by Marcus Favonius on Lun 07 Nov, 2005 22.15
M. Favonius sodalibus, imprimis Mercurio suo s.d.p.
Forsitan epistula, quam nudius tertius ad vos misi, aequo longior sit, sed summi litterarum vertices ascendendi erant...
Quod vero ad Hermannum Broch attinet, ingens, ne dicam immane est opus: liber haud lectu facilis multisque difficultatibus implicatus, iisque imprimis ad dicendi genus pertinentibus. Reperies Vergilium ipsum in mentem suam introspicere multoque uti sermone qui dicitur intimo, reperies sententiarum continuationes non raro esse tam longas, ut summa animi opus sit intentione (*). Ecce gravissima, nisi fallor, libri sententia: Quicumque poeta carmina condidit, is animum ab eo, quod est, avertit. Haec hactenus. Ex animo tibi, amice mi litteratissime, exopto, ut Hermanni Broch lectio animum tuum pascat delectet teneat.
Vale, valete. VII Id. Nov. Ex Cornicum Campo.
(*) Ecce prima libri verba: „Stahlblau und leicht, bewegt von einem leisen, kaum merklichen Gegenwind, waren die Wellen des Adriatischen Meeres dem kaiserlichen Geschwader entgegengestr