YLE Colloquia Latina

Tiberis Iuliae s.d.p.
Ne credas, mea Iulia , nimis rusticam vel impolitam esse tuam illius ariae conversionem , quae quidem digna esset, quae in ea parte colloquiorum nostrorum proponatur, quae est "de carminibus in Latinum convertendis". utinam plures sint, qui in hac arte se exerceant !

Littera I nimirum in titulo quaesito invenitur. ecce novissimus status, litera I inserta:

I _ _ E _ / E _ / _ A _ _ I _ E _ / E I _ S //

vale !
Id.Maiis

Iulia Tiberi sal.

Persuasum mihi est litteras X et U in titulo tuo latere...

Marcus Tiberi amico suo doctissimo s.d.p.
Ita est, optime Tiberis: „non de auctore Austriaco agitur“, sed de Helvetio! Fridericus enim Dürrenmatt fabellam composuit, quae inscribitur „Der Richter und sein Henker“, id est „Iudex et carnifex eius“. Vale. XVII K. Iun. Crefeldiæ.

Marcus Iuliae cunctatrici litteratissimae s.d.p.
Uno et eodem tempore de eadem fabella nos cogitavisse videmur... Sed qua de causa – pro di immortales! - titulum ad Tiberim scribere cunctata es? Nescio, sed factum esse sentio et doleo.
Vale. XVII K. Iun.

Tiberis Iuliae et Marco, amicis suis litterarum peritissimis,s.d.p.
congratulor vobis pro aenigmate tam brevi tempore soluto!
sed utri vestrum palmam dem, plane nescio. nam cum Iuliam titulum quaesitum primam suspicatam esse appareat, Marcus noster primus solutionem praebuit.
tamen, si regulam ludi nostri severe interpretamur,Marcus - ignosce mihi, Iulia! - victor esse videtur.
sed si inter vos de hac regula mutanda conveniat, equidem non repugnabo.
valete!

Marcus sodalibus, imprimis Iuliae Tiberique s.d.p.
Equidem, amici carissimi, victoria libentissime cedo Iuliae ; neque enim verbis, sed re diiudicandum esse censeo. Agedum, mea Iulia!
Valete. XVII Kal. Iun.

Iulia Tiberi et Marco sal.

Gratias ago vobis, quod me victricem aenigmatis esse putatis, sed confitendum mihi est non illum in mente habuisse titulum - modo feliciter conieci.
Quam ob rem tuae sunt partes, mi Marce, praesertim cum hebdomada sequente nun multum in interrete morabor et itaque patibulum nostrum nimium lente progrediretur.
Valete. a. d. XVII. Kal. Iun.

M. Favonius sodalibus suis pariter omnibus s.
Tot tantisque patibulis his diebus constitutis respirandum nobis esse censeo. Quam primum, id est cum gravissimis officii muneribus functus ero, ad novum patibulum defigendum revertar.
Valete. XVII K. Iun.

mimichatus et kokunus sunt!!!! belissima sunt ;-);-);-)

M. Favonius sodalibus rerum perplexarum studiosis salutem.

Ad novum patibulum defigendum revertor:

_ _ _ / _ _ _ _ _ _ _ / _ _ _ / _ _ _ _ _ _ _ _ _ _ _ //

Libri titulus originalis? Eius auctor?

Fortes fortuna adiuvat.

Mercurius Marco suo s. d.

Quamvis patibulatorum sim minimus qui parum triumphorum in hoc bello egi, tamen litteram E proponere ausim. Budapestini, d. X. Kal. Iul.

Marcus Mercurio patibulatori assiduo s.
Fortuna te adiuvit; hoc enim E detecto te multum profecturum esse puto:

_ _ _ / _ _ _ _ _ _ _ / E _ _ / _ _ _ _ _ _ _ _ _ _ _ //

Timeo, ne hoc patibulum in ruinam sit pronum .
Vale.

Iulia sodalibus sal.

Oro mihi detegas, care Marce, litteras A, quae in titulo tuo latent!

Mercuri: Minime puto te patibulatorum esse minimum (ecce fiigura etymologica!), cum persuasum mihi est te plus aenigmatum solvisse quam ego.

Valete.

Marcus Iuliae investigatrici acerrimae s.

Quanta sagacitate A litteram proposueris, ex novo patibuli statu intelleges:

_ _ A / _ _ _ _ _ _ _ / E _ _ / _A _ A _ _ _ _ _ _ A //

Equidem si Sphinx essem, ad mortem nunc voluntariam me praepararem...

Vale.

Mercurius Marco suo s. d.

Noli Marce temere e basi tua in altum praecipitare, cum nemo adhuc reperiatur, qui solutionem sciret. Videamus litteram S. Vale. Ibidem, eodem die.