YLE Colloquia Latina

M. Favonius sodalibus naturae admiratoribus sal.
His diebus in confiniis Austriae Bavariaeque ursus homines gregesque exagitat. Interdiu quidem in montibus se occultat, sed noctu praedae avidus in pascua stabulaque irrumpit. Multis iam ovibus laniatis quidam montani ursum, ne plus sibi damni inferat, sclopeto necandum esse censent. Quibusdam autem hoc displicet; ursum enim dicunt a venatoribus missili sopitum atque captum in silva saeptis circumdata exponi posse (Bavarii Finnos rogaverunt, ut canibus vestigatoribus auxilio sibi essent). Postremo aliquos scio esse, qui ursum cum pace dimittendum esse putent: cum bestia hominum congressus fugiat, nos tutos a periculo esse. Quid fieri oportet?
VII Id. Iun. Ex Cornicum Campo.

Iulia Marco sal.

Similiter movet ursus ille animos ac aliquos ante annos lupus, qui ex horto zoologico Saxonio relicto paucos septimanas non procul a Gottinga ad Weseram (Bramwald) vagavit, aliquas oves laniavit, deinde in septentrionem versus est et prope urbem Hildeshemium necatus est. Cum apud nos vixit, multum est locutum de illo, etiam nomen Puck attributum. (Serius nomen eius verum invenerunt et sexum: Appellata erat lupa (!) B

Ursus a venatore Bavario vel potius barbaro necatus est. Quam indignum facinus! Cur idem ille venator eodem tempore, quo ursum investigavit, mortifero missili non praetulit soporiferum?