YLE Colloquia Latina

Iulia Tiberi s.d.

Suspicione tua contra meam agisti suspicionem , quae tamen non omnino falsa esse videtur, cum insit littera L bis:
--L--- / -UM / LU---

Vale.

Herimannus Iuliae

Litteram C facile interponam, ut suspicata es.

Vale.

Iulia Herimanno

Ecce, ubi lateat Littera C (si non iam ante scivisti ):
--L--- / CUM / LU---

Vale.

Tiberis Iuliae s.p.d.
suspicionem meam non falsam fuisse apparet:
nam solutionem hanc esse opinor:
SALTAT CUM LUPIS (dance with the wolves)

bene vale, Sphingiola mea !

Iulia Tiberi s.d.

Non computavi, quanta iam solvisses aenigmata; hoc quidem ad numerum illum accedit.

Vale.

M. Favonius Tiberi p.d.s.
Tuis coacti verbis, mi Tiberis, di immortales in Pannonia mihi peregrinanti validissime favebant. In forum nunc redeo, ad patibulum aditurus. Nusquam conspicitur. Num succisum est?
Vale.
Kal. Mai.

Tiberis Marco suo feliciter e Pannonia reverso s.d.
Libenter equidem - crede mihi - novum aenigma vobis proposuissem, sed plurimos eorum, qui hoc locutorium frequentant, nescio an huiusce ludi iam taedeat.
sin autem contrarie mihi persuadeatur, libenter denuo in Sphingem mutabor vos excruciaturus.
vale !
Kal.Mai.

Herimannus Tiberi sal.

Esto securus, Tiberis, mihi ludum patibuli gratissimum et iucundum esse; hoc thema primum solitus sum inspicere. Tamen raro nuntios mittom quia saepe difficultatem nimiam ibi invenio. Sed pergite: quotienscumque potero, litteras proponam! Aliquando discam.
Valete!

Novocomi, Kalendis Maiis MMIV

Marcus Herimanno, Mercurio Tiberique s.
Timeo, ne ita sit res, ut Tiberis dixit. Et tamen quaeri oportet, quid Mercurio nostro videatur. Nescio, an aliud aenigmatis genus proponi possit. Res enim iucundissima est; considerate modo rationes, quae ad „themata responsis plurimum scatentia“ et „plurimum lecta“ pertinent!
Valete.
Eodem die.

Mercurius omnibus salutem.

Vivat, crescat, floreat nostrum patibulum! Quod ne exstinguatur, dii immortales faxint! Libenter equidem novum aenigma proponerem, nisi hoc officium Marco (an Iuliae?) incumberet. Valete. Aquinci, d. VII. Non. Mai.

Marcus aenigmatophilis pariter omnibus sal.
„... nisi hoc officium Marco (an Iuliae?) incumberet“ ? Ohe! Tiberi enim nostro novi aenigmatis proponendi partes suscipiendas esse censeo. Neque tamen te, mi Mercuri, impediam, quominus novum aenigma proponas, dummodo aliud patibuli genus inveneris. Equidem aenigmata non solum ad pellicularum titulos, sed etiam ad alias res, sicut ipse scripsisti, pertinere posse arbitror. Ad alias res? Ad aphorismos in linguam Latinam conversos (La Rochefoucauld...) ... Quid vobis videtur?
Nolite cunctari !
Valete.
vi Non. Mai.

Mercurius Marco omnibusque s.

Erravi. Equidem cum Tiberis novissime partes Oedipodis egerit, illi novum aenigma proponendum. Age iam, mi levir! Valete. d. V. Non. Mai.

Tiberis sodalibus cunctis s.d.
equidem vos, ut iam dixi, huius rei iam satiatos esse putavi.
sed si tantus amor nova aenigmata solvere restat,
ignotos titulos inquirere pellicularum,
incipiam.
proponam ergo vobis titulum detegendum ignotissimae quidem pelliculae,quam nuper vidi...

--- / ---- / --------- /------------ / ---------- / -------
valete - et excruciamini !
a.d.V.Non.Mai.

Mercurius Tiberi s. d.

Videamus ergo, o Sphinx e montibus Styriae descendens , ubi litterae E lateant! Vale. Datum ut supra.

Tiberis Mercurio ex ima Pannonia montem Sphingis ascendenti s.d.
ecce latibula litterae E:
-E- / ---- / ----E---- / ----E--E---- /-E---E---- / -E-----
vale.