YLE Colloquia Latina

Marcus Veronicae sociae carissimae s.d.p.

Natalem hodie celebranti toto tibi exopto pectore,
ut candidus hic tibi dies illuxerit,
ut hic annus auspiciis tibi ineat laetis, laetioribus procedat exeatque laetissimis,
ut quaecumque auspicata es, ea prospere succedant,
ut di immortales semper te sospitent.



III Non. Ian. Ex Rhenania inferiore.

Soter Veronicae, Amicae carissimae, s.p.d.


Dies natalis tuus, qui feliciter et faustissime hodie cadit, quam laetissimus, Amica mea Mediolanensis, tibi sit ! !

Omne bonum et omnia auspicata quam optime ad te veniant ! !

Gratias tibi ago maximas pro semper gratissimis basiis tuis, quae amicissime tibi repeto.

Facias, Veronica mea, ut quam maxime valeas ! ! !

Soter



A. d. III Nonas Ianuarias a. D. MMVI - Neapoli

Augustinus Veronicae s.d.
Graece multos annos iam tibi exoptare vellem:
"Ete polla, o despoina kai phile Veronica"
Vale.

Veronica Marco Soteri Augustinoque s.d!


Heri dies splendidus fuit, etiam Vobis gratias!!!
Verba vestra meum cordem laetitiae impleverunt!!!!!
Vere carissimi estis!

Augustinus, verba tua me tetigerunt............

GRATIAS MAXIMAS OMNIBUS AGO!!!

Valete!
Veronica.

Sodalibus omnibus
beatissimum Epiphaniae Domini festum
exopto.
Hunc hymnum de Sedulii "Paeano alphabetico de Christo" extractum addere
putavi:
Hostis Herodes impie,
Christum venire quid times?
Non eripit mortalia,
Qui regna dat caelestia.

Ibant magi, quam viderant,
Stellam sequentes praeviam:
Lumen requirunt lumine,
Deum fatentur munere.

Lavacra puri gurgitis
Caelestis Agnus attigit;
Peccata, quae non detulit,
Nos abluendo sustulit.

Novum genus potentiae,
Aquae rubescunt hydriae,
Vinumque iussa fundere
Mutavit unda originem.

In hoc sacratissimo die Epiphaniae Ecclesia Orientalis Domini in Jordano baptismi memoriam facit, dum Ecclesia Occidentalis adorationem Magorum honorat.

Soter Sodalibus et Amicis omnibus pariter s.p.d.


Hodie, Sodales et Amici clarissimi ac carissimi, Epiphaniae dies festus, qui Magorum adorationis memoriam sacram Christianis Ecclesiae Catholicae doctrina repetit, sancte celebratur (et maxima cum puerorum laetitia agitur !) .

Euangelium illud secundum Matthaeum de vita, immo de primis Domini nostri Iesu Christi vitae diebus, paginam pulcherrimam offert, quae summa perfectissimaque cum levitate narratur, facillima, quidem, lectu et intellectu.

Excerptum hoc Euangelii secundum Matthaeum quam gratissimum ad Vos veniat !


EUANGELIUM SECUNDUM MATTHAEUM, II, 1-12 (*)

« Cum ergo natus esset Iesus in Bethlehem Iuda in diebus Herodis regis, ecce Magi ab oriente venerunt Ierosolymam dicentes: [2] ‘Ubi est qui natus est rex Iudaeorum? Vidimus enim stellam eius in oriente et venimus adorare eum’. [3] Audiens autem Herodes rex, turbatus est et omnis Ierosolyma cum illo; [4] et congregans omnes principes sacerdotum et scribas populi sciscitabatur ab eis ubi Christus nasceretur. [5] At illi dixerunt ei: ‘In Bethlehem Iudae; sic enim scriptum est per prophetam : [6] “Et tu, Bethlehem, terra Iuda, nequaquam minima es in principibus Iuda, ex te enim exiet dux qui regat populum meum Israël"’. [7] Tunc Herodes, clam vocatis Magis, diligenter didicit ab eis tempus stellae quae apparuit eis. [8] Et mittens illos in Bethlehem dixit : ‘ Ite et interrogate diligenter de puero et, cum inveneritis, renuntiate mihi, ut et ego veniens adorem eum’. [9] Qui, cum audissent regem, abierunt. Et ecce stella, quam viderant in oriente, antecedebat eos, usque dum veniens staret supra ubi erat puer. [10] Videntes autem stellam gavisi sunt gaudio magno valde [11] et intrantes domum invenerunt puerum cum Maria matre eius et procidentes adoraverunt eum et, apertis thesauris suis, obtulerunt ei munera, aurum, tus et myrrham [12] et, responso accepto in somnis ne redirent ad Herodem, per aliam viam reversi sunt in regionem suam ».

Ab imo pectore diem hunc festum quam faustissimum Vobis exopto.

Faciatis, Carissimi, ut quam optime valeatis !!



Soter

A. d. VIII Idus Ianuarias a. D. MMVI - Neapoli




(*) “Bibliorum Sacrorum iuxta Vulgatam Clementinam Nova Editioâ€