nouicius paginam laudat

Colloquia de aliis thematis

Moderators: Moderator, Redactio Interretialis

Emitteby Iulia on Mart 10 Oct, 2006 22.02

Iulia Rutilia Norico suo sal.

Minime absurde loqueris, mi Norice: omnibus praeter mathematicos liquet quid sit numerus.
De numeris difficultas est haec: Coepimus numeris naturalibus (1, 2, 3, ...; 0 an intersit, certant grammatici vel potius mathematici), sequuntur numeri integri (-1, -2, ...), numeri rationales (1/3, 567/2494, ...), numeri reales (√2, π, ...), numeri complexi (i, 3+2i, ...), et oritur quaestio, quotiens copia possit amplificari, ut elementa sint numeri, et cur aliarum copiarum elementa non sint numeri. (Dico copia = Menge = set) Mihi nunc numerus est elementum illius rei algebraicae, quam Angli field, Germani K
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby noricus on Iov 12 Oct, 2006 22.14

..
Last edited by noricus on Sat 18 Aug, 2007 12.07, edited 1 time in total.
noricus
 
Nuntii: 181
Nomen dedit: Iov 12 Ian, 2006 18.19

Emitteby noricus on Lun 16 Iul, 2007 13.19

..
Last edited by noricus on Sat 18 Aug, 2007 12.07, edited 1 time in total.
noricus
 
Nuntii: 181
Nomen dedit: Iov 12 Ian, 2006 18.19

Emitteby Marcus Favonius Ursinus on Lun 16 Iul, 2007 17.13

Marcus Norico suo salutem dicit primariam.

Equidem non modo gaudeo te revertisse, sed etiam spero confidoque te, ut qui vir rerum sis peritissimus, irridendo cavillando acerbeque orando colloquia nostra exagitaturum esse.

Ex animo optime te valere iubeo.
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Emitteby Mercurius Hungaricus on Lun 23 Iul, 2007 9.04

Mercurius norico s. d.

Recte nos reprehendis, amice, quod forum nimium negligimus. Et quidem etiam ego iam diu foro abesse cogor, dissertationem meam die nocteque concinnans. Viso autem te rediisse, frequentius colloquia adibo, cum sciam te semper aliquid novi inexpectique scribere! :D Vale! Ex castro Budae, a. d. XI. Kal. Aug.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby noricus on Lun 23 Iul, 2007 13.49

..
Last edited by noricus on Sat 18 Aug, 2007 12.07, edited 1 time in total.
noricus
 
Nuntii: 181
Nomen dedit: Iov 12 Ian, 2006 18.19

Emitteby noricus on Lun 30 Iul, 2007 17.22

..
Last edited by noricus on Sat 18 Aug, 2007 12.08, edited 3 times in total.
noricus
 
Nuntii: 181
Nomen dedit: Iov 12 Ian, 2006 18.19

Emitteby noricus on Iov 02 Aug, 2007 13.48

..
Last edited by noricus on Sat 18 Aug, 2007 12.08, edited 1 time in total.
noricus
 
Nuntii: 181
Nomen dedit: Iov 12 Ian, 2006 18.19

Emitteby noricus on Lun 07 Ian, 2008 0.26

noricus omnibus pariter

saluete, absentes! :D dum hunc locum, nempe pulpitum meum, redeo uos iam clamare audio quasi priscos ac exutos Cynici mores iterum foro inlatos esse. sed fortioris sitis animi gratique, quod non colloquia olim habita quorum a me uerba deleta sunt nouis quibusdam expleui! uerum enimuero tales sutelas scitote mihi maxime gaudere, sed contineo me quam plurimum possum. :D

ergo uos ubi estis? adhuc temulenti commissationibus? an officiis grauissimis functi? fatigati recentissimis amoribus? abscisa lingua absconditis carceribus iacentes? immemores patricii sermonis? num computatra uestra uiris, quae a maleuolentibus hominibus per rete exposita esse solent, affectata (hac in causa uobis suadeam ad futurum pornographica torrentibus uirtualibus haurire...). forte unus pseudonominis sui oblitus sit, alius autem notaculi secreti? sane nonnullos huc accedere consuere scio solum modo ad epistulas legendas. cum autem epistulis aliquibus pellectis responsum mittunt illarum auctores interdum de aliis rebus disputare mallunt, quod nonnumquam haud minus iucundum spectaculum praebet. exempli gratia sex mensibus postquam abhinc emigraueram inueniunt sodales me non modo abesse sed etiam uerba cuncta a me facta mecum abstulisse. EVGE, SCOPO POTIERIS! :lol: num cuncti his diebus apud fraternitatem illam iniquissimam tempus conterant, qui se alios excludenso excelsiores dignioresque fieri credunt? fui!

utcumque res se habeat, carissimi sodales: etsi aceto non parcor, nonnullos uestrum plurimum doleo abesse, ut Ericum patronum nostrum fautoremque Latinitatis spectatissimum, Mercurium Huncaricum mihi omnium amicissimum, Rhumakem communistam, Iuliam mathesis peritorum gregis pastricem, Lucum equitem Americanum, Vettium meum nedum amicam suam timidissimam Polonicam Tulliam, Agricolam poetam egregium, Herimannum artis translationis magistrum, Tiberim conprouincialem meum et - immo uero - Zephyrum meum caput philologorum Germanorum honestissimum! ubi estis cuncti? ah! mox uos reuersuros sentio. interdum autem otio meo uelim uti ad Meluinos audiendos. fortasse cantilenam cantem illam nomine "Crocus Palpitans" ("Jerkin´ Krokus").

ualetote :wink: :D
OPTIMA IN CYNOSARGE DISCEBAM AB OPTIMIS.
noricus
 
Nuntii: 181
Nomen dedit: Iov 12 Ian, 2006 18.19

Emitteby Maria Barbara on Sol 10 Feb, 2008 20.32

Maria Norico salutem dicit plurimum.
Errata sum in silva mathesis, et dependentiae me occursunt. Greges representavimus. Functiones matricarum derivata sunt. In curva elliptica reducata ac topologice multiplicata sum.
Haec examinum nomina sunt: algoritmi combinatorici, basis datum, teoria complexitas, teoria gregum, analysis matricum, curvae ellipticae, et topologia. Addetur opus seminarii.
Quem quidam eligentes, vel potius religentes miseramus negligentes.
Maria Barbara
 
Nuntii: 23
Nomen dedit: Sol 24 Sep, 2006 19.23
Location: Pannonia

Emitteby Rhumak on Sol 10 Feb, 2008 21.09

Norico et Mariae Barbarae spd

Heu quot mala Maria, cuius iure dolorem nomen significare ferunt, perpeteris! :lol: Quod si solacia praebet, multorum examinum trutina et me scito conteri, omnes in tempore examinum esse atque adhuc in medio clivo laborare, manentes dum soporifera aestas adveniat.

Miror cur de tot modo scribentibus vix quattuor adsimus. Tamen adsumus, sparsi sed adsumus. Vtcumque si me quando, Norice, qui miraris ubi sim communista (quamvis semel iterumque tibi me potius anarchicum esse dictitavi :lol: ) visere volueris, non multa huius domi cubicula pervestiganda erunt. Me apud versificatorum deversoria semper invenies: ergo siquid mecum Agricolaque poeta de micis sucisque in convivio poetarum seu bonorum seu malorum inlatis manducare libuerit, agito, quicquid bonum seu malum Musa tulerit in mensam.

Latina loquela vivit: latine loquentes perirunt :lol:
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Emitteby Maria Barbara on Sat 16 Feb, 2008 19.55

Opus seminarii factum est.
Quem quidam eligentes, vel potius religentes miseramus negligentes.
Maria Barbara
 
Nuntii: 23
Nomen dedit: Sol 24 Sep, 2006 19.23
Location: Pannonia

Emitteby Rhumak on Mart 19 Feb, 2008 0.46

Feliciter
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Area colloquiorum Latinorum "refecta"

Emitteby Ericus Palmén on Ven 29 Feb, 2008 14.33

Ericus Palmén Norico ceterisque probis Latinistis s.d.p.
In recentissimo nuntio tuo (postr.Nonas Ianuarias a. MMVIII, n. 7833), Norice, quereris plerosque eorum, qui antea frequenter nuntios in aream nostram colloquiorum Latinorum mittebant, iam diu ab ea abesse, atque varias causas proponis, quibus id effici potuisse arbitraris. Equidem non pro omnibus respondere possum, sed ipse ex indice tuo causarum potissimum elegerim officiorum multitudinem necnon ordinatrum meum interdum vitiis aenigmaticis laborans (nescio utrum virus an alia quaepiam causa ea pepererit); sed forsitan maxima pars culpae simpliciter ignaviae tribuenda sit.
Una e rebus, quibus credo nonnullos sodales obstupefactos esse, est metamorphosis in aspectu areae nostrae nuperrime facta. Ultima septimana mensis Ianuarii ea nescio qua de causa tot dies clausa mansit, ut ego moderatori eius maxime responsali scripserim interrogans eum, utrum provisorie tantummodo nullus in eam aditus pateret, an propter deminutum nuper nuntiorum numerum iam in eo esset, ut tota area omnino clauderetur. Nullum ab eo tuli responsum, sed biduo vel triduo post aditus in aream rursus patefactus est. Tum obstupui videns, quantum a pristina esset mutata: e prima pagina evanuerat titulus ‘Inspice 50 nuntios recentissimos’, mea quidem sententia omnibus probis Latinistis utilissimus, et vetus ‘Index utentium’, qui per totum annum 2007 saltem meo cum gaudio inde afuerat, rursus aderat secum portans plus tria milia novorum ”sodalium” perspicue Latinitati minime studentium ac nihil nisi ineptarum suarum paginarum domesticarum praeconium facere meditantium. Aliquamdiu tacui sperans moderatores ipsos quoque se dominationem rerum amisisse animadversuros et sua sponte aliquid facturos, ut area eius generis sordibus liberaretur. Solis demum die 17.2.2008, cum nihil ad id efficiendum actum esse vidissem, novum in Radiophoniam Finnicam Generalem misi electrogramma, cuius haec fuit summa: quosdam peregrinos Latinistas me adisse rogantes, ut moderatores vel aliquid facerent ad aream purgandam. Hoc nos omnes uno ore postulare: isti “sodales”, quorum plus tria milia essent quorumque paginis domesticis area colloquiorum Latinorum turpiter macularetur, nulla interposita mora ex ea expellerentur vel, si ea res nimiae esset molis, saltem eadem ratione absconderentur, qua anno 2007 absconditi essent, scilicet indicem utentium e prima pagina abolendo, ne praesentia eorum continenter molestaremur.
Triduo post electrogramma meum apud moderatores areae aliquid valuisse repperi: exeunte die Mercurii (20.2.2008) aream clausam esse, ut ordo in ea restitueretur. Fine septimanae proxime praeteritae rursus aperta est, sed prope in eadem forma, atque quam ante hanc novissimam “recensionem” habuerat: indicem 50 recentissimorum nuntiorum restituere moderatores neglexerant, quamquam hoc ab iis nominatim petiveram, et “Index utentium” in prima pagina superesse pergit – ita quidem, ut saltem meo ordinatro (etiamque, ut spero, ceterorum proborum Latinistarum ordinatris) adiri non possit. Quid censetis vos, sodales: hoc systemate acquiescere debemus, ut illi Pseudo-Latinistae, ut ita dicam, “caeno ac palude, iniecta insuper crate”, mersi maneant, quia “flagitia abscondi” par sit (cf. Tacitus, Germania,12,1)? Valete!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Vere ineunte...

Emitteby Marcus Favonius Ursinus on Sat 01 Mart, 2008 17.01

Marcus Erico amico suo doctissimo et humanissimo s.p.d.
Me quoque dolere scito, quod colloquia nostra paullum videntur languere. Equidem prorsus nescio, quaenam torpedo nostros oppresserit animos. Forsitan ignavia sit, forsitan inopia quoque thematum...
Colloquiis nuper restitutis stupor me invasit; nam litterarum notae quaedam adhuc usitatae nescio qua de causa in tam obscuras ne dicam arcanas conversae videntur esse, ut multi nuntii non iam clare legi possint (cf. Alia themata > Angulus poeticus > Dec 19, 2007, # 7817).
Propediem plura!
His ipsis diebus nonne legere iuvat Hor. carm. 1, 4?
Solvitur acris hiems grata vice veris et Favoni
trahuntque siccas machinae carinas,
ac neque iam stabulis gaudet pecus aut arator igni
nec prata canis albicant pruinis.

Ex animo quam iucundissimum tibi exopto septimanae exitum.
Kal. Mart. Crefeldiae.
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

PreviousNext

Return to Alia themata

Qui adsunt

Users browsing this forum: No registered users and 1 guest

cron