YLE Colloquia Latina

Herimannus Marco solutori

Quis angelus quis diabolus quis daemon tibi titulum rettulit???
Gratulor tibi et casum singularissimum narrabo.

Postquam Mercurius litteram A optimo exitu obtinuerat, eum perfide irridens scripsi: "Ecce fructus extentae Europae!", hoc significans: Kalendae Maiae Hungariam in Europeae Unionis fines collocavit, haec amplificatio Hungariae incolas concives nostros fecit, quapropter Mercurius Hungaricus potuit solutionem aenigmatis, littera A petita, tantopere appropinquare. Conscius hoc verum non esse, tamen volui salacem iocum Mercurio comparare, viro faceto.
Tu contra sententiam eandem ut opem generosam non recte intellexisti, sed aenigma solvisti.
Ex ambiguitate solutio et oblectatio!

De titulo converso hoc addam: verbum novissimum puto "proximi" non "proximo" esse debere, quamquam verbum "vicino" Italica conversio ferat: nam locus is, quo sententia illa in pellicula recitatur, angelis omnibus non singulo mihi referri visum est.

Gratulor tibi et noctem faustam omnibus opto.

Novocomi, a. d. XIII Kal. Iu.

M. Favonius aenigmatum solvendorum studiosis sal.

Nummorum Europaeorum (€) partes aversae multum inter se differunt. Imprimis nummi Austriaci, Graeci Italicique summa signorum varietate nos delectant (http://www.euro.ecb.int/de/section/euro0/specific.html).

Quid igitur?

Novum vobis patibuli genus proponere ausim:
Investiganda erunt verba, quae cum variis illis nummorum signis artissime coniuncta sunt.

Ecce huius generis aenigma primum:

- - - - / - - - - - - - - //

Valete.

Die Ascensionis Domini.

Tiberis Marco s.p.d.
iucundissimum mehercle aenigmatum genus nobis proposuisti !
equidem ,quamquam "parcus nummorum cultor et infrequens", suspicionem quandam habeo...
aperi, quaeso, ubi littera O lateat !
vale!

Marcus Tiberi amico sagacissimo s.p.d.

O o o me miserum! Et tamen obsequor voluntati tuae:

- - - - / - - - O - - - - //

Anxius iubeo te bene valere.

xiii Kal. Iun.

Tiberis Marco suo s.d.
littera O in loco non exspectato detecta falsam me suspicionem habuisse apparet. (quam enim litteram primo verbo inesse suspicatus eram...)
quae cum ita sint, monstra nobis, quaeso, litteram E !
vale.

Marcus Tiberi amico aequo animo praedito ceterisque aenigmatophilis pariter sal.

Eeeeehem! Iterum obsequor voluntati tuae:

- - - - / - E - O - - - E //

Ceterum, amici benevoli, festinationem vobis adhibendam esse scitote; nam ex a.d. x usque ad a.d. iv Kal. Iun. ab interreti seiunctus Berolini deversabor.

Valete. xii Kal. Iun.

Tiberis Marco aliisque sodalibus aenigmatophilis s.p.d.
litterae E quoque locis,ubi latuit, cognitis nihil me proficere confiteor, quin etiam me ullius consilii inopem esse non nego, quod Graeci aporian appellant. pro Iupiter ! qui fit, ut in tantulo nummorum numero nulla equidem verba inveniam, quae , cum ad certum pertinent signum, cum lineis a te positis congruant ? praeterea profectione tua urgente num satis temporis nobis restabit ad deliberandum ?
agitedum, amici,quicumque sagaciore ingenio praediti estis quam ego, succurrite, quaeso. ne sinamus Marcum nostrum velut victorem hinc discedere nos consilii expertes relinquentem !
nihilo minus id unum a te peto, mi Marce, ut litteram N mihi reddas, quam litteram istis verbis inesse spero.
vale.

Marcus Tiberi ceterisque sodalibus ad summam consilii inopiam redactis salutem!

Ne in nigras desperationis mergamini undas , amici honoratissimi, hoc utar exemplo:
Si nummi pars aversa Renati Cartesii effigie ornata est, hoc ex ea re nasci potest aenigma: ------ / ---- / --- (cogito ergo sum).

Quod vero ad N attinet, ecce novus aenigmatis status:

- - - - / - E – O N - - E //.

Tiberis, Tiberis, verba sunt clarissima...

Valete.

xi Kal. Iun.

Tiberis Marco suo s.d.p.
concubia nocte cum iterum atque iterum verba tua novissima mente volutarem, ecce mihi in mentem venerunt - heureka! - praeclarissima verba Berthae a Sutter (cuius imago in nummo Austriaco II euronum redditur), quibus tractatus eius contra bellum inscriptus est : ARMA DEPONITE !
vale !

Marcus Tiberi suo s.d.p.
Gratulor tibi solutum aenigma et gaudeo . Iam diu ingenii te acumine excellere novi.
Acerbissime autem doleo , quod Bertha de Suttner „arma deponite“ exclamans nihil videtur profecisse. Tamen gaudeamus mulierem illam pacificam nummo ornatam esse Austriaco.
Vale.
xi Kal. Iun.

Mercurius omnibus sodalibus suis s. d.

Iam diu hoc colloquium olim florentissimum a nobis turpissime desertum situ deforme iacet, immo tacet, etsi ludo illo, quem patibulum appellamus, quondam non minime delectabamur. Redintegremus ergo hoc forum dulcissimum! Etiam vos, novos sodales, huc invitare velim : priusquam autem ludo vos adiungatis, regulas in nuntio meo primo descriptas diligenter perlegite quaeso, ac etiam ludos nonnullos iam perfectos inspicite!

Et ecce aenigma novum, sub quo latet opus auctoris clarissimi:

Code: Select all

_ _   _ _ _ _ _ _ _   _ _   _ _ _ _   _ _ _ _ _ _ _ _ _

Valete. Transaquinci, d. XIII. Kal. Dec.

Gastón Mercurio sal.

Si marca "Code" uteris, spatios imprimere adiacentes potes tuis in nuntiis.

E.g:

Code: Select all

Mercurius              Hungaricus

Vale!

Mercurius Gastoni s. p. d.

Gratias tibi ago maximas, mi Gaston, qui rerum interretialium te peritissimum esse novo documento testatus es! Num ludi particeps esse nolueris? Vale. Ibidem, eodem die.

Gastón Mercurio Sal.

De auctoribus eorumque operis multum ignoro. Monstra tamen quot et ubi sint "i", littera frequentissima abecedarii Latini.

Vale!

Mercurius Gastoni s. d.

Ecce, amice, spes te non fefellit. Videamus litteras "I":

Code: Select all

_ _   _ _ _ _ _ _ _   _ _   _ _ I _   _ _ _ _ _ I _ _ _

Vale. Transaquinci, sub Iove nivoso , d. XII. Kal. Dec.