De Lingua Latina televisione recepta

Colloquia de lingua Latina

Moderators: Moderator, Redactio Interretialis

De Lingua Latina televisione recepta

Emitteby Rhumak on Lun 07 Iul, 2008 20.54

Salvete omnes, foricolae.

post paucos abhinc dies primo reti televisivo italico (vulgo RAI1) recipiar et primo vespere, Aloisio illo Miraglia rogante ac suadente, qui tam feliciter conventum anni superioris instituit, cui nonnulli nostrum ex quibus ego interfuerunt. In hoc programmate ex me quaeretur unde amor meus latinitatis oriatur quibusque de causis temporibus hodiernis latine loqui rationem suam habeat. Cum quod dixero nolo vobis ignotum neu probatum optimaque doctrina vestra emendatum sit, huc totam brevem orationem referam, quam ubi latine prorsus pronuntiavero continuo italice vertam (ita programmatis institutores iusserunt):

Mihi nomen est Stephanus, Romae ortus Latinae vivo, viginti duorum annorum natus sum linguisque litterisque antiquis studeo. Causam principem de qua latinae linguae studeo ad rem publicam pertinere dicere ausim – nam quicquid homo facit in re publica fundamentum suum habet: Europa modo nata oportet ut omnes populi europaei lingua communi inter se loquantur: quidam suadent ut haec anglica sit et quia universus mundus sic loquatur et quia America, quacum foedere atlantico iuncti sumus, ita loquitur. Sed cum nos, si forte – et sic non est – totus mundus ita loqueretur, totus mundus non simus, et cum praesertim nos non simus America, sed historiam, nomen animamque nostrampte habeamus, oportet ut per os nostrum aliquid resonet, quod non mundo Americaeve commune sit, sed nobis Europaeis solis, quo agnoscamur et cuilibet alii mundi populo patenter innotescamus: cum autem sub nomine Romae Europa orta sit, et homini qui eam condidit Iulius Caesar nomen esset, cum a litteris graecis romanisque ipsum nomen suum Europa sumat, cum latine scriptae sint eae primae leges, quae revera omnibus populis europaeis cummunes fuerunt, cum denique nullum populum nullamque populorum unionem oriri diuque manere posse pro certo habemus, nisi qua populos historiae suae non pudeat, immo qua hanc pro maxima dignitate habeant, hanc linguam nullam aliam esse posse censemus ac latinam. Huc accedat, quod cum omnes inter se pares sint eademque iura habeant – citra quam conditionem nullo pacto fieri potest ut populi uniantur – nemo est cui iniquum non videatur hanc linguam vernaculam esse, ut puta per absurdum italica: quia italice Itali loquuntur: ergo, qua de causa Angli more nostro loquantur? Num Anglis superiores sumus? Sin communis lingua anglica eligatur, iam Angli anglice loquuntur: qua de causa Itali loquamur more eorum? Num nobis sunt Angli superiores? Et in hoc et in illo casu dispar conditio fit: ergo id nobis requirendum est, quod omnibus commune nullique proprium est: latina lingua propter historiam omnibus communis est, sed cum nullus populus europaeus ea loquatur, nulli propria est: ergo ante eam omnes populi europaei pares sunt, instar ante matrem filiorum. Non ego vel pauci alii sic cogitamus: ipse Dantes ita dixit: siquis enim eum librum legit, cui titulus De vulgari eloquentia, ut summum vulgare inveniatur, quod omnes populos italicos uniat, suadet optimus ille poeta, summus italorum, ut non huius illiusve populi regionisve sermo eligatur, sed quod nulli proprium sit, vero cuius in uniuscuiusque populi sermone vestigia reperiri possint, et quod singulas dialectos non necet, sed earum sit unio et signaculum: et hoc fuit Italis italica lingua, qua nunc loquamur et cuius pater ipse auctor Comoediae quae Divina vocatur: eius conatus processit. Igitur, cum ei bene evenit, eius exemplum nanctus, ex vobis quaero: et quae est lingua, cuius in quacumque lingua europaea vestigia sunt, sed nulli populo europaeo propria est, quae singulas non necet sed singularum sit signaculum? Nemo est qui dubitet quin haec lingua sit sermo Romanus.


Prout hora et die et rete perfacile fieri potest ut plerique Italorum me videant: ergo necesse est omnia perbene dicta quam optime eveniant. Quare collaudate si placuerit, contemnite si minus: utroque casu, adiuvate, addite, demite, emendate.

Vivavuve
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: DE LINGVA LATINA TELEVISIONE RECEPTA

Emitteby L. Amadeus Ranierius on Lun 07 Iul, 2008 22.45

Lucius ad Rhumak sal. pl.

Dic quaeso, possumusne hanc transmissionem videre oculis nostris atqu' auscultare? Forsitan in YouTube ponere licet?
VIVAMVS·ATQ·AMEMVS
Ὁ ἀνεξέταστος βίος οὐ βιωτὸς ἀνθρώπῳ.
"Fiat Vis tecum, Luci — semper."
ΓΝΩΘΙ·ΣΕΑΥΤΟΝ

SCORPIO·MARTIANVS
User avatar
L. Amadeus Ranierius
 
Nuntii: 50
Nomen dedit: Merc 18 Iun, 2008 18.17
Location: Pennsylvania, Uniti Status Americae

Re: DE LINGVA LATINA TELEVISIONE RECEPTA

Emitteby L. Amadeus Ranierius on Lun 07 Iul, 2008 22.56

P.S.

Tecum omnino consentio! Et hahae, rideo viva voce ac gaudeo te Dantem citasse in lingua Latina adipiscenda pro linguis vulgaribus! Macte virtute esto, amice! De vulgare eloquentia plus bis perlegi, tibique prorsus assentior. Optime dixti!
VIVAMVS·ATQ·AMEMVS
Ὁ ἀνεξέταστος βίος οὐ βιωτὸς ἀνθρώπῳ.
"Fiat Vis tecum, Luci — semper."
ΓΝΩΘΙ·ΣΕΑΥΤΟΝ

SCORPIO·MARTIANVS
User avatar
L. Amadeus Ranierius
 
Nuntii: 50
Nomen dedit: Merc 18 Iun, 2008 18.17
Location: Pennsylvania, Uniti Status Americae

Re: DE LINGVA LATINA TELEVISIONE RECEPTA

Emitteby Rhumak on Mart 08 Iul, 2008 12.19

Lucio aestimato salutem.

Iudicio tuo tam liberali valde me gavisum scito, mi optime amice.

Ipse in Youtoube locandum programmatis excerptum ad thema nostrum attinens curabo: ubi fecero, habe pro certo me teque ceterosque certiores facturum.

Valde vale
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: DE LINGVA LATINA TELEVISIONE RECEPTA

Emitteby L. Amadeus Ranierius on Mart 08 Iul, 2008 14.36

Ad Rhumak† amicum sal.

Potissimum laetor hoc audito! Optime, nos certiores facito. Vale!

_____________________
† Habesne formam tui nominis dativam aliasve casūs declinabilis?
VIVAMVS·ATQ·AMEMVS
Ὁ ἀνεξέταστος βίος οὐ βιωτὸς ἀνθρώπῳ.
"Fiat Vis tecum, Luci — semper."
ΓΝΩΘΙ·ΣΕΑΥΤΟΝ

SCORPIO·MARTIANVS
User avatar
L. Amadeus Ranierius
 
Nuntii: 50
Nomen dedit: Merc 18 Iun, 2008 18.17
Location: Pennsylvania, Uniti Status Americae

Re: DE LINGVA LATINA TELEVISIONE RECEPTA

Emitteby Rhumak on Mart 08 Iul, 2008 20.07

Nomen meum, amice, verbum etruscum est (qui Rumak vel exactius Rhumak - secundum potestatem litterae graecae rho, a qua nil differt littera etrusca ab ea derivata - latine transcribi potest), quod est aeque ac "Romanus" (etr. "Roma" = Ruma, suff. "-ensis" = ak, cfr. Tarchnei "Tarquinii", Tarchnak = Tarquiniensis): hoc quia, obiter dictum, quamvis Romae ortus sim, familia mea ab ipsis Tarquiniis, celeberrimo oppido Etruscorum, originem ducit. Ita etrusce declinatur: nom.acc.voc.: Rhumak, gen. Rhumaks, dat.abl. Rhumaksh. Nescio quam in latinam declinationem rectissime traduci possit, sed plerique hoc in foro me tertia usi adfantur, me non dissentiente, ergo forma dativa nominis mei, nisi lingua genuina, ut graecae aliquando fit, declinare vis, Rhumaki esse potest.

Quam optime vale
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: DE LINGVA LATINA TELEVISIONE RECEPTA

Emitteby L. Amadeus Ranierius on Merc 09 Iul, 2008 1.45

Lucius Rhumaksh sal.

Perbelle! Memini jam te pridem historiam hancce narrasse. Et ego jamdudum Etruscam linguam paullum studui, abhinc jam quattuor annos. Ubinam accentum vel ictum ponitur in tuo nomine? Suntne vocales longae apud Tuscos?
VIVAMVS·ATQ·AMEMVS
Ὁ ἀνεξέταστος βίος οὐ βιωτὸς ἀνθρώπῳ.
"Fiat Vis tecum, Luci — semper."
ΓΝΩΘΙ·ΣΕΑΥΤΟΝ

SCORPIO·MARTIANVS
User avatar
L. Amadeus Ranierius
 
Nuntii: 50
Nomen dedit: Merc 18 Iun, 2008 18.17
Location: Pennsylvania, Uniti Status Americae

Re: DE LINGVA LATINA TELEVISIONE RECEPTA

Emitteby Rhumak on Mart 22 Iul, 2008 23.15

Lucio suo spd

Suntne vocales longae apud Tuscos?


Vt constat (quamvis quibusdam dissentientibus), etrusca lingua indoeuropaea est: ergo, more ceterarum linguarum talium, quantitates habeat necessest: cum autem Ruma verbum a latino Romae nomine depromptum sit, quando Romae quantitas prior longa est, etiam Ruma priorem longam habeat oportet. Ceterorum verborum tuscorum quae peregrinis in verbis originem non habeant quantitates discernere, cum nullum poema tusce compositum, unde per metrum quantitates sumamus, nobis exstet, pro dolor impossibile est. Possumus autem peregrinorum: verbi e.g. "heke" (habeo), cum, ut patet, ex graeco "echo" oriatur, sat certe statuere possumus ut prior quantitas sit brevis, itaque prorsum: hoc fit per analogiam, nam verba graeca in latinum reducta sermonem quantitates internas pristinas servant itemque latina in graecum, quare quin ita etrusci fecissent? Quod ad ictum, de quo etiam quaeris, certe loqui non possum (nam aliter ac quantitates magis variari solet ex lingua in linguam secundum singulares leges - sic enim se habet res in verbis graecis latinisque [vide philosophìa > philosòphia]), sed cum Roma latine et Rhome graece utraque paroxytona pronuntietur, non video quin et Ruma tusce ita pronuntianda sit. Haec quantum scio hactenus. Alia doctiores addant, si videtur.

Transeo ad rem televisoriam:

Sermo quem habui brevior fuit quam quem huc transcripsi, quare operae pretium non est in rete eum deferre (etiamsi vellem, ceterum, non possem, quia iura televisioni italicae gratis cessi nec usui privato forasve edendi causa petere licebit): melius est ut hic integer et certe bellior (utcumque bellus esse potest a me scriptus) legatur. Meliora vobis donanda habeo: hunc nexum, per quem multa latine scripta non minimi momenti gratis legi possunt a duobus doctissimis viris composita, altero musico altero agricola, ambobus lectissimis, quos ibi cognovi: ephemerides in quibus edita sunt, referam: altera nostras ("Latinitas"), altera germanica ("Vox latina") est.

www.maurouberti.it

Vale tu, valete ceteri comites
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: DE LINGVA LATINA TELEVISIONE RECEPTA

Emitteby L. Amadeus Ranierius on Merc 23 Iul, 2008 3.49

Lucius Rhumaksh sal pl.

Gratias tibi ago pro responso tam plane confecto. Quae de Tusca lingua dicis, facile intellego. Interrogavi quod pronuntiare valedictionem qua uteris Tuscam nescio — utar enim regulis Latinis accentionis quae de quantitatibus vocalium pendent.

etiamsi vellem, ceterum, non possem, quia iura televisioni italicae gratis cessi nec usui privato forasve edendi causa petere licebit


Quae quisquiliae! Malum. Itaque necesse est te voce tuā orationem tuam incidere, mp3 documentum faciens quod ipse in ScorpioneMartiano imponam uti omnes audiamus! Hoc tu facito, mihi mittito; ego publicabo.

Vale atque valete.
VIVAMVS·ATQ·AMEMVS
Ὁ ἀνεξέταστος βίος οὐ βιωτὸς ἀνθρώπῳ.
"Fiat Vis tecum, Luci — semper."
ΓΝΩΘΙ·ΣΕΑΥΤΟΝ

SCORPIO·MARTIANVS
User avatar
L. Amadeus Ranierius
 
Nuntii: 50
Nomen dedit: Merc 18 Iun, 2008 18.17
Location: Pennsylvania, Uniti Status Americae

Re: DE LINGVA LATINA TELEVISIONE RECEPTA

Emitteby Rhumak on Merc 23 Iul, 2008 15.41

Lucio salutem.

Intellego: vis ictum scire salutationis vivavuve.

Nullum documentum unde hoc comperire liceat nobis restitit. Nescimus quidem utrum apud tuscos lex trisyllabica valeret, ergo ictus quantum scimus cuivis sullabae incidisse potest. Certe si de sensu ratiocinemur, quod est fere "vivas felix" vel aliquid simile, unionem saltem duorum verborum esse debere dicemus. Cum in univerbatione, vel iunctura plurum verborum in unum, ictus semper ultimo verbo incidat, "vìvavuve" et "vivàvuve" erademus, nisi si vivavuve sit viv'avuve sive *vìv' [*vìve?] *àvuve (vive felix): sed hoc improbabile est, quia fere omnia verba etrusca vel disyllaba vel monosyllaba sunt, utique adiectiva elementaria ut "felix", "sanus" et similia, nec nisi paucissima etrusci verba composita habebant, et haec quidem rara et sensu non elementari praedita. Denique, -vuv- nullam parentelam habere videtur cum quaquam radice indoeuropaea quae sanitati felicitative aut insanitati maerorive innuat, si "a" privativum coniectare debeamus. Ergo dixerim duo verba esse viva (vivas) et vuve (sanus, felix), et cum, ut dictum, ictus ultimo incidere debet, habebimus vivavùve aut vivavuvé. Vlterius ut vestigemus, elementis caremus. De huius verbi quantitatibus idem: fere nil dici potest, nisi quod viva verisimiliter priorem quantitatem longam haberet instar verbi vivendi linguae nostrae, quocum parentelam sat patenter habere videtur. Huc, et vix huc, doctrina mea pervenit. Vtinam doctiores obviam veniant!

Vivavuve
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: DE LINGVA LATINA TELEVISIONE RECEPTA

Emitteby Rhumak on Merc 23 Iul, 2008 15.58

PS Poscis ut orationem meam tibi in mp3 confectam mittam: libentissime faciam quod poscis. Explices autem sodes quomodo faciam, quia rerum computatralium non more tuo peritus sum: quibus programmatibus egebo, quomodo utendis?

Vale
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: DE LINGVA LATINA TELEVISIONE RECEPTA

Emitteby L. Amadeus Ranierius on Merc 23 Iul, 2008 17.24

Rhumaksh sal.

Gratias ob hanc planissimam explicationem! "Vivavúve!" Esto!

De incisione audibili .mp3 (seu .wav seu quavis desinentia): Omnium primum, quale computatrum est tibi, Macintosh an PC?

Hoc consideres cum has optiones inspicis:

http://www.nch.com.au/software/soundrec.html

Omnes incidere possunt.

Etiam "Audacity" mihi bona videtur:

http://audacity.sourceforge.net/

Microphonium certe habes?
VIVAMVS·ATQ·AMEMVS
Ὁ ἀνεξέταστος βίος οὐ βιωτὸς ἀνθρώπῳ.
"Fiat Vis tecum, Luci — semper."
ΓΝΩΘΙ·ΣΕΑΥΤΟΝ

SCORPIO·MARTIANVS
User avatar
L. Amadeus Ranierius
 
Nuntii: 50
Nomen dedit: Merc 18 Iun, 2008 18.17
Location: Pennsylvania, Uniti Status Americae

Re: DE LINGVA LATINA TELEVISIONE RECEPTA

Emitteby L. Amadeus Ranierius on Merc 23 Iul, 2008 17.31

P.S. Sic, "Audacity" commendo. Facito sciam si adjuvare amplius possim.
VIVAMVS·ATQ·AMEMVS
Ὁ ἀνεξέταστος βίος οὐ βιωτὸς ἀνθρώπῳ.
"Fiat Vis tecum, Luci — semper."
ΓΝΩΘΙ·ΣΕΑΥΤΟΝ

SCORPIO·MARTIANVS
User avatar
L. Amadeus Ranierius
 
Nuntii: 50
Nomen dedit: Merc 18 Iun, 2008 18.17
Location: Pennsylvania, Uniti Status Americae

Re: DE LINGVA LATINA TELEVISIONE RECEPTA

Emitteby Rhumak on Merc 23 Iul, 2008 20.14

Lucio sodali salutem

Mox tibi orationem meam missurus sum, adnexa pagina scripta. Programma quod suasisti ut adquirerem, Audacity, optime functum est, quamvis quidam rumores imi restiterint, quos eradere non valui: forsan hoc melius tu facere poteris, ut spero: alioquin, si tempore carebis, curabo ut amicos doctiores adeam eisque iuver. Nisi si hi rumores problema fiant, ceterum incisio mi bene evenisse videtur, tu utcumque dicas quaeso, si quod problema oriatur, omnia faciam quae possum.

Vivavuve, amice.
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: DE LINGVA LATINA TELEVISIONE RECEPTA

Emitteby Rhumak on Merc 23 Iul, 2008 20.29

Vltimam quaestionem habeo non minimi momenti: quomodo te adeam, sive quod ad receptaculum retiale incisionem meam mittam? Nisi publice dicere vis, oportet me privatim adeas.

Vale
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Next

Return to Lingua Latina

Qui adsunt

Users browsing this forum: Google [Bot] and 1 guest

cron