YLE Colloquia Latina

quo modo uel loco possum Nuntios Latinos Vol I - V emere?

epistulam electronicam mittere in kirjamyynti@finnlit.fi iam frustra conatus sum. hoc enim accepi responsum:

550 5.1.2 <kirjamyynti@finnlit.fi>... Host unknown (Name server: finnlit.fi: host not found)

si scitis, facitote, quaeso, me certiorem. gratias ago maximas.

ualeatis quam optime.

Ericus Palmén Medisiluano s.d.
Non est mirandum, quod libros Nuntiorum Latinorum a Societate Litterarum Finnicarum electronice frustra tibi subnotare conatus es, cum inscriptio electronica dictae societatis in pagina ad nuntios latinos accedente perperam scripta esse videatur. Debet esse kirjamyynti@finlit.fi (non: ...@finnlit.fi; una igitur littera n, non duae!).
Peto a te, ut mihi ignoscas, quod nunc demum hoc responsum fers; prae multitudine enim hodiernarum occupationum mearum iam diu aream nostram colloquiorum Latinorum ne inspexi quidem. Curabo, ut paragramma, quod in paginam interretialem nostram irrepsit, quam citissime corrigatur. Cura, ut valeas!

Iulia Erico suo sal.

Erice, denique quasi ex inferis surrectus nobis es redditus!!! Maximo gaudio affecta sum te hic vidisse scribentem. Valde spero, ne iterum occupationes te cogunt in silentias recedere. Libro autem tuo confecto - de quo libro nomine "Clavis Latina" iam Marcus in colloquio de rationibus linguae Latinae docendae in mundo, nuntiuo ibi MDXIX, quaesivit - plus tibi deberet esse temporis, ut etiam tu colloquia nostra colere possis!

Cura ut valeas et ne negotis opprimeris!