YLE Colloquia Latina

M. Favonius Ursinus sodalibus, imprimis Mercurio suo Hungarico s.d.p.

Quinquaginta ante annis, cum puer scholam frequentarem, radiophono expedito Hungaros Budapestini impavide exsurrexisse audivi contra crudelem dominationem communisticam. Imprimis incredibilem tum admiratus sum fortitudinem adulescentium, qui, cum ab AVOnibus, id est vigilibus secretis, pistoliis machinalibus impugnarentur, ipsi arma ceperunt...
Equidem gaudeo, quod nonnullis abhinc annis Budapestini Terror Háza, id est Domus Terroris, instituta est (Andrássy út - via Andrássy). Qua inspecta nemo est, quin vehementissime commoveatur libertatemque summum bonum esse intellegat.

Vale, valete.

X K. Nov. Ex Cornicum Campo.

Soter Mercurio Hungarico, Amico clarissimo carissimoque, et Sodalibus s.d.p.


Hoc die, quo omnes civitates populares et omnes homines bonae voluntatis celebrant quinquagesimum diem anniversarium heroicae seditionis, pro sacra Libertate, Nationis Hungaricae contra tyrannicam dominationem externam, summa cum admiratione nobilem Populum Hungaricum contemplor et maxima cum reverentia saluto gloriosum Vexillum Hungaricum, cui (ad libellam directi) sunt iidem colores - viridis, albus et ruber - atque Italico (ad perpendiculum directi).

Vale, optime Mercuri mi !

Valete, optimi Sodales !

Soter

A. d. X Kalendas Novembres a. D. MMVI - Neapoli

Mercurius sodalibus s. d.

Verba vestra mihi gratissima esse scitote! Quo tristius quidem est, quod dissidiis gravissimis ob orationem Gyurcsanyianam foedissimam in lucem proditam coortis fere impedimur, quominus hoc anniversarium vere magnificum secure ac laete celebremus. Et ne hodie quidem furor protestantium sedatus est: e foro enim de Ludovico Kossuth nominato (ubi Gyurcsány, Barroso etc. anniversarium celebrant) non sine vi exclusi illi protestantes nunc "intervallum Corvinianum" (Korvin-k

Mercurio, Marco Soterique spd

Tibi feliciter populoque tuo, Mercuri!
Quam magnificus atque saluber Socialismus esset, nisi Communismus eius esset potitus! ac quanta spe novae humanitatis (sive ab humanitate "consumptorum" differentis) et praesertim novae libertatis (sive a libertate americanorum differentis) educari nutriri ac pugnare potuissemus, nisi partitocratia et militarismus Communistarum omnem spiritum revolutionis socialisticae et libertariae in sanguine oppressisset. Quis populus se seu liberismo seu communismo (i.e. seu dictatura commercii seu dictatura factionis) reapse liberum fore post hoc saeculum sperare ausit?

"...Qualcuno era comunista perch

Mercurius sodalibus s. d.

Rhumake carissime: socialismus est idea certe pulcherrima, sed ego quidem vivebam (certe puer) in socialismo ut vocabatur "de facto existente", ("l

Mercurio aestimato spd

Cum de recenti seditione parisina loqueris, studentibusne contra iura operariorum obrogata manifestantibus innuis, quod sex ferme ante menses evenit? Si sic, illa seditio nullis fanaticis, sed, ut dictum, ad obrogationem aliquorum iurum operariorum vitandam studentibu cum operariis ipsis facta est, simillima manifestationum nostratium contra obrogationem articuli XVIII Constitutionis Operariae a Socialistis VI decennio secli praeteriti institutae, qui fabricae possessor opere ut operarios suos nonnisi iusta validaque causa expressa dimittere possit constituit.
Apud vos, econtra, ut mi intellegisse videor, seditiosi dimissiones primi ministri propugnant, quibu fere cuncti adsentimini, quamvis eorum modis violentis improbantes: utrum ita est, an parum intellegi? Quaestio utcumque longe diversa a prioribus.
Cum primus minister, praesertim dictaturae (etiam Benitus ille Mussolini noster "primus minister" vocabatur, sed nempe dictaturae!), sed etiam interdum democratiae "modernae et liberalis" dimittatur oportet, aliquas cieri seditiones populares maxime necesse est, quia ipsam necessitatem dimissionum adseverant, multo magis et melius quam quaevis rogatio curialis... etsi, eheu nos, hoc aliquos feriri et perire quidem coercet.
Speremus igitur, hos tumultus quam primum finitos iri populumque vostrum quod cupit citissimo quam minimis vulneribus paucissimisque vulneratis habiturum esse.
Quod ad socialismum, omnia illa crimina nonnisi per communismum, sive socialismum per dictaturam illatum, (ut illi ipsi scelesti dictatores de potentiis suismet iactarant, vocitantes socialismum "de facto exsistentem" [apud Italos, "socialismo reale"]) facta sunt: quae dictatura omnia somnia nostra, ut tam pellucide Gaber in illo excerpto quod supra rettuli explicuerat, horrore cruore et violentia delevit: quod usque in diebu verius apparet, cum narrationes tuarum similes undecumque orbis, ubi communistae rerum potiti sunt, ad auris nostras veniant: et Itali scimus et dictatura quid sit, et, post dictaturam, democratia corrupta quid sit!

Di vos servent
Feliciter Hungaris
Feliciter liberis

Mercurius Hungaricus Rhumako s. d.

Recte consequutus es in litteris tuis Hungarorum plerosque velle Gyurcsányii dimissiones, sed condemnare vandalismum. Ceteroquin fuit, fuit hesterno die in foro "Astoria" congressus fautorum partium opponentium nomine "FIDESZ", ubi homines partim anniversarium celebrabant, partim pacifice contra Gyurcsányum protestabantur: et dum haec in Astoria agebantur, ecce vigiles sive politia vandalos istos pessimos a foro "Deák" recta via in forum "Astoria" intrudere, ut homines pacifice protestantes maleficis istis miscerentur! CUI HOC PRODEST?

Non studentium quidem nuperam protestationem sub tumulto Parisiensi intellegebam, sed conversiones in suburbiis Parisiorum ex causis ethnicis obortas.

Quod ad socialismum: si bene memini, Socialistae nostri dixerunt socialismi finem extremum esse communismum. Sed non me praeterit aliud significare socialismum in parte Europae feliciore id est in occidente, quam in infeliciore, id est in oriente. Vale! Budapestini, a. d. IX. Kal. Nov.

Mercurio spd

Omnino contrarium est: socialismus est communismi finis: Marx enim dictaturam proletariam (sive "programma parvum") unicam esse rectam viam iactavit ad socialismum, quod est idem ac anarchia (sive "programma magnum"), quod dictatura proletaria post revolutionem reliqua indicia burghensis coetus deleret, quibu deletis eiusque dictaturae ratione exsistendi sublata, semet ipsam haec dictatura delesset! Hoc Marx cogitabat: tune quando dictaturam per sese destructam vidisti? uah... Bakunin anarchicus hoc absurdum logicum perspexit ac scripsit, ideoque I Internationale Operariorum a Marx Engelsque, quamvis pleraque suffragia sibi optinens, ambitibus extroiectus est (Congressus Aiae 1867). [Alia ratio expulsionis super illo argumento discordiae Karoli Marx Michaelisque Bakunin est, utrum proletarii urbani an rustici priores revolutionem socialem incepturi essent (communistae illos, anarchici istos putabant)]: sed de his hactenus: iam Historia utri bene, utri distortas res perspexissent iudicavit: communistae eorumque dictatura praevaluerunt omniaque ut dixi somnia socialismi pessa dederunt illo modo, quem tu, probe amice, omnesque ii miseri, qui sub eorum gubernatione vixerunt, optime norunt. Sed hae nunc iam papae sunt: dic potius: minister voster quid resoluit? Abibitne? Seditiones hesternae qui finirunt? Mortui? Feriti?
Valde spero nil vel saltem quam paucissima luctu lacrimabilia accidisse!

Vale mi

PS Violentos pacificis immiscere, haec est celeberrima consuetudinum praetorianorum harum hodie democratiarum modernarum et liberalium! farinam et furfures eadem mola pressisse plus panis conficit!

Marcus sodalibus, imprimis Mercurio suo Rhumakique sal.
Equidem, cum unus ex FIDElibus meis amicis Hungaris nuper polgármester, id est magister civium, creatus sit, maiore nunc cum diligentia, quid in patria tua fiat, optime mi Mercuri, studeo intellegere. Nonne mendax ille G., qui socialismo se favere dictitat, in ditissimorum Hungarorum numero, nisi fallor, habetur? Honestis rei publicae rectoribus non raro ORBAti videmini vel potius videmur; rem enim etiam ad Germaniam Italiam Civitates Unitas ceterasque nationes pertinere puto.
Optime vale.
IX K. Nov. Ex Cornicum Campo.

Marco Mercurioque spd

In Italia plerique proceres Sinistrae, qui se socialismo favere iactant, genti Agnellorum propinquissimi sunt, quorum aliarumque potiorum gentium italarum fabricarum, via recta vel devio tramite, inter potissimos actionistas sunt, dum fundum meridionalem gerunt et primi bonorum publice praebendorum, ut helectricitas et aqua, privatizationes imprenderunt (socialistae???? ): ipsi eorumque sodales munera ingentis pecuniae percipiunt, sed, nil voluntatis ea deminuendi simul gravissimis impensis ad alios proceres inertes enutriendos habentes, "finantiariam legem" ferunt ut a tributis civium solidos ad oeconomia publicam sanandam fabricasque dirutas (ex quibus pleraeque ad Agnellos ipsos pertinent) depromant. Iudicate vos, utrum annon bello civili proximi simus...

Mercurius Rhumako Marcoque s. d.

Gratias, mi Rhumake, quod mihi ideam Marxii explanavisti. Certe, expressionem "dictatura proletaria" iam dudum novi, sed cetera (ut programma ista) non. Quod ad eventum noctis: in interreti legi neminem mortuum (Deo gratias), multos vero vulneratos, plurimos in carcerem iactos, atque homines pacificos innocentes a vigilibus vexatos offensosque. Nunc quid sequatur, nescio: metus est, ne vandali hodie vespere in plateas redeant.

Mi Marce, quod ad Orbánum attinet, nec ille quidem sacrosantus est, ac quod maius malum est, vehementer defatigatus ille est "detritusque" proeliis politicis, in quibus iam 17 annis partem capit. Novus dux "fidelibus" eligendus est. Valete! Ibidem, eodem die.

Marco Mercurioq sal

Quid est FIDE? quis est Orbàn?

Quid iterum minister hungarus resoluit super munere suo?

Scholastica opera hodie me procul a commentariis computatroque tenebunt, ideo ex vobis quaero vespera lecturus...

Valetote

[quote="Mercurius Hungaricus"]Mercurius Hungaricus Rhumako s. d.

color=red]Ceteroquin fuit, fuit hesterno die in foro "Astoria" congressus fautorum partium opponentium nomine "FIDESZ", ubi homines partim anniversarium celebrabant, partim pacifice contra Gyurcsányum protestabantur: et dum haec in Astoria agebantur, ecce vigiles sive politia vandalos istos pessimos a foro "Deák" recta via in forum "Astoria" intrudere, ut homines pacifice protestantes maleficis istis miscerentur! CUI HOC PRODEST? [/color] [/quote]

Salvete!
Ira et luctus in animo meo miscentur.
Multi ibi proximi mei celebrabant -non demonstrabant!!! -, etiam parentes et fratres natu minores. Vigiles
1, sine ullo quaestione vel imperio multitudinem ingressi sunt
2, liberam viam ad decedendum - ut secundum leges debuit in tali situatione - non dederunt: plus quam centum milia homines ibi celebrabant!
3, _omnes_ (id est etiam mulieres, liberos, senes, etiam parentes mei) dire verberabant cum "vipera" quoque, mox apprehensos et ligatos homines in domo praetorio calcabant et variis modis excruciabant.

Fratris mei duos amicos vigiles apprehenderunt, unius (aetatis 13!)lacertum "tantum" fregerunt, alterius manum permultis locis, calvam duobus locis fregerunt - iam in praetorio, "lusu", inhumana crudelitate.

Seditiones, interdum vandalismus iidem fere ducenti homines incitant, quos - ut praeses vigilium duos dies post domum Televisionis oppugnatum ipse declaraverit - inquisitores policiani nominatim cognoscunt. Si voluissent, eos perfacile capere potuissent. Si.

De his televisiones tacent, vigiles ut "humanos" et "causis politicis accusatos" exhibent - dummodo primus "minister" mendax et factio istius mendax (nolite obliviscere, factionis MSZP praesides etiam noverunt veritatem ante electionem!!!) in potestate permanerent.

IIS PROSUNT innocentes ambulantes verberati, multitudo indefensa tremefacta , amici mi!!!
Valete.