YLE Colloquia Latina

Mercurius infaustus Marco patibulatori dolosissimo s. d.

O quantopere sum deceptus! Quantopere sum frustratus! O di immortales! Quanto quidem gaudio, certe vanissimo, affectus eram, cum solutionem esse a me inventam stultissimo animo crederem!!! Sed, si iam moriendum est, ac patibulo mihi dependendum, esto! Praesta mihi litteram M, aut veniat mors gloriosa! Vale. Ibidem, eodem die, mihi fortasse ultimo

Marcus Mercurio patibulario pertinacissimo s.
Mmmm: optime, optime electum ! Cave ergo credas te esse infaustum! Ne longus sim, ecce aenigmatis status matutinus:

M A U _ S U _ //

Equidem ab hoc titulo perverso te deterritum non esse vehementer gaudeo.
Perge, mi amice!
VII Id. Ian. Crefeldiæ.

Lepidus amicis sal.

Praeclara legione Romana perdita Gallisque equis deiectis equitibus, altera clade accepta, tertium igitur impetum faciam, cum hoc tempore "L" cohortes Africanas, ferocissimas, ut spero, atque fortissimas, in agmen tituli crudelissimi conicere conar et aut vincam aut "O" vir redibit!

Valete!

a.d. sept. Id. Ian., ex castris apud Karthaginem novam sitis

Claudius Civilis Lepido s.
Copiis meis Batavis fretus cohortes quoque Africanas ad internecionem cecidi. Tota fere nunc Germania Inferior militum tuorum strage fugaque repleta est et prope Geldubam patibulum iam erexi, ad quod affigendum te esse censeo. Neque enim litterae abs te propositae in titulo insunt: errata nunc innumerabilia: + + + + + + + + ........!
Cave, ne in manus meas pervenias !
VII Id. Ian. Geldubæ, quod castellum Rheno impositum esse scis.

Regiomontanus Marco Favonio sodalibusque s.p.d.

Cum titulum aenigmatis insolitum ac perversum esse semel atque iterum dixeris, cum vox “perversus” hic idem quam “pravus” vel “scelestus” valere non possit, sed “praeposterus” valere possit, litteras tituli praepostere scribi credo. Ergo “NUSQUAM” illum titulum esse suspicor. Si in errorem lapsus sim, cum aliis sociis calamitatis sacrificabor, sed veniam pro audacia non petam. Si certus sim de titulo Latino, nullam tamen notionem habeo tituli originalis vel auctoris, et poena alia quaelibet suavior mihi accipienda erit.

Vale ac valete quam optime.

Dis Manibus M. Aemilii Lepidi magistri equitum,
praeclari atque illustrissimi tresviri rei publicae constituendae,
proconsulis Africae
apud barbaros ultra Rhenum sitos
crudelissima ab turba Claudiana et
rei publicae Romae maxime alienata
turpissime trucidati Pistos.
H.M.H.N.S.

M. Favonius sodalibus gravissime patibulatis, imprimis Iuliae, Mercurio, Pisto Regiomontano s.d.p.
NUSQUAM: summa cura studioque indagatum! Gratulor tibi, Regiomontane ! Quod ad titulum Latinum attinet, victor abisti. Aenigmatis ergo proponendi nunc tuas velim esse partes.
Sed revertamur ad titulum illum perversum! Facile est intellectu: MAUQSUN, id est nusquam. Quem titulum sane insolitum quam paucissimis explicabo: Samuel Butler Britanniam quae vocatur Victorianam eiusque morum vitia perversa carpturus satiram scribere sibi proposuerat. Qua de causa in titulo libri inveniendo litterarum ordinem permutavit sive pervertit et hoc excogitavit anagramma: Nowhere -> EREWHON. Quod Latine hoc reddi licet modo: Nusquam -> Mauqsun. Utinam ne „patibulatori mihi dolosissimo“ suscenseatis!
Dis manibus Lepidi expiatis nonne tu, mi Piste, hereditatem adibis?
Valete, amici. VII Id. Ian. Crefeldiæ.

Tnuima nomes ipcosa rtahsneansirn eiannttre!

Regiomontanus patibulariis omnibus s.p.d.

Cum partes patibulatoris mihi nunc agendae sint, ecce quod vobis paravi:

“.............................................................................
O Lucifer, splendidissime omnium angelorum,
Tu nunc es Satan, atque calamitate tua nunquam
Te expedire poteris; quantum casum est tuum!”

Haec verba a monacho, persona libri cuiusdam clarissimi, qui iam ante Americam inventam primum editus est, versibus non latine pronuntiantur. Requiritur titulus libri Latinus:

_ _ _ _ _ _ _ /_ _ _ _ _ _ _ _ _ //

Etiam titulum originalem et nomen auctoris, si velitis, dabitis. Quis vestrum primo se fortunae comittet? Nolite timere, amici, hoc aenigma multo facilius est solutu quam novissimum Marci.

Bonam fortunam vobis exopto.

Mercurius Regiomontano s. d.

Ad meliora! Videamus litteras I! Vale. Transaquinci, d. V. Id. Ian.

Pistos p. & p. s.d.p.

Tubicen legionem a"e"nigmariam pro castris collocari canendo iubet.

Valete!

Regiomontanus M. Hungarico Pistoque s.p.d.

Gratulor vobis: littera, quam unusquisque vestrum proposuit, locum idoneum suum invenit:

_ _ _ _ _ _ E / _ _ _ _ _ _ _ _ I //

Valete.

Regiomontanus M. Hungarico Pistoque rursum s.p.d.

Festinatio inimica est perfectionis. Duae litterae E verissime in titulo insunt. Vos igitur rogo ut priorem nuntium meum sperneatis. Verus status aenigmatis ergo hic est:

_ _ _ _ _ _ E / _ _ _ _ _ E _ _ I //

Valete.

Mecrurius Regiomontano s. d.

Nunc vero, ubi lateant litterae A, videamus! Ibidem, eodem die.

Pistos p.&p. sal.

Legio aenigma"R"ia utilior deleta x atque cohortibus l videtur. Ceterum, mi Regiomontane, quod nunc abundanter scripsisti, deleri potest per "x", quod dextra manu iuxta "edit" positum est.

Valete!