TUBAE, TYMPANA ET CAMPANAE ANNUNTIANT MAGNUM GAUDIUM !

Colloquia de aliis thematis

Moderators: Moderator, Redactio Interretialis

TUBAE, TYMPANA ET CAMPANAE ANNUNTIANT MAGNUM GAUDIUM !

Emitteby soter on Merc 08 Feb, 2006 15.11

Soter MARCO FAVONIO, FACUNDISSIMO AC DISERTISSIMO AMICO,
ceterisque Sodalibus pariter omnibus s.p.d.


Tubae iucunde canentes, tympana hilariter pulsata, vexilla ad Zephyrum-Favonium (!) festive sublata, campanae laete sonantes, corda nostra maxime exsultantia

MILLESIMUM NUNTIUM OPTIMI AMATISSIMIQUE MARCI FAVONII NOSTRI

magno cum gaudio annuntiant et benigne feliciterque accipiunt !! !

Doctissimo, clarissimo, carissimo ac Amicissimo MARCO FAVONIO nostro
honor et admiratio, una cum reverentia et gratiis, omnium Sodalium et Amicorum ! !

BENE, MARCUM FAVONIUM ! !

VIVAT ! IO ! FELICITER ! EUHOE ! ! !


Soter

A. d. VI Idus Februarias a. D. MMVI - Neapoli
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Marcus Favonius on Merc 08 Feb, 2006 16.19

Marcus Soteri sodali suo amplissimo doctissimo carissimo s.d.p.
Non solum concentus tubarum tympanorum campanarumque, sed etiam verborum tuorum alacritas suavissime ad aures meas pervenit summoque me gaudio affecit. Rubore suffusus :oops: gratias maximas tibi ago, amice mi benevolentissime.
Hoc loco etiam administratoribus moderatoribusque Radiophoniae Finnicae Generalis singulares gratias persolvendas esse censeo, quod Colloquiis Latinis institutis mirificam nobis occasionem praebuerunt Latine quaerendi narrandi colloquendi.
Vivant crescant floreant colloquia nostra!
:D
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Merc 08 Feb, 2006 18.50

Mercurius soteri Marcoque triumphatori s. d.

In urbem festinans tantum hoc scribo:

:lol: :lol: :lol:

:D :D :D

:wink: :wink: :wink:


Gratulor, amice, gratulor! doleo quidem a sotere in gratulando me praeoccupatum esse; quia etiam ego tibi nuntium millesimum attingenti prius gratulari volui. Sed amici nostri nuntio hilarissimo viso tantum in chachinnum sum effusus, ut facere non potuerim, quin imo corde et ego cum vobis iubilarem!! :D Valete!!
Last edited by Mercurius Hungaricus on Merc 08 Feb, 2006 23.17, edited 2 times in total.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Marcus Favonius on Merc 08 Feb, 2006 21.03

M. Favonius sodalibus carissimis, imprimis Mercurio Soterique sal.
Alacres et laeti inter nos gratulemur oportet, quod tertium iam annum hac litterarum assiduitate delectamur. Quid plura? Optime valete. VI Id. Febr. :D
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Merc 08 Feb, 2006 23.13

O Marce!

Scribe mihi nuntios mille, deinde centum,
dein mille alteros, dein secundos centum
deinde usque alteros mille, deinde centum...

:D :D

:lol: :lol:

Vale, carissime, amice! :D
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

dies festus

Emitteby Phlebas on Merc 08 Feb, 2006 23.42

Phlebas Marco salutem

Dies festus agendum est.

Sed mihi desunt verba, ERGO : tibi mitto munusculum geographicum regionis meae Cisalpinae:

"Tertius (lacus) Gavirates, dictus a loco eiusdem nominis, paludis coenosae instar et tamen piscosae.
Accolis Lago di Gavirate et de eo Bonaventura Castillionaeus, Philippus Cluverus in Italia antiqua lib. 1, pag. 410 et nonnulla tetigimus num. 109. Ipsius longitudo a pago Capitelacus (indigenis Codelago) usque Bardellum ad milliaria 6, /maior/ amplitudo fere ad 2 pertingit dimissisque colliculis continetur. Efficitur aquiis pluviis, fontalibis ac fluentibus contigua palude Monati ambitus ultra bina milliaria decorata vicis Monato, Travedona, Usmato, et Cadretiato; proximumque et exiguum /habet stagnum/ Biandroni."

Vale, magister humanitatis
Nomino numeros; quibus numeramus; et adsunt in memoria mea non imagines eorum, sed ipsi.
Phlebas
 
Nuntii: 123
Nomen dedit: Iov 29 Dec, 2005 15.42

Emitteby Marcus Favonius on Iov 09 Feb, 2006 21.30

Marcus Phlebae sal.
Tua quoque epistula, Phleba optime, plurimum mihi attulit voluptatis. Qua enim perlecta ante oculos habui regionem, quam quinque ante decenniis puer cum parentibus pervagatus eram... „Bella Italia“! Nunc, aetate provectus, ad plagam illam amoenam revisendam, idque cum uxore, satis habeo temporis. Ceterum in municipio Gavirate museum quoddam videtur esse, in quo pipae sive fumisugia (sunt, qui eo vocabulo uti audeant) exponuntur. Sugisne fumum? Esne piparius? :lol: Ut finem faciam: oro te ad me scribas, quo ex libro locum illum abs te propositum exscripseris. Vale. V Id. Febr. Ex Rhenania inferiore.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

De "bella Italia"

Emitteby Herimannus on Ven 10 Feb, 2006 2.50

Herimannus Marco Favonio et Phlebae salutem

Si forte, Marce dilecte, re vera terras a Phleba descriptas visitare meditaris, memento me non procul inde vitam agere: quid si tecum et cum ipso convenire mihi liceat, ita ut Latine loquendi et invicem cognoscendi facultas nobis detur? Vale!

Novocomi, a. d. IV Idus Februarias.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Lucus Eques on Ven 10 Feb, 2006 18.54

Lucus Marco Fauonio optimo s.d.p.

Gratulor tibi et ego, amice! Mactissime litteras tuas nobis praebuisti ipseque feliciter eas his mensibus perlegi. Eu ge! Te quam saepissime plura scripturum spero!

Ad maiora,
Ex Bethlehem a.d. III id. Feb.
VIS·HONORQVE

"Fiat Vis tecum Luci — semper."

SCORPIO·MARTIANVS
Lucus Eques
 
Nuntii: 105
Nomen dedit: Iov 18 Aug, 2005 4.55
Location: Kintersvilla·Pennsylvania VNITI·STATVS·AMERICAE

Emitteby Scipio on Ven 10 Feb, 2006 19.26

Vivat Semper Marce, princeps nostri fori!!!
"Omnis homines qui sese student praestare ceteris animalibus, summa ope niti decet ne vitam silentio transeant veluti pecora, quae natura prona atque ventri oboedientia finxit."
Sallustius, Bellum Catilinae, liber I
Scipio
 
Nuntii: 118
Nomen dedit: Merc 06 Oct, 2004 14.30
Location: Parma, Italia, Europa

Emitteby Iulia on Ven 10 Feb, 2006 19.41

Iulia Marco sal.
Et ego omni corde tibi gratulor! Nam amnis nuntiorum tuorum semper labitur - et labetur in omne volubilis aevum! :D (Non ipsa habui, quos tibi scriberem versos, sed Horatius mihi ignoscat. :wink: )
Vale quam optime.
Delawariae, a. d. IV. Id. Feb.

P.S.: Luce, non longum a te absum! :D :D
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Lucus Eques on Ven 10 Feb, 2006 20.00

Lucus Iuliae s.d.p.

Mihi scripsisti te propinquam habitare, etenim mihi uideris re uera non procul a me abesse! Incredibile! Delawariam scripsisti, id est in Statu Americano? an flumen sibi uelit? Ipse (quum domi sum Kintnersuillae) proprio in flumine Delewaria habito, sed nunc sum apud Vniuersitatem Lehigh, quae in oppido Bethlehem locata est. Me certiorem facias de regione tua si uis.

Ex Bethlehem eodem die.
Last edited by Lucus Eques on Sat 11 Feb, 2006 0.36, edited 1 time in total.
VIS·HONORQVE

"Fiat Vis tecum Luci — semper."

SCORPIO·MARTIANVS
Lucus Eques
 
Nuntii: 105
Nomen dedit: Iov 18 Aug, 2005 4.55
Location: Kintersvilla·Pennsylvania VNITI·STATVS·AMERICAE

Emitteby Marcus Favonius on Ven 10 Feb, 2006 21.42

Marcus sodalibus carissimis, hodie imprimis Herimanno, Iuliae, Luco, Scipioni sal.

Equidem gaudeo, quod mihi gratulati estis. Nolite autem oblivisci, amici, tot epistulas nisi vobis impulsoribus a me scribi non potuisse. Quam ob rem maximas vobis quoque ago gratias. Quod enim ad Latinitatem colendam attinet, toto terrarum orbe nihil reperiri puto melius quam nostrum commercium epistularum, quas ad unam omnes Latine scribi oportet. Quicumque autem nostrum sermone Latino utitur, is plurimum confert ad cultum humanitatemque excolendam. Sed satis de hoc. Videamus, ne colloquia obmutescant!

Valete. IV Id. Febr. Ex Rhenania inferiore.
:D
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Verbani lacus

Emitteby Phlebas on Sat 11 Feb, 2006 1.56

Phlebas Herimanno Marcoque salutem dicit

Cenabis

Herimanne, maxumo cum gaudio probo verba tua et tecum invito Marcum nostrum ut (rursus) visitet regionem nostram Cisalpinam : gratissimo animo vobiscum conveniebo - sed : "Cenabitis bene mi Herimanne et mi Marce mecum, si vobiscum attuleritis omnes cachinnos : nam vestri Phlebae latina eloquentia plena est araneaurm."

Liber regionis Cisalpinae

Marce, liber est: Chorographya Verbani Lacu, per Dominicum Machaneum Edita, Lib. II, Cap. III. De lacubus adiacentibus Verbano. Caput incipit: Tres laculi influentes hunc nobilitant; quorum Lugano adiacent inclita oppida pro regionis situ memoranda… Manu scriptus extat cui inscriptio est : Verbani Lacus, vallium locorumque adiacentium, Chorographica descriptio Dominici Machanei … edita apud Ghisulphos mediolani anno MDCXC.
Recentissima editio: Verbani lacus, Il lago verbano; curaverunt P. Frigerio, S. Mozza, P. Pisoni, MCMLXXV, Alberti libraio editore , Intra.

Liber Machanei valde mihi carus est : describit terras felicitatis meae praetertitae. Hodie (Multas per gentes… ) regionem, non tempora, felicitatis invenio.

Valete quam optume
Nomino numeros; quibus numeramus; et adsunt in memoria mea non imagines eorum, sed ipsi.
Phlebas
 
Nuntii: 123
Nomen dedit: Iov 29 Dec, 2005 15.42

Emitteby Veronica on Sol 12 Feb, 2006 21.10

Veronica Marco Favonio s.d!!!

Tibi gratulor prae tuis mille nuntiis,Marce care; meta grandis est!
Certum est mihi, noster carissimus Soter qui tibi dono dedit studium
suum vere vere magnissimus amicus est!

Vale!

Pridie idus Feb. a.D. MMVI- Mediolani.
*PERSTA ATQUE OBDURA*
Veronica
 
Nuntii: 39
Nomen dedit: Sol 27 Nov, 2005 19.20
Location: Mediolanum,Italia

Next

Return to Alia themata

Qui adsunt

Users browsing this forum: No registered users and 1 guest

cron