Nomina filiarum

Colloquia de aliis thematis

Moderators: Moderator, Redactio Interretialis

Nomina filiarum

Emitteby anthonymagister on Merc 17 Nov, 2010 1.46

Spero hanc thematam esse dignam. Conjunx mea quattuor mensibus geminum (filias) gignet. Nova nomina putare tempto. Nimiumne nova est nomen, Lux? Lux est optima, sed multi putant nomen esse novius.

N.B. Lux est persona in notam fabulam "Virginium Suicidia."
anthonymagister
 
Nuntii: 1
Nomen dedit: Sol 29 Aug, 2010 0.47

Re: Nomina filiarum

Emitteby Rhumak on Mart 23 Nov, 2010 1.54

Anthonymagistro spd

Salve! Lux, Helix similiaque haud vulgo usitata nomina a futuristis usurpari solebant. Nisi fallor, Balla filiae suae Helicis nomen imposuit, alis autem futurista quem non memini, Lucis. Lucis autem nomine etiam anarchistae in primis annis saeculi decursi uti solebant: Lux Fabbri celeberrima anarchistria fuit in Italia haud multo ante vita decessa, adamata suis omnibus, filia magni anarchistae Aloisii Fabbri. Si geminas haberem, forsan Lucem et Helicem vocare non displiceret. Cum enim lux sempiternam vitam habeat, helix et pars machinarum modernarum est et stella antiquis nautis salubris fuit, est in his duobus nominibus tantum moderni roboris quantum antiquae sollemnitatis.

Cur autem antiquiora displiceant? Lavinia, ut puella mea ad me nunc sedens suadet, et mihi maxime placet. Aliud pulcherrimum opinione mea nomen Romanum est Ilia, quod nomen nullum fere aliud tam soni dulcedine quam historiae nobilitate vincere posse censeo.

Si admodum mira placent, cur obliviscamur Aegyptia? Iset (Js.t), quod ni fallor est nomen deae Isidis, pulcherrima mulier fuit tempore Ramsetis II, aliud nomen femininum Aegyptiis tunc usitatum erat Neferet (Nfr.t) quod significat "pulchra".

An omnino nova comminisci cupis?? Hoc est strenui patris! :wink:
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium


Return to Alia themata

Qui adsunt

Users browsing this forum: No registered users and 1 guest

cron