YLE Colloquia Latina

QUAM FAUSTISSIMI
DIES NATALIS DOMINI ET ANNUS NOVUS VOBIS SINT ! !


Soter omnibus Sodalibus, praesertim Amicis suis carissimis, et, pariter,
optimis Administratoribus et clarissimis Moderatoribus Fori nostri
s.p.d.


Clarissimi ac carissimi,

appropinquante die festo, qui nato Domino nostro Jesu Christo celebratur, ab imo pectore ardentia vota concipio ut Vobis et Illis, qui Vobis carissimi proximique sunt, quam maxima animi serenitas et omne bonum sint ! !

Ne, quidem, obliti simus, saltem tantummodo paulum, religiositatis diei illius, ne obliti simus Nativitatis Domini nostri Jesu Christi, quae die octavo ipso ante Kalendas Ianuarias sacre concelebratur ! !

Ille sit nobis dies festus, quidem, dies laetitiae destinatus,.........non solum dies mercatorius, dies triumphi commercii et maximarum nundinarum ! !

Utinam, praeterea, novus annus, bis millesimus sextus (MMVI) post Christum natum, praenuntius optimae valetudinis, magnae felicitatis et prosperitatis omnibus nobis sit !!

Faciatis, carissimi, ut quam optime valeatis ! ! !

Fraterno et amicissimo animo

Soter

A. d. XV Kalendas Ianuarias a. D. MMV - Neapoli

M. Favonius sodalibus spectatissimis s.d.p.

Soteris amici nostri amplissimi epistula tam plena est humanitatis atque benevolentiae, ut ipse eum quam iucundissimo munere remunerari velim.

Rainer Maria Rilke hoc composuit carmen:

[color=green]Advent
Es treibt der Wind im Winterwalde
die Flockenherde wie ein Hirt,
und manche Tanne ahnt, wie balde
sie fromm und lichterheilig wird,
und lauscht hinaus, den weißen Wegen
streckt sie die Zweige hin, bereit -
und wehrt dem Wind und w

Mercurius sodalibus, et praecipue Marco suo s. d.

Consilium tuum maxime adprobo, mi Marce! Quid enim potest in hoc tempore festivo et aptius et iucundius? Ne longus sim, ecce carmen Hungaricum, eorum, quae in die Nativitatis Domini apud nos cantari solent, sane celeberrimum. Cuius textus quamvis simplex est, tamen nobis gratissimum. Verba in fine versuum iterantur, quod in translatione mea Latina servavi (ut et metrum.)

[color=green]
Mennyből az angyal

Mennyből az angyal lej

Optimum diem natalem Christi habeatis, sodales!

Hic inveni carmen anglicum ("Rudolph the red-nosed rendeer") in linguam latinam redditum... risum tenere non potui:

http://stbarts.whisperaudio.com/
[i]Rudolphus rubrinasus fulgentissimo naso,
vidisti et si eum dicas quoque candere.
Omnes tarandi ceteri ridebant vocantes nomina;
non sinebant Rudolphum interessa ludentes.
olim crassa nocte Christi, Nicolaus it dictum:
“Rudolphe, naso tam claro, agesne traham meam?â€

Veronica suis Sodalibus Aestimabillimis et Admirabillimis.


Soteeeeeeeeeerrr??? Mihi notionem abegisti!....


At nunc Veronica iucunda est severissima:

*QUAM HI DIES FESTIVITATIS AC ANNUS CUNCTUS MMVI PLENI
LAETITIAE ATQUE FELICITATIS SINT!!!
QUAM LUX NOSTRI AMATISSIMI IESUS VOS SEMPER ILLUMINET!!!*

Valete amici carissimi!
Basia,
Veronica.

Soter Veronicae, Amicae carissimae Mediolanensi, s.p.d.

Carissima Veronica,

nuntio huic tuo, in colloquio "De Lexico recentis Latinitatis" (respice !) hodie respondeo.
Tibi et Carissimis tuis, iterum, omne bonum exopto !!
Vale !
Tibi quoque basia !



Soter

A. d. XIII Kalendas Ianuarias a. D. MMV - Neapoli

Marcus sodalibus, imprimis Mercurio suo s.d.p.
Equidem doleo, quod communistae isti veterrimo abietis signo tam perverse tamque improbe usi sunt, ut infamia aspergeretur. Tamen praevalere puto hanc sententiam: Abusus non tollit usum.
Hilare ergo agitemus dies festos, dummodo ne, ut noster ait Soter, „religiositatis diei illius“ obliviscamur!
Valete. XIII K. Ian.

Augustinus omnibus in hoc foro scribentibus
Iucundissimum festum Nativitatis et faustissimum novum annum exoptat.
Nunc, Marci Favonii monitu motus,
veterrimum carmen ("corinda"a nobis nominatum, de "kalenda") vobis propono, hoc anni tempore in aliquis Transilvaniae vicis cantatum, tametsi de Nativitate Christi nihil dicit. Recognoscetis fortasse in eo mithologicum thema veterrimum incesti matrimonii Solis cum Luna:
La curte la Ţarigrad
Ziurel de ziua
Este-un fecior de-mpărat
Tot roagă pă maică-sa
Să-i deie pă soru-sa
Dragul mamii, eu ţi-oi da
Când mie face-mi-i
Pod de-aramă păstă vamă,
Pod de-argint păstă pământ.
El acele le-o cătat,
Şi-n biseric-o intrat.
Biseric-o tremurat
Icoanele-o lăcrimat.
Iconiţa Precestii
Din fundu' bisericii,
Ea din grai aşe grăie
"Nu eşti popă cu dreptate
Să cununi soră cu frate
Sus îi Dumnezău, te-a bate"

Nunc in Latine redditum:

In Constantinopoleos curia
Prima luce
Filius Imperatoris sedens,
Matrem supplicat suam
Ut sibi sororem suam in matrimonium det.
Mi puer, in matrimonium tibi dabo eam
Cum mihi pontem aeris trans portorium fecisses,
Pontem argenti trans terram.
Is haec curavit.
Et in ecclesiam [posthac] inivit.
Ecclesia tremuit,
Iconae lacrimaverunt
Et Virginis icona ab imo ecclesia'
Talia aiebat:
Presbyter, iustum non est
Sororem cum fratre suo in matrimonium iungere;
Deus sursum est et puniet te.

Soter clarissimis Sodalibus s.p.d.

Carissimi,
adpropinquante die festo Nativitatis nostri Domini Jesu Christi, nihil aptius mihi videtur quam hi versus, qui Italicissimi et Neapolitanissimi sunt et optimi - sic mihi videntur – Vobis ad sanctitatem temporis huius repetendam.

Clarissimus ac doctissimus Sanctus Alfonsus Maria de’ Liguori [qui Neapoli - in vico, qui etiam nunc appellatur “Marianellaâ€

M. Favonius Bernardo Flori ceterisque sodalibus pariter omnibus s.p.d.
Ex epistulis tuis, collega optime, te in Flandria vivere intellexi (nescio quidem, utrum Cortoriaci an Gandavi). Flandria... Quam regionem cum hoc ipso tempore cogitatione depingo, ante oculos libri mihi obversantur Felicis Fabri Tignarii, qui vestra lingua Felix Timmermans appellatur. Semper summae mihi admirationi est, non solum quanta vi imaginationis scriptor ille Flandricus de mysteriis horum dierum narraverit, sed etiam quam eleganter narrationes imagunculis a se ipso factis ornaverit. Quis est, quin illis commoveatur angustiis, in quas S. Nicolaus Caeciliam puellam navigiolo e socolata facto donaturus adducitur? Et suavissimus liber est ille, qui inscribitur „Het kindeken Jesus in Vlaanderen“, id est „Iesus puerulus in Flandria“: in capite primo Maria inducitur tempore postmeridiano in libro breviario defixa haec murmurans verba (Ct 1,1sq. 2,1):
„Osculetur me osculo oris sui
quia meliora sunt ubera tua vino
fraglantia unguentis optimis
oleum effusum nomen tuum
ideo adulescentulae dilexerunt te...
ego flos campi et rosa convallium...“
Quam beatissimum vobis exopto diem natalem Salvatoris.
XII K. Ian. Ex Rhenania inferiore.

http://www.colindatori.traditii.ro/claudiu.php

Hic duas "corinzi/ colinde" audire potestis.

Bernardus Flos Marco Favonio s.p.d.

Maxime gaudeo amice, quod Felix Faber Tignarius, scriptor quem aestimavi notum esse modo in Flandria, et in externis regionibus famam habet! Revera suavissimos libros scripsit, in quibus Flandria videtur regio beata et pia, Flandria avorum meorum! His diebus, dura nebula arva Flandrica tegente, hominibus Diem Natalem Domini Nostri exspectantibus, imago Flandriae similis est imagini Flandriae sicut Felix Faber Tignarius depinxit.

Si illum scriptorem amas, certe amabis et libros Augustini Struvelii (Stijn Streuvels), praecipue "De Vlasschaard", librum in Flandria praeclarum, agentem de regione Corteriacensi, quam incolo (Gandavi negotia habeo).

Vale quam optime!

Bernardus Flos, Gandavi, a.d. XI Kal. Ian.

Mercurius sodalibus ac praecipue Marco suo s. d.

Hodie emi abietem nostram; quod prima vice feci, quia adhuc domi cum meis parentibus diem Nativitatis celebrabam (ubi pater meus haec facere solet), hoc autem anno iam cum mea uxore. Cum vero viderem abietem miseram a me electam a mercatore funibus constringi, imo corde miseritus sum illius, tamquam cuiusdam animalis a hominibus sine causa occisi. Proximo anno abietem artifactam empturus sum, cum inhumanum ac barbarum esse puto tot milia abietum pro die Nativitatis caedere. Quae non ideo enarravi, mi Marce, ut te offenderem, solummodo quod de abietibus prius collocuti sumus. Vale ac valete. Budapestini, feria quarta post dominicam quartam Adventus Domini nostri.

Marcus Mercurio suo s.p.d.
Ex parte tecum consentio, amice mi fidissime. Si enim de abiete temere in silvis caesa cogitaveris, iure ac merito conquestus sis. At caedi, ut mea quidem fert opinio, illas fas est abietes, quae ab agricolis pro frumento in agris nulla alia de causa satae sunt, quam ut his temporibus caederentur: nonne eas cum rosis desectis comparari licet, quibus mulierum animos delectamus? Etiam illis uti, quas saltuarii, ut silva collucaretur, caedendas esse censuerunt, minime „inhumanum ac barbarum“ esse puto. Sed de hoc satis; gaudeamus, quod dies festi instant. Optime vale. X K. Ian. Crefeldiae.

Veronica omnibus carissimis Sodalibus s.d!!!!!


His diebus festis meus dies natalis quoque est!!!!.....HODIE!!!!!


Valete!

Basia,
Veronica.