YLE Colloquia Latina

Incredibile dictu!!!
Infandum, horrendum, informe accidit: quaeso, quid de Bobby Fischer captivitate cogitatis? Iustam esse? aut solum superbiam atque inhumanitatem eorum qui Americani dicuntur iterum iterumque patefactam esse?
Quod ad me attinet, afficior magna tristitia cum video talem hominem afflictum simili modo et ob ridiculm causam.
Quid vobis videtur?
Valete.

Romae XIV a. Kal. Septembres

Uri Fregnacciando s.d.

Verbum aptum invenisti, Fregnacciande, ad talem casum- ridiculus est totus. Bobby Fischer, qui semper Americanos et Iudaeos maledicit, videtur mihi non sanam mentem habere. Sed gubernatores Americani aeque ridiculosui videntur. Postremo, consentio de captivitate; iniusta et fatua est. Sed si nunc Fischer renovaverit ludum suum in publico, tamen dicabo gubernatores Americanos utiles esse ad aliquid...

Fregnacciandus Uri s.p.d.

Bene dixisti, amice: restat quod ille miserrime custoditur in captivitate, sed quare? Propter rem nullius momenti: si eo tempore in Jugoslavia, omnes sanctiones spernens, fuit, sine ulla dubitatione hoc non fecit ut arma aut cuiusvis generis commeatus venderet (sicuti innumeri Americani qui nullo iudicio affici videntur), sed tantum ad certandum in tabula scacchorum: interfici debet pro isto?
Americanos paenitetat inhumanitatis suae.
Ceterum, quomodo habes, amice? Bene spero.
Vale.

Romae XIII a. Kal. Sept.


P.S.

Si Fischer mente integra tibi non videtur, ad eum solum hoc pertinet: ego quoque saepe mihi videor non sana mente esse, sed in captivitate trahendus sum ob istum?

Iterum valeas.

Non dubito quin, si B. Fischer histrio vel cantor fuisset, iam diu sodales sui nobis aures fracturi fuerint, Americanis gubernatoribus reclamantes.
At talis non est (hoc peropportune accidit nobis, qui ludum scacchorum amamus et in eo versamur): universalis lusorum foederatio tacet nec ullum verbum dicere audet, ob timorem ne aliquo modo Americani molestia afficiantur.
Ceterum, numquam inter istos homunculos cum amico nostro concordia exstitit. FIDE (hoc foederationi nomen, sed, ut videtur, omnino inanis: nemo suam fidem in eis umquam reponere possit!) se gerit ut piscis in cupa, ut italica locutione utar: nam, ut piscis, qui in cupa custoditur eo, quo illam inclinaveris, se flectet, sic FIDE agit, suas nates promittens ei qui mentula subinde durior sit.
Valete.