YLE Colloquia Latina

Uri Marco ceterisque s.d.

In eo genere notarum, non opus est computatro si investigare notas vis. Satis est bis scribere litterarum nomina in duo paginis, deinde transponere unam paginam (ut "a" super "b" sit, deinde ut "a" super "c", etc.) quoad sensum invenias.
Quod feci, sed eheu, oblitus sum "u" et "v" eamdem litteram esse in lingua Latina!
Notae multum tortuosiores sunt, sed eas ignoro.

Gastón Marco Favonio sal.

Programate Word uti possumus ad litteras mutandas. Necesse est "macrosententiam" (macro) creare. Hae sunt instructiones macrosententiae:

Code: Select all

Sub CambiaLetras()
Dim letra(22)
letra(0) = "A"
letra(1) = "B"
letra(2) = "C"
letra(3) = "D"
letra(4) = "E"
letra(5) = "F"
letra(6) = "G"
letra(7) = "H"
letra(8) = "I"
letra(9) = "K"
letra(10) = "L"
letra(11) = "M"
letra(12) = "N"
letra(13) = "O"
letra(14) = "P"
letra(15) = "Q"
letra(16) = "R"
letra(17) = "S"
letra(18) = "T"
letra(19) = "V"
letra(20) = "X"
letra(21) = "Y"
letra(22) = "Z"
ActiveDocument.Content.InsertAfter Text:=Chr(13) & Chr(13)
TextoOriginal = Selection.Text
For incremento = 1 To 22
ActiveDocument.Content.InsertAfter Text:="Incrementum: " & incremento & Chr(13)
TextoCambiado = ""
For caracter = 1 To Len(TextoOriginal)
  bandera = "no cambió"
  For LetraReemplazada = 0 To 22
   LetraReemplazante = LetraReemplazada + incremento
   If LetraReemplazante > 22 Then LetraReemplazante = LetraReemplazante - 23
   LetraCambiada = Replace(Mid(TextoOriginal, caracter, 1), letra(LetraReemplazada), letra(LetraReemplazante), , , 1)
   If LetraCambiada <> Mid(TextoOriginal, caracter, 1) Then
    TextoCambiado = TextoCambiado + LetraCambiada
    bandera = "cambió"
   End If
  Next LetraReemplazada
If bandera = "no cambió" Then TextoCambiado = TextoCambiado + LetraCambiada
Next caracter
ActiveDocument.Content.InsertAfter Text:=TextoCambiado & Chr(13)
Next incremento
End Sub


Selectionem texti facere debetis et tum macrosententiam executare.

Texto "iyxcvoehm" hoc accidit:

Incrementum: 1
KZYDXPFIN

Incrementum: 2
LAZEYQFKO

Incrementum: 3
MBAFZRHLP

Incrementum: 4
NCBFASIMQ

Incrementum: 5
ODCHBTKNR

Incrementum: 6
PEDICVLOS

Incrementum: 7
QFEKDXMPT

Incrementum: 8
RFFLEYNQV

Incrementum: 9
SHFMFZORX

Incrementum: 10
TIHNFAPSY

Incrementum: 11
VKIOHBQTZ

Incrementum: 12
XLKPICRVA

Incrementum: 13
YMLQKDSXB

Incrementum: 14
ZNMRLETYC

Incrementum: 15
AONSMFVZD

Incrementum: 16
BPOTNFXAE

Incrementum: 17
CQPVOHYBF

Incrementum: 18
DRQXPIZCF

Incrementum: 19
ESRYQKADH

Incrementum: 20
FTSZRLBEI

Incrementum: 21
FVTASMCFK

Incrementum: 22
HXVBTNDFL

Ut videre potestis, incrementum 6 verbum est desideratum. Vultisne me archivum programmatis Word epistula electronica adjunctum vobis mittere?

Valete quam optime!

Marcus Gastóni s.d.p.

Nemo est, quin summa admiratione affectus textum programmatis accuratissime abs te elaboratum consideret. Gratias ergo maximas pro industria tua et diligentia . Equidem, cum artis informaticae sane imperitus sim, acquiesco in programmatis adhibendis. Qua de re grave mihi erit ea intellegere, quae composuisti. Sed auxilio mihi venient mox collegae...

Vale.

VI Id. Aug.

Gastón Marco Favonio sal.

Ignosce mihi, programma tam accuratissime factum non est. Parvus error erat in codice. Ubi "Letra (6) = "F" scriptum erat, "Letra (6) = "G" licet. Codex iam est emendatus in nuntio meo.

Molto simplicior est hoc parvum programma scribere quam in lingua Latina praetare sicut tu.

Vale!

M. Favonius sodalibus sal.

Casu accidit, ut tres viri clarissimi in foro conveniant, Anicius, Bruttius, Calvisius.

Quorum unus est calvus, capillatus alter, tertius crinibus ornatus emptis; praeterea unus superioris labri barbam habet, barbulam maxillarem alter, at tertius plane est imberbis.

Calvisius neque crines emptos habet neque barbulam maxillarem.

Is, qui calvus est, neque Bruttius vocatur neque superioris labri habet barbam.

Si is, qui barbam habet superioris labri, aut Bruttius aut Calvisius vocatur, imberbis ille vir crines emptos habeat oportet.

Si is, qui crines habet emptos, Bruttius appellatur, capillatus ille vir superioris labri barba ornatus esse nequit.

Quaeritur, quam quisque faciem praebeat.

***

Res difficilior quidem videtur esse, sed summa sagacitate vos praeditos esse scio . Agitedum, amici!

Ceterum tuum aenigma avidissime exspecto, mi Mercuri.

VI Id. Aug.

Spartacus epistulae numeri MCVIII e “Chimaereo” Favonio respondens, salutem plurimam dicit.

Eia, Marce! Ain tu? Illicone? Hercle! Laetor!


Vale!

Uri Marco omnibusque s.d.

Anicius habet crines emptos et superioris labri barbam,

Bruttius capillatus est et habet barbam maxillarem,

Calvisius calvus est et imberbis.

M.Favonius aenigmatophilis sal.

Macte virtute esto, Uri! Laudo sagacitatem tuam.

Varietas delectat. Itaque novum hoc problema:

Permultis ante annis Herculanei in Villa quae vocatur Papyrorum schedula inventa est, quae numerorum quodam ordine inscripta videtur esse . Sed – pro dolor! – posterior ordinis pars non iam legi potest. Constat autem decem esse numeros. Qua ratione schedula sive numerorum ordo universus restitui potest?

Ecce schedula:

X . II . IX . VIII . IV . V. [...] . [...] . [...] . [...] .

[Hoc aenigma timeo ne facilius sit solutu... ]

Valete.

V Idus Augustas.

Gastón Marco Favonio ceterisque sal.

Videamus:

Decem
Duo
Novem
Octo
Quattuor
Quinque
Septem
Sex
Tres
Unus

Ordo alphabeticus.

Valete!

M. Favonius Gastóni ceterisque sodalibus pariter omnibus sal.

Tuam quoque laudo sagacitatem, Gastón, censeoque illud „Latine incipiens“ tandem tibi esse delendum .

Nova domo empta tantum his diebus mihi uxorique laboris imponitur, ut paulisper e colloquiis me recipiam. Sed quam primum fieri poterit, me rediturum esse pro certo habetote.

Valete.

V Id. Aug.

Nunc, Marco Favonio abeunte qui si dicere potest vita huius thematis erat, video nullum novum aenigma propositum esse. Quo vobis praebeo hoc aenigma, quod modo audivi, cuius solutionem non scio. Spero te, Gaston, id fortasse soluturum esse.

Decem viri morbidi sunt, quorum quisque morbum alterum habet. Quandocumque duo eorum se tangunt, accipit uterque contagione morbos ceteri. Quot tactiones debent esse ut quisque habeat omnes morbos?
numerus minimus tactionum dicendus est.

Gastón Uro sal.

Septendecim (XVII) tactiones necesse sunt. Primus aegrotus novem alios tangit. Hoc modo decem morbi primo ultimoque sunt (novem tactiones). Tum sive primus, sive ultimus, alios octo tangit (octo tactiones)

Vale!

Uri Gastóni sal.

Bene fecisti, Gastón... Sed demonstrandum est, cur septendecim minimus numerus tactionum est; quomodo certus es minorem numerum tactionum non esse?

Vale!

Gastón Uro sal.

Hoc demonstrare non possum, quoniam mathematicus non sum, sed ingeniarius. Possum tamen alio modo hoc explicare. Quae tactio secunda esse oportet? Illa quae maximum numerum contagionum efficit. Si hac methodo gradatim uteris, cum septendecim tactiones, omnes aegrotes decem morbos habebunt. Sed hoc haudquaquam est demonstratio et certus non sum.

Vale!

Iulia sodalibus s.p.d.

Habemus homines A, B, C, D, E, F, G, H, I, K cum contagionibus a, b, c, d, e, f, g, h, i, k.

Ut conferentur omnes contagiones in A, opus est saltem novem tactionibus, cum oporteat quamque contagionem aliorum (a, b, ..., k) saltem semel tradidi.
Post iis novem tactionibus, ut facile apparet, non magis quam duo homines omnibus possunt esse affecti contagionibus. Quia unus solum accedit pro singulis tactionibus - si enim A et B omnes habent contagiones, omnes ceteri carent eadem contagione (a aut b), quae solum ab A vel B tradidi potest, ita ut non e.g. E et F, si E omnibus contagionibus nisi a et F omnibus nisi b affectus esset, ii una tactione ambo omnes adipisci possint contagiones - opus est octo aliis tactionibus, ut omnes omnibus contagionibus sint affecti.

Ergo non fieri potest cum minus quam septendecim tactionibus, ut omnes homines omnes habeant contagiones.



Aliud habeo aenigma:

Gaius et Aulus ludunt: Habent tabulam rotundam et chartulas rotundas, quas vice versa in tabulam ponunt, ita ut non aliae super alias iaceant neque ex tabula emineant. Quis vincit, si Gaius incipit, et cur?

Valete.

Gottingae, a. d. XVIII Kal. Sep.