Astrophysici a.d. X kal. Sept., galaxias inter se concurrentes obseruando, indicium materiei qua maxima pars uniuersi constituitur inuenerunt; quam materiem tenebrosam iamdiu esse suspicati sunt, quia grauitas complementi materiei uisibilis non sufficit quin galaxiae dilabantur.
Sicut apud Obseruatorium X-radiale N. A. S. A. et per nonnulla alia telescopa obseruauerunt, ob quantitatem lucis aduncae, parua pars molis galaxiarum collidentum in materie uisibili, sed cetera in materie tenebrosa, constituuntur; quae materies tenebrosa, expers grauitatis molis galacticae, in nubibus inuisibilibus extra galaxias locatur.
Etsi substantiam eius probauerunt, tamen nesciunt quid esset.