Et in Polonia ego.

Colloquia de aliis thematis

Moderators: Moderator, Redactio Interretialis

Et in Polonia ego.

Emitteby magister hirpinus on Iov 13 Sep, 2007 21.49

Forte fortuna versatus sum mense julio (praeterito anno) in Polonia, sine ulla cognitione sermonis huius nationis, quae abhinc paucos annos est pars Foederationis Europeae. Scholae visendae causa in Poloniam veni. Nam duo scholae, altera Italica et altera Polona, consociaverunt inter se ut colerent proposita communia ad docendum apta.
Transcursus per aera Neapoli Cracoviam versus fit duobus horis. Egredior in eundem aerinavium portum, quo Johannes Paulus II appulit in terram Polonam.
In aerinavium portu sodales Publici Gimnasii nr. 2 Strzelce Opolskie me benigne excipiunt. Proficiscimur curru ad hanc urbem versus.
Sodalis Polona, cui nomen est Malwina, non loquitur latine, tantummodo italice. Verba Polona vertit mihi in Anglum sermonem (licet sermo Anglus meus respondeat exercitationibus tironum).
Adnoto codici viario parere autocineti rectores Polonos, qui diligentiam adhibent autoveloci, videlicet res mira quae fingit tuam imaginem dum vehis curru. In casulis, quae in curruum automatorium viis consistunt, pulchrae puellae exigunt portorium et gratias agunt vultu hilari atque laeto.
Dextra laevaque pandunt planities, ausim dicere mare fulvo colore: planities sine finibus, insolitae mihi, qui in oppidulo collino habito.
Urbs Stzrelce est pulcherrima; habet hortum publicum latum et recte cultum. Imago urbis est venator, in quo fingere possis amorem civium pro silvis et arboribus. Schola collocatur in aedificio novissimo et maxime idoneo: palaestra permagna, classes bene constitutae, spatia exercitatoria laxa. Tamen non auribus percipio voces discipulorum, qui ferias agunt.
Opera publica, ad cultum divinum pertinentia, panduntur quantum est diei spatium. Ecclesiae catholicae antiquiores patefaciunt in sua structura tempus suae edificationis: gothicae, barocae. Non alienum est notare quantam devotionem populus Polonus tribuat Johanni Paulo II : omnibus locis inveneris monumenta, lapides et imagines huius papae.
In hac regione est templum, paululum ex planitie editum, celebre et frequentatissimum maxime estate summa. Templum hoc, consacratum sanctae Annae, aedificaverunt in cacumine montis e cuius vertice olim ignes erumpebant. Cultus sanctae Annae in omnes partes Poloniae diffunditur. Hodie colunt hoc templum monachi ordini Sancti Francisci ascripti.
Urbs Nysa, quam olim tenebant Borussi (terminus erat flumen Viadrus, voce Polona Odra), habet innumeras ecclesias. Haec amoena urbs appellatur “Roma Silesiaeâ€
magister hirpinus
 
Nuntii: 31
Nomen dedit: Lun 30 Iul, 2007 23.02
Location: Campania

Return to Alia themata

Qui adsunt

Users browsing this forum: No registered users and 1 guest

cron