De bello Iraquico

Colloquia de aliis thematis

Moderators: Moderator, Redactio Interretialis

De bello Iraquico

Emitteby Area Latina on Merc 03 Mart, 2004 11.16

De bello Iraquico
--------------------------------------------------------------------------------
Nuntium misit: Alberto Flores | 23.09.2003 - 17:08 | |
--------------------------------------------------------------------------------
Cur Praesidens Bush nunc vult omnes nationes argentum mittere ad solvendam quaestionem post bellum? Ille hoc bellum initiavit, illi pertinet problemata solvere!!!


RE: De bello Iraquico
--------------------------------------------------------------------------------
Nuntium misit: Gastón - latine incipiens | 24.09.2003 - 20:45 | 1 | |
--------------------------------------------------------------------------------
Pauperes iraquiani si sua problemata a Bush soluti erunt!


RE: De bello Iraquico
--------------------------------------------------------------------------------
Nuntium misit: Alberto Flores | 01.10.2003 - 16:49 | 2 | |
--------------------------------------------------------------------------------
Vide rationes a me expositas cur bellum existere non debet in responsa mea ad quaestionem ab IO missam 30/Oct/03


RE: De bello Iraquico
--------------------------------------------------------------------------------
Nuntium misit: Alberto Flores | 01.10.2003 - 16:53 | 3 | |
--------------------------------------------------------------------------------
Me excusate!! Littera ab IO missa in mense Sept/30 fuit.


RE: De bello Iraquico
--------------------------------------------------------------------------------
Nuntium misit: Mercurius Hungaricus ® | 01.10.2003 - 18:09 | 4 | |
--------------------------------------------------------------------------------



Titulus "de bello Iraquense" mihi erroneus videtur. Scribendum esset "de bello IRAQUIENSI", amice.



RE: De bello Iraquico
--------------------------------------------------------------------------------
Nuntium misit: Stuart Medina | 01.10.2003 - 20:36 | 5 | |
--------------------------------------------------------------------------------
Vae Iraquianis! An iraquiani sint Americanorum iniquitatum sontes? Nvnc illvm miservm popvlvm nos iuvare decet etsi nos Americanum imperium in Mesopotamia inritet. Puto argentum innocentibus civibus adferendum esse. Autem simul exigamus ut copiae americanae redeant domum quam antea.


RE: De bello Iraquico
--------------------------------------------------------------------------------
Nuntium misit: Tiberis ® | 01.10.2003 - 23:46 | 6 | |
--------------------------------------------------------------------------------
"arma in omnis habent, acerruma in eos,quibus victis spolia maxuma sunt; audendo et fallundo et bella ex bellis serundo magni facti; per hunc morem exstinguent omnia - aut occident.." quae verba Sallustii quamvis sint de Romanis,quis est, qui neget eadem de Americanis dici posse? quorum, cum nomine libertatis defendendae toto in orbe terrarum ius sibi assumant intercedendi, si qua res non ad voluntatem eorum facta sit, re vera parvi quidem interest,quae sit condicio hominum a se, ut dicunt, liberatorum. quid? quis est, qui affirmet eos in ulla terra,quam in dicionem suam redegerint, res ac condiciones hominum bene vertisse?quis est, qui affirmet eos in ulla terra, quam vi et armis aggressi sint, cultum atque humanitatem, quibus rebus ipsi quidem egent, praestitisse ? sed illa equidem praetereo, quod iura humana sibi cordi esse dicunt,quorum statum in ipsorum terra vere miserabile esse apparet. at ubi sunt,qui resistant? ubi sunt gubernatores,apud quos salus populorum plus valeat quam commoda oeconomica paucorum? beneficiis, ut dicunt, obstricti, re vera autem necessitate oeconomica coacti nil agere audent,quod societatibus multinationalibus displiceat,quarum haud minimae sedem suam in Civitatibus Unitis habent.

sed iam satis. timeo, ne nimis irascar.

valete.


RE: De bello iraquense
--------------------------------------------------------------------------------
Nuntium misit: Tiberis ® | 01.10.2003 - 23:52 | 7 | |
--------------------------------------------------------------------------------
corrigendum: statum ..miserabileM (non: miserabile). neglegentiae meae ignoscite,quaeso.


RE: De bello iraquense
--------------------------------------------------------------------------------
Nuntium misit: Marcus Favonius ® | 02.10.2003 - 22:12 | 8 | |
--------------------------------------------------------------------------------
M. Favonius Tiberi viro clarissimo sal.

E plurimis litteris tuis gravem te esse virum apparet atque eum, qui linguam contineat sibique ipsi temperet. Quo magis miror tanta te indignatione tantoque impetu furoris nullo adhibito modo contra Americanos exarsisse, ut irarum flammis concrematus et absumptus esse videreris. Equidem belli pacisque consilia Americana permultorum vitiorum labibus aspersa esse concedo; sed, quaecumque ab Americanis quondam facta sunt, nunc fiunt, posthac fient, ea sine ullo discrimine reprehendenda atque castiganda esse nego. Nihil nisi verum quaeramus! Ut exempla adferantur, dic mihi quaeso: Quo adiutore Austria, Germania, tota denique Europa e pestiferis Socialistarum Nationalium manibus erepta est? Quo adiutore communistae sovietici inhibiti sunt, quominus Europam totumque orbem terrarum in potestatem suam redigerent? Cur universos Americanos cultu egere atque humanitate contendis? Quibus de rebus caveamus ne generatim loquamur. „Timeo, ne nimis irascar.“ Magna igitur sis, oro, in me indulgentia. Vale quam optime. A.d.VI. Non. Oct.




RE: De bello iraquense
--------------------------------------------------------------------------------
Nuntium misit: Tiberis ® | 03.10.2003 - 04:20 | 9 | |
--------------------------------------------------------------------------------
Tiberis Marco Favonio s.p.d.

in rebus Americanis aestimandis multum quidem interest inter meam sententiam et tuam.quod nimiam iracundiam meam reprehendis, equidem libenter confiteor me in tali re ira ac studio non vacare.nam facere non possum,ut de tantis iniuriis,quas tot homines, tot populi actis ac rationibus regiminis Civitatum Unitarum accipiebant, aequo animo ac velut more academico disseram. sed ut recte intellegar,non adeo populum ac singulos homines reprehendo quam regimen Americanum, quamvis illos quoque non culpa quadam vacare putem,cum neglegentiores sint in magistratibus suis creandis. quae cum ita sint, "nihil nisi verum quaeramus" !licet opera eorum acciderit,ut tyrannis Socialistarum Nationalium collaberetur,tamen quaerendum est,cur id imprimis contenderint, ut incursionibus suis aereis magis illis urbium partibus evertendis studerent,quae hominibus habitationi essent,quam ut id agerent, ut itineribus ferriviariis destruendis castra illa exstinctoria commeatu intercluderent.

ceterum non est dubium, quin in copiis Germanicis repellendis vires Sovieticae plus valuerint,praesertim cum peditatus Americanorum tum demum hostem invaserint, cum iam esset decretum.nihilo minus tibi assentior, cum dicis aequum esse nos Americanis pro patria nostra liberata gratiam habere, quamvis haud minorem Russis gratiam debeamus, qui pro tot millionibus hominum in bello interfectis, pro terra sua devastata, mitiores quidem victores se praestiterint.sed bello confecto cerneres, quantam vim habuisset odium Russorum a Socialistis Nationalibus populo quasi tam insitum,ut ii ipsi homines, qui urbes perfugis confertas exstinctas, centena aut plura milia hominum summo cum cruciatu crematos esse neglegerent, tamen officinas quasdam aut machinas a Russis sibi auferri gravarentur.

at famam illam veterem, de qua mentionem fecisti - Russos sive Sovieticos totum orbem terrarum in potestatem suam redigere voluisse - pro nihilo habendam duco.licet eiusmodi consilia in armariis ducum aut praefectorum quorundam fuerint, sed nullius momenti est. nam re vera totus fere orbis terrarum iam pridem in dicionem Civitatum Unitarum redactus est, de quarum consilio ac ratione illud Vergili valet (sc. nomine mutato) :" tu regere imperio populos,Romane,memento ,parcere subiectis et debellare superbos."

et Dominus "annuit coeptis".:-((

vale.




RE: De bello Iraquico
--------------------------------------------------------------------------------
Nuntium misit: Marcus Favonius ® | 03.10.2003 - 21:36 | 10 | |
--------------------------------------------------------------------------------
M. Favonius Tiberi v.c. salutem dicit plurimam.

Epistula tua longiore perlecta sententiisque tuis diligenter mecum reputatis non ita multum interesse intellexi inter meam sententiam et tuam. Tamen hoc mihi liceat addere, quod a re alienum non esse arbitror: Quaecumque disputatione digna sunt, ea in contrarias partes sive in utramque partem disputari oportet, idque, ut mea quidem fert opinio, sine ira ulla et studio, ne animi motibus a considerate argumentando prohibeamur. Quid igitur?

Primum de domiciliis civium pyrobolis crudeliter eversis merito te ac iure questum esse concedo. Neque tamen silentio praetereundum videtur esse, quod Victor KLEMPERER, clarissimus ille philologus, cuius „LTI“ notam tibi esse puto, commentariis suis diurnis mandavit: Dresda pr. Id. Febr. anno 1945 flammarum ardore paene solo adaequata servatum se esse ab interitu; sede enim custodum, quorum munus erat Iudaeos in campos deportare exterminatorios, funditus deleta tabellae omnes, in quas deportandorum Iudaeorum nomina relata essent, concrematas esse et exstinctas; qua re comperta sine mora a paenula se avulsisse stellam illam sufflavam, qua se Iudaeum esse demonstraret; hoc modo e vitae periculo se ereptum esse.

Deinde „in copiis Germanicis repellendis“ milites Sovieticos inter aliarum nationum milites virtute longe praestitisse constat. Neque tamen Americanorum merita silenda esse censeo; quis est enim, quin sciat inummerabiles fere naves onerarias Americanas Canadianasque per Oceanum Atlanticum, qui navibus tum Germanorum submarinis infestus redditus erat, maximo cum nautarum navigavisse periculo, ut Unio Sovietica belli instrumentis suppeditaretur. Tum Sovieticorum militum gloriam nequaquam diminuemus, cum de Archipelago quod dicitur Gulag admonuerimus. Quot ibi homines a Stalinistis inhumane tractati, ferociter vexati, crudeliter exstincti sint, in tenebris semper iacebit. Memores quoque simus, quanta immanitate copiae Sovieticae Hungarorum Bohemoslovacorumque seditiones compresserint.

E contrario permultae quoque sunt et fuerunt Americanorum res gestae, quas improbandas esse censeo. Americanos saepe ‚neglegentiores esse in magistratibus creandis’ summo iure castigasti. Quae res in memoriam mihi reduxit illum Gunthari ANDERS librum, qui inscribitur „Visita amoenam terram Vietnam. Abecedarium ad nostrae aetatis aggressiones pertinens“ (Coloniae Agrippinae, 1968). Cuius libri illud maximi momenti videtur esse caput, cui titulus est „Divina Comoedia“ (p. 32sq.): Demonstrat enim ANDERS nulla alia re opus esse ei, qui praesidis Americani honorem petat, nisi aspectu quodam photogenico, anno scilicet 1968! Quem librum – mutatis mutandis – etiam ad BELLUM IRAQUIENSE pertinere arbitror. Quod bellum quidem ad tyrannidem tollendam necessarium fuisse puto, sed Americani imperiti sane et ignari esse videntur, quemadmodum Iraquienses iustis pacis condicionibus reconciliandi sint. Et „novus ordo seclorum“ sub adspectum nondum venit. Exspectemus ergo. Sed satis iam verborum est.

Spero utique intellexisse te, vir spectatissime, me uni tantum parti minime deditum esse. Vale. A.d. V. Non. Oct.






RE: De bello Iraquico
--------------------------------------------------------------------------------
Nuntium misit: Tiberis ® | 07.10.2003 - 01:21 | 11 | |
--------------------------------------------------------------------------------
Tiberis Marco Favonio,viro clarissimo,s.p.d.

responso tuo perlecto non parvam me voluptatem cepisse confiteor cum ex aequitate ac humanitate sententiae tuae propria tum e summa tua facultate atque elegantia Latine dicendi. sed quia "suadent cadentia sidera somnos",quae sentio, quam paucissimis exponam.

nam verbis tuis cum maxima ex parte assentiar,tamen bellum Iraquiense minime necessarium fuisse ,immo etiam non gerendum fuisse mihi persuasum est, primum,quod a concilio securitatis Nationum Unitarum non sit probatum, deinde,quod bella praeventiva repudianda omnino ac minime toleranda esse censeo.quid? num tolerare possumus eos, quibus sunt arma viresque,quamlibet invadere terram sibi non gratam nomine tyrannidis tollendae? illa enim praetereo, quod permulti fueru nt tyranni, quos Americani non modo non expulerint, immo magis summa ope adiuverint. ne obliviscamur, quae fuerit causa huius belli ab Americanis proposita: arma exstinctoria, quae Saddam Hussein haberet, se voluisse investigare ac delere.quibus non repertis bellique causa sublata quis dubitare potest,quin Iraquiam non aggressi sint nisi eo proposito, ut eam terram in potestatem suam redigerent? caveant, ne nomine terroris arcendi ipsi aliis terrorem inferant. regimine Talibanorum expulso quis est, qui credat Afghanistaniam esse pacatam, democratiam ac libertatem valere? at odium in occupatores in dies valebit,cum in Afghanistania,tum in Iraquia.timendum est, ne ex eo odio nova bella oriantur, novae caedes...

bene vale.


RE: De bello iraquense
--------------------------------------------------------------------------------
Nuntium misit: Walter Wabash | 11.10.2003 - 23:53 | 12 | |
--------------------------------------------------------------------------------
Salvete!


Excusate me de mea latinitate. Non scribo bene, quamvis volo sententiam meam exprimere. Miles sum in exercitatu Americano, et eo in Iraq proximus annus, ita res illa me familiamque meam multo tanget. Multus Europeanorum censet Americam imperium malum esse. Conscius sum de multis rationibus ad eam sententiam. Non suffragatus sum praesidenti nostro George Bush. Maior pars populi americano eum non velit (problema cum modo electionis!) Modum belli gerendi huius praesidentis quoque non approbo. Sed Americanos Americamque non malos esse mihi dicendum est, et comparare "imperium Americanum" aliis imperiis historiciis non decet. Plerimi Americani volunt, tamquam plerimum mundi, vivere in pace. Sed America natio potissima est, et coexsistet cum hac potestate multa responsibilitas. Fortasse America bene non agit, fortasse bene. Sed mihi videtur reliquos nationes modo requiescere morareque donec America aget; postquam Americam culpant. Sententiae vestrae?



Valete!



RE: De bello iraquense
--------------------------------------------------------------------------------
Nuntium misit: Alberto Chiovelli | 12.10.2003 - 01:07 | 13 | |
--------------------------------------------------------------------------------
" ... amici vitia si feras, facis tua ... "


RE: De bello iraquense
--------------------------------------------------------------------------------
Nuntium misit: Gastón - homo indoctus | 12.10.2003 - 16:24 | 14 | |
--------------------------------------------------------------------------------
Salve Walter!


Mea latinitas multum peior est quam tua. Ergo ex omnibus quod tibi scribere volo, paucum scripsero. Multum tibi scribere volo, quia difficile est americanos in foris interretis invenire. Cur tam difficile est, si plurimi nautae interretis americani sunt? Etiam multum scribere tibi volo quia terra tua potentissima est omnium, et multum bonum malumque efficere potest. Mundus enim fere in manibus vostris sunt. Vos tantum mundum a multis calamitatibus salvare potestis.



Non modo europeani sed etiam plurimi gentes orbis Terrae censent imperium americanum malum esse. Omnes enim imperia mala sunt! Sed decreta populi americani (libertas, democratia, etc) illis decretiis imperiorum adversantur.



Populum americanum atrocitates quas sui moderatores aut satrapae faciunt ignorat. Si illas sciret, imperium non esset. Duas causas istae ignorantiae esse existimo: “propagandaâ€
Area Latina
 
Nuntii: 106
Nomen dedit: Lun 01 Mart, 2004 20.14

Return to Alia themata

Qui adsunt

Users browsing this forum: No registered users and 1 guest

cron