YLE Colloquia Latina

Nunc liquidum populi sonitum tora tenta triumpumque
alma, italum, Patria, spectes paeanque clueto:

I
Heroum tora laxa redibit ad aequor avitum
is qui cum cecidit Australiam ad aequor avitum
lugentem pepulit, qui Theutonis agmine fesso
deceptam fregit Germanam spemque roburque
ingenuum; rete tandem qui rupit avarum
Gallorum (scopulus per tantas totque procellas
obstans): gloria te data nobis, GROSSO, reducat.

II
Quis, genite aequore, tu, quem tam cito Marte furenti
sistere quit non hostica vis, non error amicorum
ac pila iacta per aetherem? abacta et adurta retro sunt
agmina nostra hoste: harpastum, dum rete minatur,
aera ad alta fugat, et ad impetum adurget abactos!
Quid sibi vult hostis? Nil: CANNAVARO subintrat!

III
Nomine durus, lumine durus, in agmine durus,
harpastum sequitur, premit, usque magisque obdurat.
Estne humilis? Humilisque David dare, Parca, giganta
ille tibi potuit, qui autem ictu compulit illum.
nil ferit hic, saevitque intacto crure inimico:
Es dominus, "Ringhio", "panser Calaber" GATTUSO!

IV
"Hannibal ad portas" strepitabat fracta dolore
plebs Romana mora legionum et sanguine fuso
tunc patriae: non nunc, non tempora nostra verendum
dant aliquid portis: lateres si imponere palis
hic liceat, minuas tutelam! Et nunc date voces
sed gaudentius: "Ad portas BUFFON" strepitandum!


A.D.VI.ID.IVL.MMDCCLIX.A.V.C.
POSTRIDIE VICTORIAE ROMANORVM
LITTORIAE IN PALVDE REDEMPTA
VIVAVUVE

Salve, Rhumak!
Gratulor tibi, poeta clarissime, de tam praeclaro epinicio! Iuvat legere. Ut soleo scribere: Macte virtute!

Habemus Ovidem novum...

Heh heh heh, pedetemptim, amice.......... Nolo hac nocte manes Ovidi cuntos circa cubile meum baculo armatos!

Plaudo tibi. Equidem non melius scripserim. Alterum Ennium te, inquam!

Etiam Manes Enni circa cubile meum!!! AAARGH!!! Mater, cito cito citissimo sal saliariaque carmina totam per aedem spargenda!

Citra iocum, laudibus vestris valde laetor, amici, et gratias ago maximas.

Nunc dormitum ire luna iubet.
VIVAVUVE