YLE Colloquia Latina

by **Dextraefilius** on Merc 23 Iun, 2004 18.24

Dextraefilius salutat omnes.
Excusate me male usu meo linguam Latinam, sed me docetus est Latinam solam legere, nec scribere. Habito in urbe Haarlemme, in Germania Inferiore, XVI annos habeo et studeo in gymnasio.
Valete.

by **Fregnacciandus** on Sat 21 Aug, 2004 9.42

Salve, puer.

Cura quam citissime ut culus tuus perfringatur.

Vale.

by **Herimannus** on Sol 22 Aug, 2004 0.17

Herimannus F. sal. dicit

Si iuvenis Colloquia Latina adire vult, amore Latinitatis impulsus, mihi importunissimum et sordidum videtur eum verbis obscenis et iniuriis accipere! Quid amplius sentiam omittere malo.

Novocomi, a. d. XI K. Sep.

by **Spartacus** on Sat 28 Aug, 2004 3.11

Spartacus omnibus sodalibus praecipue Herimanno sal.

Quoniam dixisti, Herimanne, sententiam tuam de moribus impudicis cuiuspiam comitis longiorem malle non scribere, tuis verbis ostendam atque sensum communem corroborem, dumtaxat suspicor tali modo esse, omnium e loco Nuntio Latino interretiali participium.

Virtute ad hoc ferendum cogito non egere; quodsi aliquo careo, timeo id ne arte latine dicendi artificioque necessario sit. Quas ob res peto a vobis omnibus, sodales, ut mihi ignoscatis erroresque meos leviter feratis. Iustae causae merens scribo!

Ea ratione in mente hoc themate molitus sum: ille qui virtuti non pareat potius est repudiandus. Opportune, contra impudicitiam quis melius Cicerone scribsit? Verbis eius utamur, ipsiusque sapientia singulari fruamini, namque serus est ut nunc reformidam:

<<
Pro di immortales! ubi est ille mos virtusque maiorum? (Oratio Philippica 8,29)
>>

Et alibi:

<<
Nec enim tantum mali est peccare principes, quamquam est magnum hoc per ipsum malum, quantum illud quod permulti imitatores principum existunt (De Legibus 3, 31) >>

Et demum, memorabilem illum Ciceronis clamorem praebo (quis est quin animum suum qua de causa moveat?):

<< O tempora! O mores! (In Catilinam 1.1) >>

Virgilius mihi par Ciceroni videtur. Alter princeps poetarum, alter dux rhetorum. Quare e vobis quaero num aptissimum amoenissimumve fore versibus Maronis finem huius epistulae factum iri:

<<
stat sua cuique dies, breue et inreparabile tempus
omnibus est uitae; sed famam extendere factis,
hoc uirtutis opus
(Aen 10, 467-469) >>

Finem mox faciam. Restat solum ut vos horter ut turpitudines vincamus vilitatemque superemus et mores sordidos minime patiamur, itaque perniciosum exemplum prodere non liceat.

Utinam id quod rectum est valeat! Vos quoque optime valeatis!

by **Herimannus** on Sol 29 Aug, 2004 18.01

Herimannus Spartaco salutem

Me piget, Spartace docte, te male intellegisse quod significare volui; ut opinio mea clarior fiat libenter eam accuratius patefaciam.
Hoc verbis meis damnavi, quemvis novum sodalem "verbis obscenis et iniuriis accipere", cum quod colloquia Latina creare interretialem communitatem cupiunt, in qua urbanitas et mutua aestimatio imperent, tum quod humanitatem Romanorum maxime nos omnes diligamus, conscii tamen apud rem publicam et principatum multa scelera et humanae naturae repugnantia effecta esse. Aeque solis sexualibus rebus nuntios suos aliquem dicare mihi a colloquiis Latinis alienum videtur.
De uniuscuiusque moribus nihil dicere ausim: non est hic locus. Si quis plurimas feminas vel viros amare velit, si quis libidini sexuali fere omnes vires suas tribuere cupiat, non est hic locus ubi de hoc agitari oporteat; nec obliviscamur quae de his rebus auctores nostri in poematis suis saepe scripserunt!
Colloquamur ergo de omnibus, etiam de amore et amantibus, sed urbane et dignitatis omnium rationem habentes.
Vale et valete!

Novocomi, a. d. IV Kal. Septembres

by **Spartacus** on Sol 29 Aug, 2004 22.48

Spartacus omnibus sodalibus praecipue Herimanno sal.

Recte – ut tuus mos est – dixisti, mi Herimanne, de nequitia vituperanda vel repudianda. Omnino assentior. Tua verba (mihi crede, quaeso!) bene intellexi. Quoniam breviter tamen sententiam tuam exposuisti de comite quodam qui turpissime contra novos discipulos se gessit, venit in mentem meam voluntatem ad epistulam scribendam, qua omnia verba tua corroborare possem.

Vix hac cogitatione imbutus, cum operam dedi ut aliquid ad idem thema attinentem scriberem. Ubi legisti “verbis tuis” in mea epistula proxime praeterita, volui te “nomine tuo” intellegere, ideo tantummodo dixi id quod summatim iam dixeras. Nihilum volui praeter palam dicere quod tecum consensi. Pariter ac te, non video malum esse si quisquam de rebus eroticis apud Romanos narrare velit. Cui tamen bono, dic? Praeterea, necesse mihi est de tali themate plenum observantiae scribere, atque dubito an tali in re epistula illa scripta sit. Immo vero etiam alia nova nobis missa est!

Ut bene noscis nuperrimeque legisti (nam scripsi in mea epistula a te iam pridem lecta): “Nec enim tantum mali est peccare principes, quamquam est magnum hoc per ipsum malum, quantum illud quod permulti imitatores principum existunt” (De Legibus 3, 31).

Satis de hoc. Ignosce mihi si fortasse, longae epistulae istae causa, tibi molestus fuerim. Mea in te observantia magna est (de hoc vero iam te certiorem feci).

Tacere autem non queo: cavendum est, nempe sine acritudine, ne amentiam tegamus pravitatique faveamus.

Hactenus. Optime valeas!