YLE Colloquia Latina

Herimannus Mercurio sal.

Facile litteram M in sententia quae requiritur locandam censeam.

Vale.

Novocomi, a. d. X Kal. Apr.

Mercurius Herimanno s. d.

Ecce litterae M:

---- --M-UM ----U- ---- -----

Num ibi ea sunt, ubi censebas eas esse? Timeo autem, ne titulum erronee in Latinum converterim... Vale. Aquinci die IX. Kal. Apr. inter molesta negotia

Tiberis Mercurio πολυμητει s.d.
litteram I nobis, quaeso, indices, quam inter litteras M et U latere suspicor.

Iulia omnibus "patibulatoribus" s.d.

Una vobiuscum puto indicem Gastonis nobis magno esse usui posse. Iam antea mihi ad fines verborum spectanti venit persuasio litteras ut a, u, i, e, o, s, t, m, n (non in hac ordine) saepe percurrere, cum repperiantur eae in finitionibus saepissimis verborum, quod nunc Gastonis opere affirmatum est.

Tiberis I suspicatus est inesse, itaque non proponam ulla vocalia ante quam noverim quot aliorum vocaliorum inesse.
Verba, quorum littera paenultima est u, saepe pro littera ultima M aut S habent. Suspicor ergo S inesse.

Ex Saxonia Inferiore a.d. IX. Kal. Apr.

Mercurius Iuliae, Tiberi ac Marco s. d.

Ubi ergo litterae I ac S lateant, videamus:

---S -IMIUM ----U- -I-- ---S-

Quam litteram nunc proposituri sitis, iam praesentire mihi videor...

Mi Marce, in nuntio tuo recentissimo novum quasi aenigma mihi ostendisti: abrreviatione enim usus haec scripsisti: Q.b.f.f.f.s. Quid sibi illae litterae velint? Fortasse: Quod bene fieri..... (??)

Marcus cum omnibus sodalibus, tum praecipue Mercurio: „Mitto tibi metulas; si vis cognoscere, vertas.“

Divina quadam divinandi facultate praeditus es, mi Mercuri: Quod bonum faustum felix fortunatumque sit!

Sed vae mihi misero! Universum enim aenigma solvere nescio quo stupore prohibeor. Tamen N litteram Sphingi audeo obicere. Utinam ne feris eius unguibus discerpar!

Precor vobis noctem placidam.

ix Kal. Apr. a. mmiv.

Marcurius Marco suo s.

Equidem Sphinx tibi parsit, mi Marce ; immo litteras N in aenigmate tibi ecce detexit:

--NS NIMIUM ----U- -IN- ---S-

Et ego tibi placidam noctem precor. Datum ut supra.

Tiberis Mercurio aliisque aenigmatum peritis s.d.
Quamvis suspicionem quandam me habere fatear,tamen id unum a te peto, ut latebras litterae O mihi patefacias. memini pelliculae cuiusdam XXX fere annis abhinc editae...

pro Iupiter ! non equidem animadverti litteras N iam insertas esse,priusquam nuntium meum misi.
qua re non iam dubium esse puto, quomodo hoc aenigma solvatur:
PONS NIMIUM PROCUL HINC ABEST (A bridge too far)
nonne recta est coniectura mea?

Frrrrrrrrrrrrrigidum! (Anglice: cooooooooooooooooool!)

Iterum a te, mi Tiberis, anigma solutum esse en libenter declaro! Iam scire velim, quid tu nobis inventurus sis!

Tiberis Mercurio ceterisque,qui nondum acquiescunt in aenigmatibus solvendis, s.d.p.
ecce novus pelliculae titulus:
---- ------- ----- ----- ------

bene vobis contingat !

Marcus Tiberi amico honoratissimo sal.

Mirum in modum ex Oedipodissimo te in Sphingem crudelissimam conversum esse miror, idque tanta celeritate, ut mente paene conturbarer .
Vae misero mihi, quippe qui pellicularum non ita peritus sim. Sed fortes fortuna... Praeterea iuvat viam facere, ut sodales victoriam consequantur.
Quid ergo?
Insere quaeso S litteram.
Vale.
viii Kal. Apr. mmiv.

Mercurius Tiberi s. d.

I, mi nuntie, i, ac detege litteram I!

iogoi

Tiberis Marco ac Mercurio s.d.p.
longe abest, mi Marce, ut velim crudelis videri.
ut vobis persuadeam me Sphingem vere benignam ac benevolam esse, quibus locis litterae quaesitae lateant, missis ambagibus vobis prodo:

---S -----I- S---- -I--- -----I

valete!