus etiam praesentibus maritis honesti sunt, oscula impudicitiae signa existimantur. pronus uterque sexus in libidinem: facilis enim transitus est a Cerere et Libero ad Venerem. neque tamen, quod mirum est, in tanta urbe ullum lupanar...“.
Quibus verbis et vos delectatum iri spero. Quid autem a Bohuslao nostris temporibus de aurea urbe Praga scribi potuisse censetis?
Ut epistulam brevi fine concludam: Optime valete. VII K. Dec. Ex Cornicum Campo.
________________
(*) Ed. Jan Martínek et Dana Martínkova, tom. I, Lipsiae MCMLXIX, tom. II, ibd. MCMLXXX.
(**) cf. Iuv. 13, 163.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Ericus Palmén on Sat 18 Nov, 2006 19.11

Ericus Palmén omnibus sodalibus s.d.p.

Ode ’Integer vitae’ inscripta (Od.1,22) inter carmina amatoria Horati peculiari celebritate excellit. Initio enim saeculi undevicesimi – quo anno, non constat – medicus quidam Theodiscus, nomine Friedrich Ferdinand Flemming (1778 – 1813) duas strophas eius, primam et secundam, hymnum funebrem fecit, cui ipse melodiam composuit et rhythmum a metro Sapphico minore omnino differentem dedit:
Ã
Last edited by Ericus Palmén on Sol 10 Dec, 2006 20.03, edited 3 times in total.
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Emitteby Marcus Favonius Ursinus on Sol 19 Nov, 2006 14.42

M. Favonius Ursinus Erico Palm
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Emitteby Ericus Palmén on Sol 19 Nov, 2006 18.28

Ericus Palmén Marco Favonio Ursino s.d.p.
Gratias tibi ago pro nuntio tuo, per quem etiam carmen venustissimum Ludovici Uhland mihi antea ignotum perlegere licuit. Sine dubio similia fere is atque Horatius carmen componens sensit. Versio tua, etsi oratione metro soluta composita est, egregie sensus eius exprimit.
Si hoc carmen silvestre Latine reddentes quam perfectissimam versionem metricam efficere conaremur, praeter rhythmum (quaterni iambi alternant cum trinis, quorum ultimus catalectus est) respiciendae essent etiam rimae (-mut – Gut, nicht – -wicht, Busch – husch, droht – tot). Res haudquaquam facilis! Valeto!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Emitteby Marcus Favonius Ursinus on Lun 20 Nov, 2006 11.28

Marcus Ericum summa salutat observantia.

Carmen Uhlandianum iterum in Latinum converti, idque servato quidem rhythmo, sed neglectis syllabarum quantitatibus. V. quaeso thema „Carmina ex linguis peregrinis &c.“ #6432.

Optime vale.
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Emitteby Ericus Palmén on Lun 20 Nov, 2006 14.11

Ericus Marcum amicissime salutat.

â€
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Previous

Return to Litterae Latinae

Qui adsunt

Users browsing this forum: No registered users and 1 guest

cron