De rebus archaeologicis

Colloquia de antiquitate

Moderators: Moderator, Redactio Interretialis

Emitteby soter on Lun 18 Iul, 2005 14.34

Soter optimo Amico Marco Favonio s.p.d.

Clarissime ac carissime Amice mi Marce,
ornatissimi ex Francisci Petrarcae tertio Epistularum Metricarum versus, quos ad laudandam Italiam mihi (et omnibus Sodalibus) humanissime ac doctissime, sicut soles, exscribere sincera cum admiratione voluisti, animum meum vehementer commoverunt et, simul, magno gaudio meum Italicum ac Parthenopeium cor expleverunt !
Nec casu, quidem, de te "sincera cum admiratione" scripsi: ausim adiungere "sincero cum amore", recordatus de AMICO QUODAM ILLO, qui saepius Italiam peragravit et, immo vero, iter nuptiale, praecipue, in amoenis locis "meae" Campaniae Felicis fecit !!
Amicissime te complector, mi Marce !
Facias ut plurimum valeas !
:D

Soter

A.d. XV Kalendas Augustas - Neapoli
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Marcus Favonius on Iov 28 Iul, 2005 22.59

M. Favonius Soteri amico suo Parthenopeio ceterisque sodalibus pariter omnibus s.p.d.

Hodie quamvis nimio solis ardore torrerer, Herculanĕum :lol: animo visitavi laetitiae pleno et alacritatis, non illustrissimum quidem illud ipsum municipium in Campania situm, sed multas consideravi eius reliquias, quae his diebus in Germania exhibentur. Rem quam paucissimis explicare velim.
Est oppidum, quod Germanice appellatur Haltern, prope Lupiam fluvium situm. Quo loco, quippe qui maxime videretur idoneus, Romani castra collocaverant Germaniam transrhenanam perdomituri. P. autem Quintilio Varo eiusque legionibus occidione occisis haec castra ab exercitu Romano relicta sunt. Quae cum saeculo praeterito ab archaeologis effossa essent, civitas Halternensis, ut Romanorum maneret memoria, Museum Romanum eo ipso loco instituendum curavit. Quam ob rem minime mirum est ibi etiam Herculanensia in vulgi conspectum dari. Et sunt – pro di immortales! – res rarissimae splendidissimae pretiosissimae: reliquiae humanorum corporum, mundus muliebris, supellex (inter quam cunae aptae sane ad misericordiam commovendam), statuae (inter quas virgo Herculanea quae dicitur parva; duo cursores; statua imperatoris Titi; Hercules mingens; Pan, qui cum capra coit; cervi, qui a canibus venaticis lacerantur; Venus pudica), oscilla, personae, picturae (inter quas comissatio quaedam; res divinae, quae ad Isim pertinent), duo libri sive volumina in carbonem redacta, quae in Villa Papyrorum inventa sunt (etiam demonstratur, qua ratione, ut legi possint, circumspecte evolvantur) ... Longum est omnia enumerare. Gratias utique agamus imprimis moderatoribus Musei Archaeologici Nationalis Neapolitani!
Ut epistulae finem imponam: et Romanorum scriptorum fit mentio. Quo in numero reperiuntur M. Valerius Martialis et P. Papinius Statius.

Ecce Martialis verba (4, 44):

Hic est pampineis viridis modo Vesbius umbris,
presserat hic madidos nobilis uva lacus:
haec iuga quam Nysae colles plus Bacchus amavit;
hoc nuper Satyri monte dedere choros;
haec Veneris sedes, Lacedaemone gratior illi;
his locus Herculeo nomine clarus erat.
Cuncta iacent flammis et tristi mersa favilla:
nec superi vellent hoc licuisse sibi.


Et Statii (silv. 4, 4, 78-84):

Haec ego Chalcidicis ad te, Marcelle, sonabam
litoribus, fractas ubi Vesvius erigit iras
aemula Trinacriis volvens incendia flammis.
Mira fides! credetne virum ventura propago,
cum segetes iterum, cum iam haec deserta virebunt,
infra urbes populosque premi proavitaque tanto
rura abiisse mari?


Ceterum tu, optime mi amice, nonne times, ne Vesuvius mons iterum Campaniae Felici perniciei atque exitio esse possit? :roll: Quod periculum di avertant!

Vale, valete quam optime. V Kal. Aug. Ad Cornicum Campum.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby soter on Sol 31 Iul, 2005 9.46

Soter optimo Amico Marco Favonio et ceteris Sodalibus s.p.d.

Clarissime ac carissime Amice mi Marce,
maxime admirationem meam moverunt magna humanitas atque sincera animi commotio, quibus in memoriam revocavisti miras ac pretiosissimas reliquias Herculanenses, quae his diebus, in civitate Halternensi, in Museo Romano Westfaliae exhibentur.
Animum meum, praecipue, moverunt versus illi (Epigr. IV,44) Martialis, una cum mentione duorum librorum sive voluminum, in Villa Papyrorum inventorum, in carbonem reductorum, qui memoriam mihi renovaverunt Marcelli Gigante, summi Philologi illius, mortui anno 2001, qui, anno 1969, “Centrum Internationale ad Studium Papyrorum Herculanensiumâ€
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Marcus Favonius on Iov 15 Sep, 2005 20.50

M. Favonius sodalibus s.

Exhibetur Romae ingens caput (A) marmoreum eximiae pulchritudinis. Antiquissimis temporibus impositum erat in statuam colossaeam, quam interisse dolemus. Poeta quidam (B) clarissimus, cum Romae esset, illud caput cum Homeri carmine comparavit eoque ita delectatus est, ut gypso id exprimendum curaret. Quae imago e gypso expressa postea alio transportata est. Itaque nostris temporibus caput illud et Romae (C) et alio loco (D) considerari potest.

(A) Cuius caput?
(B) Quis poeta?
(C) Quo in museo Romano caput marmoreum exhibetur?
(D) Ubi imago e gypso expressa considerari potest?

:?:
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Tiberis on Iov 15 Sep, 2005 22.57

Tiberis Marco suo sal.
Noli aegre ferre, mi amice, quod denuo ego primus respondeo. sed quid faciam? tantam ex tuis aenigmatibus capio voluptatem, ut non retinear, quin statim de iis solvendis cogitem. :D
ecce id, quod ausim proponere:
A > agitur de capite Iunonis Ludovisi, quae appellatur, quamvis sunt ,ut ego percepi, qui caput simulacrum Antoniae putent, matris Claudii Caesaris.
B> Ioannes W.Goethe
C> caput illud exhibetur Romae in Museo Nationali Romano
D> in museo Goetheano, Francofurti ad M.

bene vale! :)
ego sum pleno quem flumine cernis
stringentem ripas et pinguia culta secantem,
caeruleus Thybris, caelo gratissimus amnis.
Tiberis
 
Nuntii: 226
Nomen dedit: Mart 16 Mart, 2004 16.02
Location: Styria

Emitteby Marcus Favonius on Ven 16 Sep, 2005 18.07

Marcus Tiberi suo. s.p.d.
Plurimum debeo tibi, mi amice, pro humanissima tua ad me epistula. De re enim adhuc mihi ignota certiorem me fecisti. Ita videtur esse: semper aliquid addiscimus. Cum aenigma adumbrarem, nihil aliud ante oculos mihi obversabatur nisi imago gypsea, quam Vimariae multis ante annis ipse consideraveram in aedibus Ioannis Wolfgangi Goethe. Prorsus nesciebam :oops: alterum exemplum etiam esse Francofurti ad Moenum.
Optime vale. XVI K. Oct.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Gavius Pontius on Lun 14 Nov, 2005 23.10

Gavius Pontius sodalibus s. d.
dixi
veras quaestiones urbis Neapolis sunt primum scelera, secundum parvus legis pudor. Hodiernis rebus puto verum quidem me dixisse.
Vale. a. d. XVIII Kal. Dec. Samnii.
Last edited by Gavius Pontius on Sol 05 Nov, 2006 12.49, edited 2 times in total.
Gavius Pontius
 
Nuntii: 22
Nomen dedit: Sat 12 Nov, 2005 18.12
Location: Samnium Hirpinum, Italia

Emitteby soter on Merc 16 Nov, 2005 16.07

Gavius Pontius wrote:
Marcus Favonius wrote:Ceterum tu, optime mi amice, nonne times, ne Vesuvius mons iterum Campaniae Felici perniciei atque exitio esse possit? Quod periculum di avertant!

Gavius Pontius Marco Favonio s. d.
Marce, ipse Soter scit veras quaestiones urbis Neapolis alteras esse quam mons Vesevus, primum scelera, secundum parvus legis pudor postremo stultitia hominum qui construxerunt suas domus in illo monte.
Vale. a. d. XVIII Kal. Dec. Samnii.



Soter Gavio Pontio et Marco Favonio s.p.d.

Clarissimo Marco Favonio quaerenti nonne Campaniae meae Felici periculum Vesuvii montis timerem, in meo nuntio 3539 (pridie Kal. Aug. currentis anni) tantummodo quod mihi visum est ad rem pertinente scripsi.

Argumenta (“sceleraâ€
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Gavius Pontius on Merc 16 Nov, 2005 22.16

[quote="Gavius Pontius"]Gavius Pontius Soteri s. d.
[quote="Soter"]Argumenta (“sceleraâ€
Gavius Pontius
 
Nuntii: 22
Nomen dedit: Sat 12 Nov, 2005 18.12
Location: Samnium Hirpinum, Italia

Emitteby soter on Iov 17 Nov, 2005 0.33

Soter Gavio Pontio salutem.

Care Amice Samnis,
noli, quaeso, te excusare: optime intellexi tua verba, quae nullo modo me offenderunt.
Nulla quaestio: nemo terrae motus (sicut vulcanorum eruptiones) subtilissime providere potest.
Attamen omnes cognoscunt naturam "concutientem" locorum, quae omni tempore calamitose se moverunt !!
In his locis (sicut apud vulcanos) saepe regnant lucrum, scelera et stultitia !
Maxime l u c r u m regnat !!
Vale, Amice!
Soter
A. d. XVI Kal. Dec. - Neapoli
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Marcus Favonius on Sat 26 Nov, 2005 15.11

M. Favonius sodalibus rerum archaeologicarum studiosis sal.
Noviómagus (nostris temporibus: Nijmegen, Germanice: Nimwegen) vetustissimum est Bataviae oppidum a Romanis conditum. Anno MMI ibidem plumbea reperta est arca, qua ossa continebantur feminae, quae saeculo quarto Noviomagi vixerat. Capite eius Mamucium (Britannice: Manchester) asportato feminae facies in Universitate Litterarum computatri auxilio restituta est. Imago digitalis tanta est effecta diligentia, ut feminae vita reddita esse videatur. Exhibita est in hac pagina oppidi Noviomagi: http://www.museumhetvalkhof.nl
Valete. VI K. Dec. Ex Cornicum Campo prope Geldubam sito.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Gavius Pontius on Sol 04 Dec, 2005 16.38

soter wrote:Soter Gavio Pontio salutem.

Care Amice Samnis,
noli, quaeso, te excusare: optime intellexi tua verba, quae nullo modo me offenderunt.
Nulla quaestio: nemo terrae motus (sicut vulcanorum eruptiones) subtilissime providere potest.
Attamen omnes cognoscunt naturam "concutientem" locorum, quae omni tempore calamitose se moverunt !!
In his locis (sicut apud vulcanos) saepe regnant lucrum, scelera et stultitia !
Maxime l u c r u m regnat !!
Vale, Amice!
Soter
A. d. XVI Kal. Dec. - Neapoli


Gavius Soteri s. d.
Verum est terrae motus non provideri possunt sicut in "Pakistan" illi multos damnos faciunt. Vero omnes homines sciunt periculum quod Vesevus fert ergo qui construit in illo monte tantum secum queri si quid eventurum est debebunt.
Vale, pridie Nonas Decembres, Samnii.
Gavius Pontius
 
Nuntii: 22
Nomen dedit: Sat 12 Nov, 2005 18.12
Location: Samnium Hirpinum, Italia

Emitteby soter on Lun 05 Dec, 2005 15.09

Soter Gavio Pontio s.p.d.

Plane adsentior tibi. Amice Samnis !!

Stulti, quorum mater - sicut Neapoli argutissime :!: dicere solemus – semper plena est :D (neapolitane: “ ‘A mamma de’ fessi è sempe prena ! â€
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Gavius Pontius on Iov 08 Dec, 2005 0.31

Gavius Soteri s. d.
profecto scio quod Italici dicere solent quia Italicus ipse. Tamen italici dicere solent " gli insulti qualificano chi li fa".
Vale. a. d. VII Id. Dec. Samnii.
Gavius Pontius
 
Nuntii: 22
Nomen dedit: Sat 12 Nov, 2005 18.12
Location: Samnium Hirpinum, Italia

Emitteby soter on Iov 08 Dec, 2005 13.49

Soter Gavio Pontio s.p.d.

Primum: in hac area colloquiali, Amice Gavi, non licet quicquam scribere nisi etiam in sermonem Latinum versum, honoris omnium Sodalium causa.
Ad hoc vide quod nunc nuper in doctissimis nuntiis 3766 et 3770 (in “Valeâ€
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

PreviousNext

Return to Antiquitas Romana

Qui adsunt

Users browsing this forum: No registered users and 1 guest

cron