YLE Colloquia Latina

Marcus sodalibus, imprimis Mercurio suo s.

S littera tanta a te, mi Mercuri, calliditate proponitur , ut verba tua humanissima solacio mihi esse nequeant:

_ _ A / _ _ _ _ _ _ S / E S _ / _A _ A _ _ _ S _ _ A //

Quis vestrum mortiferam mihi plagam infliget?

Tiberis cunctis patibulariis, imprimis Marco suo, s.d.p.
mirum, quod nemo adhuc litteram I flagitavit. quapropter a te peto, mi Marce, ut I nobis detegas !
vale!

Marcus sodalibus, imprimis Tiberi suo s.

Vae mihi! Timeo Tiberim litteras proponentem... Quae ratio est?
Considerate modo aenigmatis statum:

I _ A / _ _ _ _ _ _ S / E S _ / _A _ A _ _ _ S _ _ A //

Mortem appropinquare video .

Mercurius Marco suo s.

Pavida quidem Sphinx es, o Marce: sed etiam ego saepe cum partes Sphingis ago, littera una alterave retecta maxime anxius esse soleo, ne nimium cite aenigma meum solvatur. Quae anxietas plerumque vana fuit. Quid plura? Demonstra mihi litteras T! Vale. Ibidem, die IX. Kal. Iul.

Marcus amicis, imprimis Mercurio suo s.
Negotio molesto et operoso hac ipsa hora, id est medio noctis silentio, feliciter transacto respirandi causa iterum ad patibulum adeo. Quid ergo? Videamus, ubi T litterae lateant:

I T A / _ _ _ _ T _ S / E S T / _A _ A T _ _ S T _ A //

Quem vestrum – litteris his diligenter perpensis – patibulum terrore complebit?

Valete.

Mercurius Marco suo s. d.

Titulus est: ITA LOCUTUS EST ZARATHUSTRA, sive Also sprach Zarathustra, liber praeclarus auctore Friderico Nietzsche. Post tot cladium tandem tropaeum iterum ego rettuli!! Vale ac valete. Budapestini, d. IX. Kal. Iul.

Marcus Mercurio suo s.d.p.
Gaudeo, mi amice, gratulorque tibi de titulo prudentissime investigato . Tot vero tamque iucundis patibulis in colloquiis nostris defixis nonne mirum est neminem adhuc poena affectum esse? Nonne ludi leges aliqua ex parte commutandae sunt? Equidem maiorem severitatem adhibendam esse censeo. Qua de causa hoc velim commendare: „Patibulo defixo antequam aenigma universum solvas, non plus quam quinque litteras proponi licet.“ Tibi quid videtur?
Vale. Nono Kal. Iul. Ad Cornicum Campum solis exustum ardoribus.

Mercurius Marco suo s. d.

Placet: esto! Abhinc ergo

„patibulo defixo antequam aenigma universum solvas, non plus quam quinque litteras proponi licet.“ (Marcus Favonius)

Hodie novum patibulum erigam, quod nonnisi hac regula nova servata deici poterit! Vale ac valete. Budapestini, d. VIII. Kal. Iul.

Salvete, sodales spectatissimi!

Longiore temporis spatio intermisso novum patibulum erigendum esse censeo:

_ _ _ _ / _ _ _ _ _ / _ _ _ / _ _ / _ _ _ _ _ _ //

Quaeritur titulus fabulae romanensis, quae ad illustrissimum pertinet poetam Romanum. Cuius auctor non sermone patrio, sed lingua Francogallica usus est, idque, cum quinquaginta fere ante annis in Hispania (!) versaretur.

Nolite quaeso neglegere novam regulam severiorem: Non plus quinque litteras inter se diversas licet proponi (cf. nunt. 3308).

Dominica prima Adventus.

Mercurius Marco suo s.

Viso in indice colloquiorum recentium patibulo non dubitavi, o Marce, quin tu novum aenigma nobis proposuisses... Videamus ergo litteram I! Vale. Budapestini, d. V. Kal. Dec., Dominica prima adventus Salvatoris nostri.

Marcus Mercurio suo s.
I littera optime proposita! Gratulor, mi amice.

_ _ _ _ / _ _ _ _ _ / _ _ _ / I _ / _ _ I _ I _ //

Vale. Ex Cornicum Campo gelu nivali rigente.

Mercurius Marco suo s.

Videamus nunc litteram E. Vale. Budapestini, sub Iove foedissimo pluvio, nive commixto, d. IV. Kal. Dec.

Marcus sodalibus, imprimis Mercurio suo sal.

Et E litteram, optime Mercuri, in sententia inesse sagacissime suspicatus es. Stupor me invasit. Ecce patibuli status novissimus:

_ E _ _ / _ _ _ _ _ / E _ _ / I _ / E _ I _ I _ //

Quid porro? Titulus libri est, quem devoratu dignum esse censeo.

Vale, valete.

Mercurius Marco suo s.

solus hoc aenigma solvere frustra contendam! Ubi estis sodales? Duas litteras iam perdidi, ac fere nihil in solvendo sum progressus! Videamus litteram O. Vale. Ibidem, eodem die.

Augustinus omnibus salutem dans simulac veniam pro interventione sua petens,
Litteras "s" , "t" et "n" proponit.
Valete.