Bene venias in novum gregem colloquialem!

Colloquia de aliis thematis

Moderators: Moderator, Redactio Interretialis

Bene venias in novum gregem colloquialem!

Emitteby Area Latina on Merc 03 Mart, 2004 11.11

Initium: Bene venias in novum gregem colloquialem!
--------------------------------------------------------------------------------
Nuntium misit: Redactio interretialis ® | 01.07.2003 - 19:14 | |
--------------------------------------------------------------------------------
Hic grex colloquialis omnibus amicis Latinitatis destinatus est. In hac area de quibusvis rebus colloqui potestis.

Colloquia in hac area Latine fiunt. Praecepta ad nuntios mittendos pertinentia in prima pagina areae colloquialis invenies.

Incipias quaesumus.

Redactio interretialis


RE: Bene venias in novum gregem colloquialem!
--------------------------------------------------------------------------------
Nuntium misit: Anonymum | 02.07.2003 - 12:45 | 1 | |
--------------------------------------------------------------------------------
Optime!



RE: Bene venias in novum gregem colloquialem!
--------------------------------------------------------------------------------
Nuntium misit: Gero P. Weishaupt | 04.07.2003 - 14:11 | 2 | |
--------------------------------------------------------------------------------
Lectoribus huius paginae interretialis Gero Pius salutem dat!

Nova forma paginae domesticae, quae "Nuntii Latini" appellatur, mihi valde placet. Incepta florescant eorum qui ei operam ad Linguam Ciceronis provehendam dant!

Linguae Latinae amator animum advertere ad paginam meam domesticam volo, quae sub "www.derebuslatinis.blogspot.com", cuius est Linguam Latinam fovere, invenitur.

Valete quam optime!

Gero P. Weishaupt, sacerdos


Gratias ago vobis
--------------------------------------------------------------------------------
Nuntium misit: Antonius Prata Quartianensis | 05.07.2003 - 13:07 | 3 | |
--------------------------------------------------------------------------------
Iam hanc colloquium ad omnes qui rudimenta linguae latinae imbuuntur recessarium erat ! Opto ut crescit et prodest.
Valete.


RE: Bene venias in novum gregem colloquialem!
--------------------------------------------------------------------------------
Nuntium misit: Herimannus | 05.07.2003 - 14:09 | 4 | |
--------------------------------------------------------------------------------
Quanto cum gaudio Nuntios latinos cognovi! Antiquus amor linguae Latinae in me resurrexit.
Nunc Finnici amici novam facultatem Latinam linguam exercendi praebent: quibus gratissimus sum! Valete omnes. Herimannus.


RE: Bene venias in novum gregem colloquialem!
--------------------------------------------------------------------------------
Nuntium misit: Gustaf Berglund | 07.07.2003 - 15:22 | 5 | |
--------------------------------------------------------------------------------
Gratias vobis ago.

Mille flores hic floreant! Deinde mille...

Gustaf Berglund


RE: Bene venias in novum gregem colloquialem!
--------------------------------------------------------------------------------
Nuntium misit: Elpizon ® | 21.07.2003 - 15:51 | 6 | |
--------------------------------------------------------------------------------
Magna Finnicis habenda est atque huic redactioni, clarissimo custodi huius linguae, gratia, quod hanc tam taetram, tam horribilem tamque infestam nostrae linguae taciturnitatem melius effugere nunc possumus.




RE: Bene venias in novum gregem colloquialem!
--------------------------------------------------------------------------------
Nuntium misit: robby | 26.07.2003 - 22:44 | 7 | |
--------------------------------------------------------------------------------
Valete omnes Locutores linguae latina... Meo senso, res mirabilis et maximi momenti sit haec<<<<: ut quisque nostrum dicat aliis in quo loco habitat, ut alii sciant aliquem latine loquentem in hac urbe vivere et eocum umquam, per feriam, urbem latine visitare posse...
Robertus Demol Bruxellensis Belgium


RE: Bene venias in novum gregem colloquialem!
--------------------------------------------------------------------------------
Nuntium misit: antonius mallia borg | 24.08.2003 - 06:43 | 8 | |
--------------------------------------------------------------------------------
carissime lector,
duo themata jam misi tramite nuntii.latini@yle.fi
unum erat de Ghar Dalam spelunca prehistorica
alterum de Hagar Qim templa antiquiora pyramidis Aegypti

nomdum apparent in yle radio. cur?
ant. mallia borg


RE: Bene venias in novum gregem colloquialem!
--------------------------------------------------------------------------------
Nuntium misit: Redactio interretialis ® | 26.08.2003 - 11:57 | 9 | |
--------------------------------------------------------------------------------
Redactio interretialis Antonio Malliae Borg s.d.

Nuntiavisti te inscriptione electronica "nuntii.latini@yle.fi" Radiophoniae Finnicae Generali duo themata misisse et quaeris, cur nondum in area nostra nuntiorum apparuerint.

Si recte intelleximus, redactoribus nuntiorum Latinorum commendas, ut in aliquo conspectu septimanali rerum novarum themata a te proposita tractentur. At maximum problema est, quod emissiones singularum septimanarum quinas tantum minutas durant, et cum mundus noster plenus sit rerum novarum, complura per se studium auscultatorum excitantia – pro dolor! – necesse est omittantur aut aliis rebus actualibus proterantur. Redactores ipsi saepe queruntur se materiae eligendae difficultate laborare.

Itaque tibi suademus, ut hac ipsa area usus rem denuo temptes, id est speluncam illam praehistoricam ac templa antiquiora pyramidis Aegypti pro novis colloquendi thematis proponas. Si res bene successerit, fortasse ita velut limen transgressus thematis tuis mox etiam in Nuntios Latinos aditum patefacies. Vale!

Redactio interretialis


RE: Bene venias in novum gregem colloquialem!
--------------------------------------------------------------------------------
Nuntium misit: Herbetus | 09.09.2003 - 22:37 | 10 | |
--------------------------------------------------------------------------------
Herbertus Antonio Pratae Quartianensi s.d.

Nuntium breve a te datum legi et haec mihi adnotanda sunt, quae spectant ad praecepta grammaticorum:
Scripsisti: Iam hanc colloquium ad omnes...
Rectius esset: Haec colloquia ad omnes, qui rudamentis linguae latinae iam ponerent, necessarium erat.

Antoni, te oro, ut in posterum in grammatica tua curam ponas!
Quid hoc sibi vult:"Opto ut crescit et prodest". Nonne scis verba desiderativa, ut "optare", modum coniunctivum sequi?
Itaque rectius: Opto, ut crescat et prosit.
Nullo modo propositum est mihi vel Orbilio illo famoso severiorem esse, at sunt certi denique fines.
Vale.


RE: Bene venias in novum gregem colloquialem!
--------------------------------------------------------------------------------
Nuntium misit: Marcus Favonius ® | 13.09.2003 - 12:24 | 11 | |
--------------------------------------------------------------------------------
Marcus Favonius sodalibus suis s.
Anonymos istos, quos in nostris colloquiis malo consilio ineptire nugasque tarda ac insulsa mente agere videmus, silentio praetereundos esse censeo. Tamen iocos agitari nolim vetare, nam „aliquando et insanire iucundum est“ (Sen. de tranq. an. XVII 10), dummodo id bono fiat consilio. Valete.



RE: Bene venias in novum gregem colloquialem!
--------------------------------------------------------------------------------
Nuntium misit: Herbertus ® | 13.09.2003 - 15:12 | 12 | |
--------------------------------------------------------------------------------
Herbertus Marco Favonio ceterisque gregis sodalibus s.d.

Facere non possum quin Tibi assentiar. Tamen, nonne ringimur quoties nuntios nugatorios capitum linguam Latinam temere perosorum legimus? Nonne ingens est numerus stultorum, qui iudicent linguam Latinam vivo modo adhibitam non-democraticam?
Nuntio tuo autem perlecto mihi in mentem venit illud: "Sunt pueri pueri, pueri puerilia tractant." Vale atque valete.



RE: Bene venias in novum gregem colloquialem!
--------------------------------------------------------------------------------
Nuntium misit: Marcus Favonius ® | 23.09.2003 - 00:48 | 13 | |
--------------------------------------------------------------------------------
Marcus Favonius redactioni sal.

Inspicite nuntium meum 2003-09-23 missum in colloquium, cui titulus est „Errare humanum est“:

Cur verba uncis angulatis inclusa modo latent, modo apparent?

Valete.



RE: Bene venias in novum gregem colloquialem!
--------------------------------------------------------------------------------
Nuntium misit: Serapio | 23.09.2003 - 03:12 | 14 | |
--------------------------------------------------------------------------------
Manivs Constantinvs Serapio omnibvs SPD

Cur linguam latinam in finnica terra tam exculta est?
Gratias plurimas vobis ago

Optime valete


RE: Bene venias in novum gregem colloquialem!
--------------------------------------------------------------------------------
Nuntium misit: Marcus Favonius | 02.10.2003 - 01:19 | 15 | |
--------------------------------------------------------------------------------
Marcus Favonius omnibus sodalibus in his colloquiis versantibus sal.
Guillelmum de OCKHAM, amici benevoli, clarissimum illum medii aevi philosophum, omnibus vobis notum esse puto; cuius novaculam quoque quae dicitur sive cultrum tonsorium, nemo vestrum est, quin noverit. Pervulgatum denique apud vos esse opinor doctoris nostri invincibilis illud „Pluralitas non est ponenda sine necessitate“, vulgo „Entia non sunt multiplicanda praeter necessitatem“. Quorsus haec? Ut universe intellegatur themata quoque non esse multiplicanda praeter necessitatem! Propositum erat de bello Iraquiensi thema. Nihil sane impedio. Sed – pro Iuppiter! -cur novum illud thema, quod vocatur „bellum“? Quaecumque enim de bello generatim dicenda sunt, ea etiam ad bellum illud Iraquiense pertinere arbitror. Caveamus igitur, ne nostra studia in plura distrahamus themata! Valete. A.d. VI. Non. Oct.



RE: Bene venias in novum gregem colloquialem!
--------------------------------------------------------------------------------
Nuntium misit: Marcus Favonius ® | 02.12.2003 - 16:07 | 16 | |
--------------------------------------------------------------------------------
M. Favonius redactioni interretiali sal.
Unci angulati, alati rotundique et asterisci in via electronica nonnumquam e litteris evelli absumique videntur. Qui fit, moderatores ingeniosissimi?



RE: Bene venias in novum gregem colloquialem!
--------------------------------------------------------------------------------
Nuntium misit: Anonymum | 03.12.2003 - 01:49 | 17 | |
--------------------------------------------------------------------------------

Me puero inguam latinam non didici. Difficultates grammaticales
me taedebant. Nunc confectus annis et laboribus, hanc linguam
pulcherrimam et universalem cupio discere quoniam multum
tempus habeo. Ergo oro omnes amicos ut mihi respondant et
tractent de litteris aut de rebus quae optant de Italia. Siculus
sum, res italicas quomodo spectent amici ex grege colloquiali
cupio cognoscere. Valete omnes :M. Favonius, Herbertus, et coeteri.


RE: Bene venias in novum gregem colloquialem!
--------------------------------------------------------------------------------
Nuntium misit: antonius siculus | 03.12.2003 - 02:01 | 18 | |
--------------------------------------------------------------------------------

Lecto nuntio video gravem mendam: "difficultates grammaticales
me taedebant" Erravi. Legatis: Difficultatum grammaticalium
me taedebat. "Taedet" enim verbum impersonale ergo subiectum
non habet. Veniam peto omnibus amicis de grege colloquial.
Antonius siculus


RE: Bene venias in novum gregem colloquialem!
--------------------------------------------------------------------------------
Nuntium misit: Herbertus ® | 03.12.2003 - 23:42 | 19 | |
--------------------------------------------------------------------------------
Herbertus Antonio Siculo s.p.d.

Nobis omnibus, et nomine omnium Sodalium dicere audeo, Antoni optime, adventus ad hoc Gregem tuus gratissimus est.
Equidem, vir Batavicus, de rebus quotquot ad terram tuam vere amoenissimam Italiam attinentibus minus diserte loqui potero quam populares vestras, "tamen" cum Nasone: "est laudanda voluntas".
Una igitur cum ceteris gregalibus spero fore ut rude donatus ineuntis adulescentiae vitium ( taedebat te difficultatum grammaticalium) quadamtenus sarcias. Optime valeto.



RE: Bene venias in novum gregem colloquialem!
--------------------------------------------------------------------------------
Nuntium misit: Antonius siculus | 04.12.2003 - 00:26 | 20 | |
--------------------------------------------------------------------------------

Antonius Siculus Herberto Batavo s.p.d.
Valde gaudeo quod adventus meus ad hunc (Herberte!) gregem
gratissimus sit.
Mea voluntas bene discendi linguam latinam cogit ad scribendum
et ad legendum: ad hanc metam contingendam sodales huius
gregis sollicito ut meo nuntio respondeant et vitium adulescentiae
sarcire possim epistulis electronicis alternis.
Valete omnes. Herberte, veniam a te peto propter meam audaciam
sed tibi gratias ago pro tua responsione. Valeto


RE: Bene venias in novum gregem colloquialem!
--------------------------------------------------------------------------------
Nuntium misit: Herbertus ® | 04.12.2003 - 02:45 | 21 | |
--------------------------------------------------------------------------------
Herbertus Antonio s.p.d.

Rectissime monuisti, optime Antoni, de mendo. Nonnumquam vir vere somnolentus sum. Excusatione igitur opus non est. Adventus tuus ad HUNC Gregem gratissimus perstat. Valebis tu quoque.
Area Latina
 
Nuntii: 106
Nomen dedit: Lun 01 Mart, 2004 20.14

Return to Alia themata

Qui adsunt

Users browsing this forum: No registered users and 1 guest

cron