YLE Colloquia Latina

Soter Amicis carissimis et Sodalibus pariter clarissimis s.p.d.

Adveniente die festi Sanctae Paschae ( XVI ante Kalendas Maias - i.e. XVI mensis Aprilis - pro Ecclesia Christiana Catholica, vel IX ante Kalendas Maias - i.e. XXIII mensis Aprilis - pro Ecclesia Christiana Orthodoxa) , Amicis carissimis et Sodalibus pariter clarissimis Fori huius Colloquialis nostri pacem, serenitatem, valetudinem et omnia bona ab imo pectore exopto.

Omnibus, praecipue Amicis optimis, magnum complexum.

S o t e r

Pridie Idus Apriles a. D. MMVI - Neapoli

Sit vobis bona Valetudo, Salus, Fortuna atque Pax, Cristiani omnis doctrinae, catholicae orthodoxaeque evangelicaeque.

Bona Sancta Pascha, amici

Scipio

Sancti Benedicti Truentini (Piceni), die 12 Aprilis A.D. 2006

Mercurius Scipioni omnibusque s. d.

Noli omittere, amice, e doctrinarum enumeratione religionem reformatam, sive ecclesiam Helveticae confessionis, cuius conditor fundatorque Johannes Calvinus fuit. Quae ecclesia in Helvetia orta postea in Galliam, Bataviam, et Hungariam quoque ramos suos extendit. Sed sinamus haec: et ego vobis adjungi velim in iubilando! Quam sanctissimam ac beatissimam Pascham omnibus meis sodalibus precor!

surrexit enim sicut dixit! (Mt. 28.6.)

Valete! Feria quinta post Dominicam Palmarum, die festa cenae Domini.

Marcus sodalibus, imprimis Mercurio suo sal.
Equidem, optime mi amice, plurimos his diebus timere scio amicos Hungaros, ne Fides(z) sibi derogetur... Fata videntur obstare. Sed toto exopto pectore, ne quid Hungaria capiat detrimenti.
Ceterum omnia bona precor vobis, sodales carissimi, in dies festos paschae.
Die Parasceues. Crefeldiæ.

Mercurius Marco suo s. d.

Grato animo tuas litteras legi, amice, in quibus clarissimo documento testatus es tibi "gesta Hungarorum" non esse ignota. Quod ad eventum electionis attinet, certe maximam mihi desperationem ille eventus attulit: socialistae enim iterum rerum potituri videntur, quod non solum ob eam causam disprobo, quod illi simpliciter socialistae, aut rectius communistarum haeredes sunt, sed quod in annis quatuor proxime elapsis tanta cum incuria ac corruptione res ab iis administrabantur, ut oeconomia Hungariae iam in summum periculum delatus sit. Ut de aerario publico fere deprivato, ac de debitis gravissimis nunc taceam.

Sed, ut passionis Domini commemoremus, affero vobis epitaphium astronomi illius clarissimi Copernici, quod ita sonat:

Non parem Pauli gratiam requiro,
Veniam Petri neque posco, sed quam
In crucis ligno dederas latroni
Sedulus oro.

Valete. Vardae, quod et Kisvárda a Hungaris dicitur, die passionis Domini.

avete omnes

BONA SANTA PASCHA ex urbe Roma

valete omnes

M. Favonius sodalibus carissimis sal.

Nonne Christianos, quippe qui Christi morte et resurrectione redemptos se credant, animo erecto plenoque laetitiae atque hilaritatis esse oportet? Refellamus et redarguamus Fridericum Nietzsche, qui Christianos minime redemptos sibi videri contendit! Ecce ergo tria ova paschalia, quae quamvis saeculo XVII parta sint, tamen etiamnunc saporis praecipui esse arbitror (*)!

Ovum I:

Viator in diversorium serius aliquanto veniens, iam reliquis hospitibus cenantibus et nihil reliqui facientibus, noctem illam ita uti venerat famelicus transegit. Mane cum abire vellet, hospes adest et symbolam sibi solvi iubet. „Quid?“ inquit ille „an quidquam ego solvam, qui nihil omnino cibi degustavi?“ – „At odore“ inquit hospes „pascere te potuisti.“ – „Bene!“ ait alter et prolato e pera scutato et in abacum quasi sonitus explorandi gratia proiecto: „Quid tibi videtur?“ inquit „an bona est haec moneta?“ – „Videtur“ ait hospes. – „Ergo“ inquit „pro cibi tui odore sonitum mei nummi pro symbola cape!“ Sicque abiit. Cretensis cum Cretensi.

Ovum II:

Petrus Niger per vicum iter faciens canem ad se accurrentem et nudatis dentibus mox in se irruiturum hasta transfixit. Ea propter ad magistratum a vilico tractus et rogatus, quid ita in miserum animal saevisset idque non inversa potius hastae quam praepilata parte percussisset: „Eo,“ inquit „quod ille non cauda, sed dentibus morsum mihi minabatur.“

Ovum III:

Matrona quaedam ab iis, quibuscum familiariter versabatur, rogatus, qui fieret, ut cum maritum iuvenem ac bene dispositum haberet, nullos tamen ex eo susciperet liberos: „Maritus meus“ inquit „multis fateor ornatus est dotibus. Est enim bonus musicus, bonus scriba, bonus etiam arithmeticus excepto hoc uno, quod non multiplicat.“

Quam iucundissimos vobis exopto dies paschales.

-----------------------
(*) Democritus Ridens, Amstelodami 1649, p. 143, 216, 246.

Dominicae Resurrectionis sollemnia gaudio plena sint omnibus.
Liceat mihi hos versus Venanti Fortunati producere:

"Salve festa dies toto venerabilis aevo,
Qua Deus infernum vicit et astra tenet

Ecce renascentis testatur gratia mundi ,
Omnia cum Domino done redisse quo.

Namque triumphant) post tristia tartara Christo,
Undique fronde nemus, gramina flore favent.

BONISSIMAM PASCHAM AUGURO OMNIBUS!!!!!!!!!

FELICES SITIS!!!!!!!!!!!

Lucius omnibus optimam felicem faustamque Pascham exoptat sodalibus amicisque!

Valete atque ualete,
Die Paschae ex Bethlehem a.d. XVI kal. Mai.