YLE Colloquia Latina

salvete! quid agitis? sum novus lingua latia. dico latiam malam, sed lego bonam latinam. sperio discere multum ex colloquia latina. habetis consilium nam disciplum latiae?

Claudius te salutat,blay!


Vale


Claudius

Mercurius puellae pulcherrimae, quae se Blay appellat, salutem dicit.

Dic mihi, o puella bellissima, ex quo tempore linguam Latinam discas? Nonne ex hesterna die? Sed ignosce mihi meam petulantiam; immo congratulor tibi, quod quamvis Latine scribendi adhuc imperita fortissimo animo ad nos nuntium mittere non haesitavisti. Utinam quam saepissime forum nostrum visites! Vale. Transaquinci, ad ripam Danubii, d. V. Id. Dec.

Gastón Mercurio Blay ceterisque s.p.d.

Estne ista pulcherrima puella in photographemata Blay? Blay dixit "sum novus" Fortasse amica sua est

Valete!

Mercurius Gastoni s. d.

Eheu, amice, recte dixisti illam aut illum genere masculino usam sive usum esse! Sed spero Blay vere esse eam, quam in photographia illa se ostendat, ac solummodo ex negligentia illam "novus" pro "nova" scripsisse. Dulce enim mihi fuit credere me cum puella quadam pulchra colloqui! Timeo, ne hanc voluptatem nuncius Blaii secundus, in quo se virum esse proclamat, mihi auferat! Vale. Transaquinci, d. IV. Id. Dec.

Ah! nova, non novus. gratas ago, amicos. difficile mihi Latine scribere est. et ago gratatis enim complementis.

Mercurius Blaiae s. d.

Magno metu me liberavisti, carissima amica! Nunc ergo iam interrogare ausim, num habeas amicum, aut - quod di avertant! - maritum? Sed ut ioco amoto seria sequamur, scire velim, ubi et quomodo linguam Latinam discas, ac qualem scholam nunc visites. Vale. Transaquinci, ad ripam Danubii, d. III. Id. Dec.

M. Favonius Blaiae, discipulae Americanae, benevole hoc dedicat distichon:

Nunc praebes faciem vere, mihi crede, venustam.
Si sapis, et melius scribere mox poteris.

Spartacus omnibus sodalibus sal.

Ne longius sit, tantummodo haec verba dicam:

Mirabile quomodo pulchritudo feminarum animum virorum movere potest !

Valetote et serene estote, o viri !

Mercurius Spartaco Marcoque s. d.

Haud negaverim me pulchritudine Blaiae non minime esse commotum; multo vero minus, quam Marcus noster, qui incredibili amoris ardore inflammatus quasi eques quidam in aevo medio puellae suae amatae versus componere non haesitavit...

O, o, o!
Totus floreo!
Iam amore virginali
totus ardeo!
novus novus amor est,
quod pereo!

(Carmina Burana)



Valete. Transaquinci, Id. Dec.

Spartacus Mercurio et Favonio omnibusque ceteris viris s.p.d.

Salvete, poetae huius loci ! Pulcrae feminae laudentur, esto !

Namque quid poema sine sive amore sive amanti poeta poterit ? Nihil, scilicet. Num igitur valet quaecumque ars sine cupiditate ? Ars litterarum et ars amatoria pariter mihi sunt. Cupiditatem habere in ambis necesse est.

Faciamus tum more Catulli: amemus illas Lesbias orbis terrarum; dumtaxat audeamos amare ! Sunto amati vel beati omnes qui amant et humanitatem discunt!

Valete !

Mercurius Spartaco s. d.


Lesbias, id est mulieres esse amandas nos admonuisti, amice. Equidem amarem Blaiam, si possem... Sed illa, proh dolor, in America vivit, ego vero in continente vetere vitam dego... Vale. Transaquinci, ad ripam Danubii, d. XIX. Kal. Ian.

Iulia sodalibus sal.

Et in me nulla conditis carmina? Si ergo praebam aliquam imaginem pulchram, sive me ipsam ostendit sive aliam mulierem, eademne mihi facitis, quae nunc Blaiae istae??? Sedimaginem cum elegerim praeclarissimi mathematici Gauss, qui anno veniente ducentesimum quinquagesimum suum amnnum confaciet, ergo iam satis vetus est, et vir, non mulier, nihil possum exspectare...

Valete.

Spartacus suae Iulae sal.

Carissima doctaque Iulia : tu sane litteras meas non leges, vae mihi !
Scripsi epistulam ubi imaginem mathematici tuam laudavi ! Opportune , petivi a te ut mihi mentionem feceres de modo quocum imaginem in pagina ponere possim. Frustra tamen: nullum responsum habui...

Quid facere debeo, ut verba mea saepius lecta sit ? Excrucior, sed lacrimas vertere vitabo... Heu!

Cum plus temporis habeam, eandem denuo tibi mittam. Cerno eam scripisisse in tabela "Hinc de mythologia et quaeratur et narretur".

Cura ut valeas.

Mercurius Iuliae s. d.

Recte mehercle dicis imaginem illam, quae mathematicum sane clarissimum repraesentat, photographiae Blaiae haud aemulari posse... Ceterum libenter vestras facies, sodales, cognoscerem! Melius enim nos unus alterum nossemus, si imagines de nobis factae in aliquo loco interretiali palam essent ad spectandum. De hoc satis. Aut non satis? Gastonem de ea re esse consulendum puto, quem rerum interretialium peritissimum esse constat.
Quam ob rem in te versus non composuerimus, quaeris. Procul absit! In te enim haud aliud significat, quam "contra te". Ad te vero libenter versus facerem, nisi carminum Latine componendorum prorsus imperitus essem. Roga quaeso Marcum, qui eleganter epigrammata construit. Vale. Transaquinci, d. XVIII. Kal. Ian.