YLE Colloquia Latina

Marcus Mercurio viro sollertissimo ceterisque aenigmatophilis p.d.s.

Priusquam domo exeam, S litteras detegi oportet. Insunt enim ii S. Ecce:

- I - I / - - - I - E S / - - - - - S / - - - E - E - - - - //

Et ratio? Octo vicesimae septimae ≈ plus undetriginta centesimae! Vir vere es perspicax, mi Mercuri.

Quis vero vestrum, amici, Mercurium, quamquam auxilii minime egere videtur, adiuvabit ?

Valete.

viii Id. Apr. mmiv.

Mercurius Marco s.

Nunc litterae C in aenigmate appareant!

Nescio, ubi sint ceteri: equidem haud multi sumus, qui nuntios scribamus. Vale. d. VIII. Id. Apr.

Marcus Mercurio ceterisque aenigmatophilis iterum sal.

Domum reversus denuo accepi acerbissimum dolorem, qui nullo levari potest solacio nisi litteris convenientibus oblatis: aenigma enim caret et C: erratum II .

Ecce „status quo“:

- I - I / - - - I - E S / - - - - - S / - - - E - E - - - - //

Nolite desperare, pellicularum amantes, sive viri estis sive feminae !

Eodem die.

Mercurius Marco s.

Heu me miserum peregrinatorem! Longe mihi Aegyptus evitandus esset! Quid faciam? Quo concurram? Videamus litteram T! Datum ut supra.

Marcus Mercurio ceterisque amicis, ut aliquid solacii inveniant, salutem.

Eugepae! T enim littera detecta aenigma hoc modo mutatum est:

- I - I / - - - I - E S / - - - - - S / - - - E - E - - - T //

Tertia nunc pars soluta est.

Cogitate paululum et .........

Mercurius Marco s.

Nunc litteras R pro lineis conspicere velim. D. u. s.

Amicus amico

Macte virtute !

- I R I / - - - I - E S / - - - - - S / - R - E - E R - - T //

Plus quadraginta quattuor centesimae! Res ad exitum adduci videtur..

Mercurius Marco s.

Ehem! Iam duo vocabula ex aenigmate quae sint, scire mihi videor. Videamus litteras V, P, A, U, N, F! Vale.

Marcus Mercurio s.

Iterum priusquam domo exeam...:

V I R I / N - - I - E S / F - A V A S / P R A E F E R U N T //

Prostravisti me. Nunc timeo, ne me conficias. Plus octoginta quinque centesimae! Vir vere es acutissimus, callidissimus, sagacissimus.

Vale.

Mercurius Marco s. d.

Viri ... flavas praeferunt. ????????

Timeo, ne titulus a te propositus mihi ignotus sit. Ostende mihi O, B, L! Vale. Datum ut supra (sed nunc iam non Transaquinci, sed Aquinci... )

M. Favonius omnibus aenigmatophilis, praecipue autem Mercurio Hungarico sal.

Vah! Confectus sum, Mercuri! Fortuna te complexa est :

V I R I / N O B I L E S / F L A V A S / P R A E F E R U N T //

Ecce pelliculae titulus Britannicus:
“Gentlemen Prefer Blondes“ (1953): Howard Hawks, Jane Russell, Marilyn Monroe, Charles Coburn, Elliott Reid, ...

Obiter dictum: Viros nobiles esse suspicor, qui non solum „flavas praeferant“, ...
Sed haec hactenus. Nunc enim iterum tuae sunt partes.

Ut finem faciam: Iam satis constat duos esse Oedipodes, qui summum Sphingi terrorem iniciant: Tiberis, amicus noster Austriacus, et Mercurius, amicus noster Hungaricus: foedus Austriaco-Hungaricum!

Valete.

Eodem die.

Mercurius omnibus s. d.

Quod ad me attinet, mecastor nigras praefero!:))) ("nigra sum, sed formosa")

Sed ut seria (?) sequamur, ecce novum aenigma. Sphinx Hungarica fame coacta novos Oedipos exspectat!

_ _ _ _ _/_ _ _ _ _ _ _ _ _ _/_ _ _ _ _ _ _ _ _ _ _ _ _ _ _ _ _/_ _ _ _ _ _ _ _ _ _ _/_ _ _ _ _ _ _ _ - _ _/_ _ _ _ _ _ _ _
/_ _ _ _ _ _ _ _

Valete. Aquinci Id. Apr. sub Iove pluvio

Marcus Sphingi Hungaricae s.

Ingentibus muneris officiis paene absumptus mensaque scriptoria concubia nocte relicta vehementer nunc gaudeo, quod Sphinx insidias calamitatem perniciem nobis iterum structura est.

Ne longis te ambagibus morer: Oro te mihi scribas, quas sub lineas E litterae se abdiderint.

Exspectatione tortus valere te iubeo.

xviii Kal. Mai. mmiv.

Ecce peregrinator Germane, Sphinx quamvis invita nunc tibi litteras E detegit:

_ _ _ _ _/_ _ _ _ E _ _ _ _ _/_ _ _ _ _ _ _ _ E _ _ E _ _ _ _ _/
_ _ _ _ _ E _ _ _ _ _/_ E _ _ _ _ _ _ - _ E/_ _ _ _ _ _ _ _
/_ _ _ _ _ _ _ _

Noli autem nimium gaudere, o visitator audax, cum aenigma longum, patientia vero mea brevis est... Vale. d. XVIII. Kal. Maiis

Hercules Eurystheo s.

Noli mirari, aenigmatista horrifice! Ex Oedipode in Herculem conversum me esse vides. Quid ita? Cum Sphingem te non ita terribilem esse putarem, vehementer erravi: non enim te in Eurystheum, crudelissimum illum regem Mycenarum, mutatum esse intellexeram. Sed – pro dolor – iterum erravi; duodecim enim laboribus perfunctus aliquid otii mihi datum iri sperabam. Ah, ah, ah: tertius decimus nunc instat labor...

Sed intrepide: Detege quaeso A litteras!

Vale.

Eodem die.