YLE Colloquia Latina

Salvete!
Heri cantabam in choro Gaudete Christus est natus (carmen ex saeculo sexto decimo). Strophae quaedam habet dua verba quorum quantitas in dubio mihi venit.
Quomodo est dicendum transĭtur ou transītur (dicendum esse transītur existimo, sed in dubio sum quia nomen transitus i brevem habet); invenĭtur aut invenītur (rursus in participio i lapsa est, existimo quia brevis est...)?
Gratias.
Eduardus

Ericus Palmén Eduardo s.d.p.
Recta pronuntiandi ratio est 'transītur', sicut in infinitivo praesenti verbi 'īre' et compositorum eius longa est i (e.g. transīre, circumīre). Idem valet in verbo 'invenīre' et in ceteris verbis quartae coniugationis. Tantummodo tertiae coniugationis verba in iisdem formis brevem habent vocalem, e.g. addĭtur, petĭtur, agĭtur, mittĭtur. Participia autem perfecta singulorum verborum e suis stirpibus formata easdem regulas non sequuntur. In verbo 'ire' compositisque eius haec brevem habent vocalem (e.g. transĭtum, circumĭtum); pariter in substantivis verbalibus (e.g. transĭtus, adĭtus, redĭtus) brevis est i vocalis. Normalibus verbis, sive tertiae sive quartae sunt coniugationis, sua cuique participia perfecta sunt, quae aut brevem aut longam i vocalem habent aut eadem vocali omnino carent (e.g. addĭtum, petītum, actum, missum, inventum). Vale!

Salvete omnes!
Martinus Eduardo atque magistro Erico P. salutem dicit,
Ego quoque formam cum litterra "ī" rectam puto. 'transitur' est quædem forma præfixo 'trans' verbi 'ire' (anglice:go, germanice: gehen, hungarice: menni),et verbum ire litterā ī usum est.
Valete!