YLE Colloquia Latina

Nuntius bis missus... Ignoscite

Lucius Gundisalvo sal.

"Omnīs hominēs" interdum dicitur, formā antiquiorī, id est terminatio '-īs' pro '-ēs', quae nonnumquam visa est apud Vergilium atque etiam Salustium. Scilicet alii hic sodales amplius dicere possint de hac.

L. Amadeus Ranierius wrote:Lucius Gundisalvo sal.

"Omnīs hominēs" interdum dicitur, formā antiquiorī, id est terminatio '-īs' pro '-ēs', quae nonnumquam visa est apud Vergilium atque etiam Salustium. Scilicet alii hic sodales amplius dicere possint de hac.

Gundisalvus Lucio salutem dicit:
Talem enim Grammaticæ causam nesciebat. Gratias tibi ago quia hoc dubium meâ mente diu permansit. Cura ut valeas.

Gundisalvus wrote:

L. Amadeus Ranierius wrote:Lucius Gundisalvo sal.

"Omnīs hominēs" interdum dicitur, formā antiquiorī, id est terminatio '-īs' pro '-ēs', quae nonnumquam visa est apud Vergilium atque etiam Salustium. Scilicet alii hic sodales amplius dicere possint de hac.

Gundisalvus Lucio salutem dicit:
Talem enim Grammaticæ causam nesciebat. Gratias tibi ago quia hoc dubium meâ mente diu permansit. Cura ut valeas.

Lapsus calami... nesciebam pro nesciebat dicere volui.

Aetius Gundisalvo coeterisque s.d.

Macte Gonzale! De praesentia hispanicorum in foro gaudeo. Oratio naturaliter fluens latina pro nobis omnino.
Spero te inventurus esse in multas dissertationes.

Vale quam optime

Gundisalvus Aetiô suô salutem plurimam dicit:

Ut iam dixi, genus Italicum mihi amantissimum est. Bene accipio omnia verba tua, amice. Iam paucas paginas deesunt ut primum volumen Linguæ Latinæ desinam. Quum id (hac forte ipsâ die) faciam aperire novum filum volo ut illic dubia quæ in hac alterâ lectione mihi surrexerunt ac loquamur de ratione Oerberginâ. Iam mihi non tam tædii plenum videtur sermonem Latine scribere sed multis lapsis afficio quia quum verba ista scribo, ista scribo quasi hunc in modum quô Latine loquendô utor. Ergo igitur tiro sum, ut dixi, et omnia verba mea sunt sub correctione omnium qui menda mea videant.

Cura ut valeas, amice.

Lucius Gundisalvo sal.

Hoc in articulo mihi occurrit tibi ceterum dicere de '-īs' pro '-ēs' — namque tumet ipse usus es Vergilii paraphasin faciens, cum dixeris quasi ut versu originali: "patriae fīnīs et dulcia linquimus arva," "fīnīs" enim pro "fīnēs" stat. Quam optime valeas!

Salvete amici omnes! Quam gaudium est mihi tanto intervallo inter vos adesse atque vobiscum confabulari! Nescio an aliquis vestrum mei memor sit. Nomen mihi est Bernardus, natione Civitatum Americae Septentrionalis, sed qui nunc commoror Romae ut diversis operibus fungar. Utinam vobis dicere possem quam dulce est rursus hoc in foro adesse! Salvete!

Iulia Bernardo e longissima absentia excitato s.p.d.
Ego tui memini, Bernarde! Eheu, quantum temporis effluit, e quo ultimum hic scripsisti? Ut vides, quaedam immutata sunt et etiam spiritus totius areae aliquantulum diversus est, at situs, ut vides, adhuc sive melius iterum exstat. Romae nunc es? optime! Quo spero et me aliquando ituram esse, at nescio num et, si ita, quando.
Bene valeas!

Iuliae s.p.d. Beatus Bernardus

Atque egometipse tui bene memini, Iulia! Plurimas tibi gratias tua pro benignitate ago. Recordor, ni fallor, amoris tui erga carmina Latina? Ut verum loquar, quibusdam huius areae immutatis, dubio quin invenissem eundem situm quo iam dudum utebar ad amatores Latinae occurendos ut Latine exercerer. Situ rursum excitato, gaudeo quod subinde colloqui possum. Si, dis volentibus, Romam petas, adventus tuus gratissimus fuerit. Ut valeas.

Iulia omnibus sodalibus, sed imprimis Gundisalvo sal.
Gundisalve, oppidum tuum in tabula geographica quaesivi, et revera exiguum esse videtur, neque valde remotum a Lusitania. Numquam revera in Hispania fui, solum in insulis, cum parvula essem, neque eas veram Hispaniam esse credo, cum magis Germanicae mihi videantur...
Linguae Latinae per se illustratae libros quidem manu tenui et discipulos aliquos novi, qui eo libro discunt, sed ipsa non bene novi librum, quippe quae more tradito didicerim. Methodus autem mihi placet, et libros Athenaze ipsa quoque possideo (deest autem - pro dolor - tempus studendi!).
Scisne, qua de re imprimis gaudeam? Fortasse mire, sed mihi quidem placent Latinistae, qui tamen alii rei operam dent, et tu privatim Latine discis sed tamen, ut ita dicam, geographiam quoque colis. Ipsa mathesi studeo, et etiam alios quosdam hoc in foro scio scientiis a Latinitate valde remotis operam dare, sed tamen iterum iterumque gaudeo, si quem talem invenerim! Macte!
Nisi fallor, etiam vos, Mediolanensis et Aeti, tales estis, id est latinistae non professione, sed otio. Id mihi placet. Macte etiam vos!
Vale quam optime!

salvete omnes! discimus linguam Latinam in ludo Cantabrigiense. primo Latine scribere conamur, quod hoc forum maxime nobis placebat. tam tristes eramus feriis nuntiorum cognitis, ut lacrimaremus. et Cicero et Vergilius nostri amici sunt sed velimus habere nonnullos amicos vivos qui Latine scribant.

Mercurius collibus Cantabrigiensibus s. d.

O tempora, o colles! Maxime gaudeo quod iam etiam colles forum nostrum visitant! Etiam montes, campos, maria et quaequam alia naturalia libenter accipimus! Sed ioco amoto, maximo cum gaudio te, amice Anglice, in foro saluto. Dic mihi, quando natus sis, ubi et quam pridem Latine discas? Vale! Budapestini, die XIII. Kal. Aug.

Avete omnes, oratiunculae vestrae mihi valde placent!

Ignoscite omnes, puto enim me in lingua Latina imperitum esse, in rebus etiam interretialibus adhuc imperitiorem. Ob hanc causam aliquid scribere et mittere temptavi. Nunc video rem se bene habere et nunc de memetipso vobis aliquid dicere debeo.
Croata sum et munere theologus Romanocatholicus. Amator sum linguae Latinae ab pueritia mea. Gaudeo me vobiscum colloqui posse. A vobis etiam in lingua Latina peritissimis, aliquando auxilium petere audebo.
Mea prima interrogatio est: Quid sibi esse vult vocabulum: condescendenter, in contextu e.g.: "condescendenter est dici..." Mea opinione vocabulum istud esse: vel humiliter, vel superbe dici est. Ut ipsi videatis, incertus sum, quam ob rem responsionem atque solutionem problematis mei inpacienter expecto. Ignoscite menda mea orthographica et grammatica. Valete!