YLE Colloquia Latina

De discis compactis proponendis.
--------------------------------------------------------------------------------
Nuntium misit: Herbertus ® | 25.09.2003 - 02:47 | |
--------------------------------------------------------------------------------
Salvete sodales!

Nuntiorum, cum textus Latinus iam ab mense Septembri 1989 usque ad mensem Augustum 1999 ad libri formam redacti sint, miror quod disci compacti, quibus eidem nuntii nempe audibiles contineantur, usque adhuc haud propositi sunt. Nonne gratissimum omnibus linguae Latinae amantibus Redactio faciat hoc proposito efficiendo? Vale et valete.


RE: De discis compactis proponendis.
--------------------------------------------------------------------------------
Nuntium misit: Herbertus ® | 27.09.2003 - 07:18 | 1 | |
--------------------------------------------------------------------------------
Herbertus sodalibus huius gregis s.d.

In dies de moribus huius gregis plus miror. Quanto enim enthusiasmo nugacissimi etiam nuntii, qui saepenumero hoc forum frequentant consalutantur, utputa clamores a re alieni et errores fine carentes, cum quastio ad rem allata sperni videantur ac citatim in oblivionem iret, nisi scriptor huius nuntii ipse intervenirent ut denuo percontetur: Qua de causa, mehercle, nuntii Latini, usque adhuc emisi nondum in aliqua forma venales propositi sunt? Valete.


RE: De discis compactis proponendis.
--------------------------------------------------------------------------------
Nuntium misit: Marcus Favonius ® | 27.09.2003 - 13:57 | 2 | |
--------------------------------------------------------------------------------
Marcus Herberto suo s.
Summum tibi, mi amice, arbitror esse ius de responso non iam accepto conquerendi. Equidem ad epistulam tuam rescripsissem, si nossem, quibus de causis disci qui dicuntur compacti nuntios Latinos continentes in vulgus adhuc editi non sint. At nunc nostrorum colloquiorum redactores sive moderatores, quos eiusmodi rerum peritissimos esse censeo, brevi nobis responsuros esse spero. Rem enim iucundissimam proposuisti et nostris studiis, pro sancta Minerva, utilissimam. Vale quam optime.



RE: De discis compactis proponendis.
--------------------------------------------------------------------------------
Nuntium misit: Herbertus ® | 29.09.2003 - 05:43 | 3 | |
--------------------------------------------------------------------------------
Herbertus sodalibus s.d.

Ceterum censeo Carthaginem esse delendam.


RE: De discis compactis proponendis.
--------------------------------------------------------------------------------
Nuntium misit: Herbertus ® | 29.09.2003 - 05:43 | 4 | |
--------------------------------------------------------------------------------
Herbertus sodalibus s.d.

Ceterum censeo Carthaginem esse delendam.


RE: De discis compactis proponendis.
--------------------------------------------------------------------------------
Nuntium misit: Herbertus ® | 29.09.2003 - 05:43 | 5 | |
--------------------------------------------------------------------------------
Herbertus sodalibus s.d.

Ceterum censeo Carthaginem esse delendam.


RE: De discis compactis proponendis.
--------------------------------------------------------------------------------
Nuntium misit: Herbertus ® | 29.09.2003 - 06:22 | 6 | |
--------------------------------------------------------------------------------
Sodales!

Mihi quidem in animo erat Carthaginem delere, sed semel delere sufficat. Nescio quid acciderit, sed computatrum meum effrenatum ruebat. Itaque excusate me, si quem offenderim. Vale et valete.