YLE Colloquia Latina

Salvete omnes!

Hic nuntius primus a me scriptus est: mihi igitur errores ignoscite!

Problematis causa scribo: in gymnasio Finnico (upper secondary school, lukio) studeo et mox examinem maturitatis Latinum, examinem studium perficentem, conficiam. Duo diffucultate disparia examina maturitatis Latina sunt sed differrentiam non magnam esse censeo. Tamen aliqui sodales in schola mea praemonuerunt, ne in examine difficiliore interdum questiones impeditissimae sint. Non ergo consilium capere possum, utrum de duobus examinibus conficiam.

Si hic alii Finni sunt, qui examinen maturitatem Latinam confecerunt, sententiam vostram de hac re noscere velim!

Valete!

Ericus Palmén Ioanni Gaio s.p.d.
Die quarto mensis Novembris nuntium scripsisti sciscitans, "utrum de duobus examinibus" Latinis maturitatis tibi conficere praestaret. Illa duo examina profecto difficultate paululum disparia sunt; unum, cui titulus est LAAJEMPI OPPIMÄÄRÄ, iis destinatum est, qui iam antequam in gymnasium transierunt, in schola quae vocatur fundamentali (in classibus 7 -9 eius) studia Latina exorsi in gymnasio ei studere perrexerunt, idque, ut par est, paulo difficilius est quam alterum, LYHYT OPPIMÄÄRÄ inscriptum; hoc enim destinatum est iis, qui in gymnasio demum studiis Latinis incohatis tres tantum annos dedicaverunt.
E supra dicto crediderim elucere, utrum examen eligas; difficilius illud, si iam in schola fundamentali, hoc facilius, si in gymnasio studia tua Latina exorsus es.
Peto a te, ut mihi ignoscas, quod nunc demum hoc responsum fers; prae aliarum enim occupationum multitudine iam diu hanc aream colloquiorum Latinorum ne inspexi quidem. Cura, ut optime valeas!

Ioannes Gaius Erico Palm