YLE Colloquia Latina

Spartacus omnibus comitibus s.p.d.

Peto a vobis omnibus ut mihi ignoscatis si non tam saepe, ut meus mos est, abhinc scribere possim.

Liber quem duobus annis scribo, ubi antiquitas tractatur, paucis diebus palam fiet.

Laboro et cogito et colloquium cum illis qui libros in publico proponent facio. Intra finem anni vertentis, iterum ac saepius hoc loco scribam !

Iubeo vos optime valere!

Di tibi dent, quae optes, mi Spartace!

Regiomontanus Spartaco, populari suo ac spectatissimo sodali, s.p.d.

Cum de rebus antiquitatis scriptor factus esses, Spartace, me valde laetari ac primum tuum lectorem velle scito. Qua de re te oro ut, ubi primum liber venalis fuerit, de titulo, auctore, domo editoria me certiorem facias, ut eum emere possim. Credesne librum tuum in taberniis librariis "Siciliano" vel "Saraiva", unde telephonice libros arcessere possum, venalis erit? Denique meis mendis ut ignoscas te oro.

Quam optime vale.

Spatacus Regiomontano suo sal.

Quoniam librum meum Lusitane legere vis, mi Regiomontane, magnopere gaudeo. Paucis diebus, omnia quae scire vis, dicam. Spero eundem librum venalem in "Livraria Cultura" fore. Profecto in "Livraria Escariz", domus optima in regione mea, invenire poteris. Numerum telephonicum quoque tibi dabo.

Ut scis, hic, in patria nostra, admodum difficile est liber quisque palam fieri. Ego tamen pugnax sum !

Finem nondum faciam ante quam dicam quod, libro meo perfecto ac vendibili, tibi statim mentionem faciam. Hoc spondeo.

Gratias denuo tibi ago, pro epistula tua urbana plenaque leporis.

Cura ut valeas, amice!

Spartacus Regiomontano ceterisque sodalibus sal.

Die Mercurii hebdomadis praeteritae, mi Regiomontane, liber meus palam factus est ! Re vera, paucis diebus prima editio paene empta est. Nunc arcesso eundem denuo edere.

Cum librum istum emere vis, quod mihi maxime gaudere fateor!, hoc facere potes in:

Livraria Cultura, in urbe quae Sactus Paulus nuncupata est, ac fortasse per machina telephonicam aut interretem. Duobus diebus, aliquos libros ibi misi. Spero eos cras praestos fore.

Livraria Escariz, per machinam telephonicam : 79 - 217 3175

Denique, litteras mihi mittere potes, nam habeo domi aliquos libros: marcosa2003@infonet.com.br

Liber quem scripsi trescenti paginas habet, et tractat modo singulari de amicitia apud Romanos pristinos vel Graecos. Ei nomen "Passaporte para a Antiguidade" est, cuius auctor, egomet, Marcos Almeida nuncupatus sum.

Beatam hebdomadem habeas !

Vale.

Spartacus omnibus sodalibus praecipue Regiomantano sal.

Liber meus quem legere vis, hoc loco inveri potest:


http://www.livrariacultura.com.br/scrip ... &x=16&y=13

Cupio opinionem tuam de eodem libro quam citissime scire.

Vale!

Iulia Spartaco s. p. d.

Gratulor tibi ob librum tuum confectum. Oro, ut nos ceteros certiores facias, si convertitur in alias linguas, ita ut etiam alii comprehendere possint!

Cura ut valeas.

Regiomontanus Spartaco ceterisque sodalibus s.d.p.

Tibi maximas habeo gratias pro hesterno nuntio tuo, quo certior factus sum librum, quem scripsisti, in tabernis librariis “Cultura” Paulipolis tandem esse venalem, ubi usque ad diem Lunae ultimum (id est ad quartum decimum huius mensis) non erat. Mihi voluptati est dicere me modo illum telephonice ab illa libraria emisse librum, qui mihi intra horas viginti quattuor domum feretur! Postquam librum magno studio perlegero, non deero quin tibi sententiam de illo sincere declararem meam.

Dic, quaeso, excellentissime mi popularis: quam multasne arbores tu in vita sevisti?

Vale et valete.

Spartacus cum omnibus comitibus tum imprimis civi eius Regiomontano s.p.d.


Ita res se habet: recte vacitinatus es, mi Regiomontane, namque arbores, quamquam non nimiae magnitudinis, domi consevi!

Apud eas, laurus quaeque inveniri potest, non, tamen, ut caput meum temporave corona laurea cingeretur – talem rem, me miserum!, tantum abest ut merere possim! – sed ad cibos a me coquendos. Malo nemini celare quod ego libentissime magnoque cum gaudio in otio coquito...

Beatissimum Annum Novum te tuamque familiam ac pariter omnes sodales habere exopto!

Optime valeas omnesque vos idem valeatis!


P.S.: Possumusne semper et in singulos annos et in dies magis, cum reserere tum reserare?

Pistos Spartaco s.d.p.

Et ego, etiamsi tam sero, tibi gratulor, quod librum confecisti! Sed linguam Lusitaniae dulcissime sonantem pro dolor non intellego. Itaque te oro, immo hoc obsecro, ut nobis paucis verbis exponas id, quod a te cognitum philarchaioton mundo quandoque posteris tradideris.

Vale quam optime!

Spartacus Pisto sal.

Gratias tibi quoque ago, Piste, pro laude tua de lingua Lusitana.

Duobos diebus peregrinatus sum, et hodie, vix domi iterum iendo, laborare necesse est!

Cum vacam, huc veniam ad te locutum ac plura dicam, quia fessus vere nunc sum. Cras, tamen, dumtaxat ita fertur, novus dies erit !

Quid autem tibi dicam, ex tempore, de rebus futuris, de illo quod in animo habeam? Nescio omnino, sed fateor cupire sub imo corde alium librum scribere...

Optime valeas!

Regiomontanus Spartaco s.p.d.

Alicubi quondam legi praeclarissimum Voltaire scriptorem “omni homini filium gignendum, arborem serendam, librum scribendum” dixisse. Equidem ego primo eius praecepto libentissime obtemperavi: tres liberos feci. Alterum etiam libenter magno quamvis negotio explevi, plurimas enim arbores et frutices iam sevi . Quae tamen feci, nullius momenti sunt: cuivis homini praesto sunt. Sed bonum librum scribere aliud infiniteque difficilius est, quod solum paucissimis electis dii concedunt; at hoc omnes sciunt. Tu, Spartace, fortasse unus illorum sis, solum dii litterarum dicere poterunt. Sed saltem, quantum de te sciam, tria Voltairiana praecepta explevisti, qua de re tibi gratulor. Equidem ego lauream nullam exspectavi neque exspecto: aridis laurus foliis uti aliquando solemus solum ad suillam ac phaseolum condiendum.

Quam optime vale.