De Colloquiis Latinis ab utentium pravitate muniendis

Colloquia de aliis thematis

Moderators: Moderator, Redactio Interretialis

Emitteby Marcus Favonius on Ven 10 Mart, 2006 14.27

M. Favonius cum moderatoribus, tum ceteris sodalibus benevolis, imprimis Mercurio suo Hungarico s.d.p.

Malignis nuntiis # 4555, 4559, 4562 non solum sodalibus honestis gravis affertur offensio, sed etiam impudenter Decalogus conculcatur Areae Colloquialis Latinae: „8. Decentem te erga omnes praebeto! Fieri potest, ut nuntius tuus in area diu remaneat.“ Quam ob rem nuntios illos quam primum delendos esse censeo. Timeo enim, ne effrenatione progrediente Colloquiorum splendor maculetur.

Nihilo minus in memoriam revocare nobis licet, quid Diogenes Laertius in altero De Clarorum Philosophorum Vitis libro scripserit de Socrate offenso:
Socrates a cive calcis ictu laesus, cum interrogatus esset, cur id facinus inultum impunitumque ferret, respondisse dicitur: „Quid? Num putas asinum, si hoc fecisset, a me in iudicium abductum iri?“ (§ 21): verba mente nobis agitanda!

Vobis quid videtur?

Valete. VI Id. Mart. Ex Rhenania inferiore.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Ven 10 Mart, 2006 15.47

Mercurius Marco suo s. d.

Recte me admonuisti offensas acceptas non esse reddendas, si a stulto has offensas acceperimus. Sed aliquid faciendum est, si quis aperte nos nostrumque forum deludit, deridetque. Satis vero non esse puto solummodo nuntios istius deleri; quo enim facto magis iracundus multo magis iste hic desaeviet. Qui ergo in foro ita se gerit, a foro excludi oportere opinor. Vale. Ex c. Budensi, a. d. IV. Id. Mart.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Marcus Favonius on Ven 10 Mart, 2006 16.13

Marcus Mercurio suo s.d.p.
Equidem plane tecum consentio, amice mi optime. Sed nunc gaudeamus, quod nuntii isti malitiosi ab administratore deleti sunt.
Cura, ut valeas!
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Previous

Return to Alia themata

Qui adsunt

Users browsing this forum: No registered users and 1 guest

cron