YLE Colloquia Latina

Tiberis Riccardo sal.
littera P inserta hic est novissimus status:

_ I _ _ _ _ / _ _ P _ _ / _ _ _ I / _ _ _ _ _ _ _ _ _ //

vale!
XVI.Kal.Mart.
Aquis Aequimontanis

Mercurius Tiberi s. d.

Litteram "A" in pugnam ire iubeo! Di faxint, ut victor redeat! Vale. E finibus Pannoniae Inferioris, d. XVI. Kal. Mart.

Tiberis Mercurio suo sal.
ergo videamus, littera A quoque inserta quomodo res se habeat..

_ I A _ _ _ / _ _ P _ _ / _ A _ I / _ _ _ _ _ A _ _ _ //

qua littera detecta non dubito, quin futurum sit, ut ......... mox dissolvantur.

vale.
XV. Kal.Mart.
Aquis Aequimontanis, hieme non cessura

Iulia Tiberi sal.

Priusquam omnino dissolvamus aenima tuum (quod alii facient...), oro detegas litteras U, quas vehementer puto in illo latere.

Vale!

Mercurius Iuliae vehementer putanti s. d.

Mea Iulia, sit venia verbo, sed monere te ausim adverbium "vehementer" haud coniungi posse cum verbo "puto". Quid? quod illud adverbium significat "magno cum impetu" "ardenti cum animo" "acerbe", "irate"; ac penes ea verba inveniri potest, quibus actio quaedam, aut rectius motus corporis sive animi ostenditur (vide verbum "veho", unde originem capit). Potes ergo vehementer gaudere, dolere, laborare, pugnare, sed non potes vehementer putare. Ignosce mihi, quod te quasi docere ausus sum, et rogo te, ut etiam tu errorum meorum me admoneas. Vale. Transaquinci, d. XV. Kal. Mart.

Tiberis sodalibus suis,imprimis Iuliae Mercurioque sal.
videamus, an littera U detecta paululum proficiamus ..
ecce novissimus status:

_ I A _ _ _ / _ U P _ _ / _ A _ I / _ _ _ U _ A _ U _ //

valete.
XV.Kal.Mart.

Mercurius Tiberi s.

Mi Tiberis, scire velim, num pro certo omnes litteras a nobis prolatas retexeris? Vale. Datum ut supra.

Tiberis Mercurio sal.
mirum, mi Mercuri, ni omnes litteras a vobis quaesitas detexerim.
tamen videamus, num quid praeterierim. ergo repetamus:
detectae sunt litterae A, I, U , P, quae hoc modo insertae sunt:

_ I A _ _ _ / _ U P _ _ / _ A _ I / _ _ _ U _ A _ U _ //

ex quo apparet me nihil praetermisisse, ni fallor.
vale !
XV. Kal.Mart.

Marcus Tiberi suo sal.
Scribere ausim hoc, mi amice: VIATOR SUPER MARI NEBULARUM, id est "Der Wanderer über dem Nebelmeer", quam tabulam pinxit Caspar David Friedrich (1774-1840). Haec properans, nam officii muneribus opprimor. Vale. XV K. Mart.

Tiberis Marco suo s.
Venisti, vidisti, vicisti - quid plura? excellentissime solutum, mi amice ! quam picturam Casparis David Friedrich praeter ceteras aetatis romanticae picturas ex eo tempore aestimabam, cum primum eam vidi multis annis ante in involucro disci cuiusdam phonographici phantasiam illam Francisci Schubert continentis, quae "viator" inscripta est...

vale!
XV.Kal.Mart.

M. Favonius sodalibus sal.
Cum hebdomadae subsit exitus, timeo, ne labor vos deficiat, amici . Qua de causa oro vos benigne accipiatis novum hoc aenigma, quod ad praeclaram quandam pertinet fabulam commenticiam, quae in scaenam induci possit. Ecce lineae tituli Latine redditi:
- - - - - - - - - - - - - - - - //
Attendite, attendite, amici! Duo sunt verba, sed linea diagonali non distinguuntur .
Quaeruntur titulus Latinus, titulus originalis poetaeque nomen.
Cogitate et valete. XIII K. Mart.

Mercurius Marco s. d.

Etsi iam diu a vobis iterum iterumque praeoccupor in solvendis aenigmatibus, nunc en arma capio, ac vexillo meo litteram E inscribo. Vale. Transaquinci, d. XIII. Kal. Mart.

Marcus Mercurio suo s.
Ehem! Bene, sed non satis, amice!
- - - - - - - - - - - - E - - - //
Memento: Omnium rerum principia parva sunt.
Sit tibi fausta nox.

M. Favonius sodalibus, imprimis Tiberi s.d.p.
Ut Patibulum nostrum minime ludum esse intellegatis ineptum, commercio epistularum inserendum hoc esse censeo: Patibulo soluto Tiberis (v. ep. 2569) de phantasia illa Francisci Schubert, cui titulus „Viator“, id est „Der Wanderer“ (op. 4, nr. 1, 1816), quam adhuc ignotam mihi fuisse rubore confusus confiteor (non sum artis peritus musicae), certiorem me fecit, ut ad legendos Georgii Philippi Schmidt de Lubecis poetae versus et ad audiendam illam admirabilem musicam summa adducerer cum voluptate . Ecce illius poetae verba: „Ubi non es, ibi est fortuna“ (id est „Dort, wo du nicht bist, dort ist das Glück“). Haec hactenus. Quam iucundissimam vobis Dominicam.

Tiberis Marco suo s.d.p.
maximo gaudio affectus sum, cum legerem te , mi amice, brevi illa adnotatione mea adductum esse ad musicam Francisci Schubert audiendam. cuius modulamina miro quodam modo animos hominum mulcere videntur. de quo nescio quis locutus est fere haec: "musica Ludovici van Beethoven contendit ad astra, ad caelum: unde venit musica Francisci Schubert."
quod autem attinet ad illam phantasiam supra dictam, ne moleste feras, mi amice, si pauca addam: opus a te citatum (op.4,1) a phantasia (op.15, 1822) distinguendum est, quamvis phantasia nomen suum a carmine illo traxerit : nam in phantasiae parte secunda thema ex illo carmine ortum modulatione variatur ; verba huius thematis propria sunt haec:" sol mihi tam frigidus hic esse videtur.."(die Sonne dünkt mich hier so kalt..)
utrumque opus praeclarissimum est, utrumque plurimi aestimandum..
vale.

X.Kal.Mart.