YLE Colloquia Latina

Spartacus amicis Germanicis Iuliae Favonioque sal.


Nuper de verbis raris hinc tractatur: “gugulare”, “gugulatoria” et ceteris verbis haud quotidianis. Forte legi quod Iulia quasivit num convertere “gugulare” in Germanica fieri potest. Venia data, conabor vobis aliquid ad hanc rem attinentem praebere. Obsecro vos ut insolentia audaciaque mea ignoscendae sint, quaeso! Audentesne tamen fortuna iuvat?

Sequitur ut gurgulio quasi curculio verbum resonans mihi videtur. Estne Germanice “die Gurgel”? Gurgulare fortasse – aleam temerarius adeo! – “gurgeln” sit.

Finem nondum faciam donec vobis orem ne mihi irascamini, quod tentavi idoneum responsum benevolenter ad vestras interrogationes invenire. Peccatum meum vobis perplacere fuit.



Optime valeatis!

Gastón Iuliae ceterisque sal.

Nos "secador de pelo" (siccator pili) appellamus hanc machinam, etsi non modo unum capilum siccat, sed multissimos.

Valete!

M. Favonius linguae Latinae amatoribus, imprimis Spartaco s.d.p.

Ita est, Spartace: Epistula tua perlecta aures nunc meae Germanicae respuere videntur vocem gugulandi etc. [Voci Germanicae „gurgeln“ respondet Latina „gargarizare“ (cf. Celsi de medicina 6, 10, 1: „Si vero tonsillae sine exulceratione per inflammationem intumuerunt, caput velandum est; ... gargarizandumque reprimentibus“)]. Tamen Herimanni „gugula“ facete dictum esse constat. Quid igitur?

Ecce voces duarum vel trium linguae Latinae filiarum (Britanni Germanique hac de re taceant oportet):
filia Hispana: buscador, motor de búsqueda;
filia Itala: motore di ricerca;
filia Lusitana: ???
Et mater? Ignoramus et ignorabimus.

Nonne Romae quaestio solvenda est? Inde enim rescripta venire solent („Roma locuta, causa finita“)...

Cum timeam, ne controversia in infinitum perducatur, hoc proponere ausim: suis cuique verbis uti liceat, dummodo res Latine intellegatur.

Valete.

Kalendis Septembribus.

Spartacus philologissimo Favonio sal.


Visne scire quomodo "machina indagatrix" Lusitane nuncupatur?

Nulla excusatio esse potest, ut hanc rem sine mora tibi praebeam!

En ecce:

" Servidor de Busca "
" Ferramenta de Busca "
" 'Site' (nempe Anglice) de Busca"

Vale!

Spartacus omnibus sodalibus sal.



Hinc multa de machina indagatrix narrata est. Omnium rerum curiosus, operam dedi ut melius intellegere possem qua de causa servus "google" nuncupatus est.

Ridiculum dictu tamen dicendum, verbum istud res omnino ficta est! Fratris filius illius mathematici qui Edward Kasner appellatur, Milton Sirotta nuncupatus, solebat nomine "google" appellare hunc numerum paene innumerabilem: unus plus centum "innulli numeri", id est 10000000000000000000 et sequitur...

Quae cum ita sint, verbum "google" cum Germanice tum Anglice et Lusitane et Gallice Hispaniceque esse non potest!


Valetote.

Iulia Spartaco s.

Legi Kasnerem nepotem suum Sirottam, qui novem habuit annos, interrogavisse, ut nomen numeri ingentis excogitaret. Quo numero 10^100 "googol" appellato Kasner clarus factus est. Itaque alius mathematicus, sperans et eum clarum fieri, multo maiorem numerum invenit nomine "googolplex" (10^googol). Videte in interrete http://www.fpx.de/fp/Fun/Googolplex/
Maxime ridiculum autem adhuc venit: progenies Kasneris affirmat se esse posessor verbi "googol" sive "google" et poscit pecuniam ab inventoribus scrutatoris "google", qui verbo eorum abusi sint!

Valete.

P.S.: Paulum scrutando interretze multo maiores numeros invenire potestis, ut "googolplexian", "googolplexplex" vel "googolplusplex", id est 10^googolplex, et etiam "googolplusplexplus", ergo 10^googolplusplex. Numerus atomorum in universo est 10^80, minimus vere numerus...

Gastón Iuliae ceterisque sal.

Quam pauci atomi esse videntur!

Valete!

Spartacus S. D. Iulae

Salve Iulia!

Gratias tibi ago pro tuis investigationibus de "google". Paginam primam in Lusitana e machina indagatrici ista legendo, omnia quae dixi omnino invenire potes. Nihil pluris.

Nescio an pagina ista in Latina inveniri potest. Operam dedi ut locum talem in manu haberem. Frustra tamen. Sed fidem do - crede mihi! - quod tantummodo haec verba ipsis litteris ibi scripta sunt.


Optime valeas!