YLE Colloquia Latina

Marcus Herimanno Mercurioque sal.
Me quoque, mi Herimanne, his ipsis diebus „tardum et rudem esse“ scito. Tamen Sphingem Hungaricam, quamvis indomita esse videatur et invicta, a nobis fugatum iri pro certo affirmo. Non cessurus sum malis, sed contra audentior sum iturus; nam video aliquid, sed quasi per caliginem... Quid ergo? Oro te, mi Mercuri, retegas T litteram. Utinam ne fallar.
Valete.
Id. Mai.

Marcus cunctis aenigmatophilis, imprimis Mercurio sal.

„---I-E / -IL-ELMUM“: Nonne agitur de quadam pellicula a Quentino Tarantino facta, cui titulus est „Kill Bill“?
Sphingi ergo Hungaricae libera contumacia adductus obicere ausim „Capite Vilhelmum“. Utinam ne a Sphinge devorer!

Valete!

xvii Kal. Iun.

Sphinx Hungarica semi-devicta Marco semi-victori s. d.

Vicisti equidem, mi Marce, sed semi-victoriam obtinuisti: vere enim pellicula illa Tarantini Latine a me reddita sub lineisque condita, sed mea translatio non ea est, quam tu suspicatus es (tut mir leid ). (Capite?? quid hoc sibi velit???) Ceteroquin littera T in aenigmate reperiri haud potest: ergo declaro ERROREM SECUNDUM. Vale. d. XVI. Kal. Iun.

Oedipus Rhenanus Sphingem Hungaricam benevole salutat.

Superbia quadam elatus nunc tibi velim offerre: OCCIDE VILHELMUM.

Quod ad "capite" attinet, me erravisse quidem confiteor, sed, ut exemplo utar, cervi in venatione capi, id est necari quoque, solent.

Utinam ne ex Budae arce praecipites in Danuvium. Sphingibus enim semper parcendum esse censeo.



Vale.

xvi Kal. Iun.

Sphinx Hungarica Marco superbissimo s. d.

Equidem in Danubium - proh dolor - praecipitavi, sed iam nato in flumine ac per canalem Danubio-Rhaenanum in oram tuam brevi perveniam; ac si illic pervenerim, te summa cum voluptate devorabo!
Ceteroquin gratulor tibi, o Marce, amice praestantissime!
Vale. Datum ut supra.

M. Favonius cunctis aenigmatophilis assiduis, imprimis Herimanno Mercurioque sal.

Mercurio – sajnálom – superato in „Oedipodioniam alitem“ denuo mutatus memoria haec repeto Herimanni verba: „Libenter, sodales, sceptrum immeritum sumerem, nisi mihi gratissimum iter, ut alibi scripsi, incumberet...“ (v. ep. 549). Quo itinere confecto sceptrum nunc tibi, mi Herimanne, sumendum esse censeo. Hoc modo etiam impetum, quem Sphinx Hungarica mihi denuntiavit, facillime declinatum iri spero.

Valete.

xvi Kal. Iun.

Herimannus Marco sal.

Dum libenter sceptrum accipio, noctem ad inveniendum aenigma novum quaero. Valete!

Novocomi, a. d. XV Kal. Iu.

Herimannus aenigmatum solutoribus

Ecce ergo aenigma novum, satis difficile.

- - / - - - - - / - - - - - - - - - - - - - / - - - / - - - - - - -

Pellicula auctoris Germani est famae non parvae; est autem pars secunda celebrioris pelliculae eiusdem auctoris.

Incipite ergo!

Marcus Herimanno sal.

Oro te, amice, retegas E litteras.

Vale.



xv Kal. Iun.

Herimannus Marco sal.

Parum amice profecisti!

- - / - - - - - / - - - - - - - - - - - - E / - - - / - - - - - - -

Vale!

Novocomi, a. d. XV Kal Iunias.

Mercurius Herimanno s. d.

Videamus nunc litteram A.

Vale. Aquinci, d. XV. Kal. Iun.

Herimannus Mercurio sal.

Ecce ergo:

- - / - A - - A / - - - - - - - - - - A - E / - A - / - - - - - - -

Ecce fructus extentae Europae!

Novocomi, ut supra.

Marcus Herimanno s.

Dic mihi quaeso, quibus sub lineolis I litteras abdideris.



Vale.

xv Kal. Iun.

Herimannus Marco sal. d.

Non paucas litteras inserere potuisti, sed tempus est consonantium!

I - / - A - - A / - - - - I - - - I - A - E / - A - / - - - - I - I

Veniam peto propter moram.

Novocomi, a. d. XIV Kalendas Iunias.

Oedipus Rhenanus Sphingem Novocomensem benevolentissime salutat.
Nimia clementia tua adiutus (cf. „Ecce fructus extentae Europae“) pelliculae investigavi titulum: „In tanta longinquitate tam proximi“, id est „Così lontano, così vicino“ sive „In weiter Ferne, so nah!“, quam pelliculam fecit Wim Wenders anno 1993. Noli irasci, mi amice!
Vale quam optime. xiv Kal. Iun.