YLE Colloquia Latina

Richardus Cordubensis omnibus sodalibus plurimam desiderat salutem

Novus sum in "colloquia latina" et confesso vobis metu concutus sum. Ego sum aliquantum vetulus (XLI annus), et erudivi linguam latinam pronuper denique non multum eam adhibitus sum. Possum nondum scribere linguam Latii? Rogo vobis non ridatis et patientientiam erga errores meos demonstretis.
Cum vidi paginam vestram magna laetitia effertus sum. Lingua Latina semper vivat!
Habito in Civitate bonaërensi (sed natus sum in Corduba Argentinae) Americae Meridionalis.
Bene Valete!

Sulla Ricardo s. d.!
Etiam ego nova in hoc foro sum et timeo ne vitia scribendo faciam, sed conata sum litteras sribere, quia cognoscere volo alios latnam amantes. Habito in Polonia et latinam in Universitate studeo. Potesne mihi paululum de civitate tua narrare? Nescivi homines in Argentina latinam discere
. Salve!

Spartacus Ricardo Cordubensi salutem plurimam dicit.


Salve, Ricarde! Quia novum sodalem ab America Meriodionali habemus, gaudeam!

Si times Latinam inquinate scribere, dico:

Tolle metum et scribe! Ut fere dixit Cicero, vir magnae sapientae, " cuiusvis hominis est errare" (Philippicae 12,5).

Habes hoc loco comitem Argentinum cui nomen Gastón est. Egomet habito in terra Brasilis, haud procul, ut scis. Praeterea, propter interretem, omnes sumus quasi vicini!

Bene valeas.

Gastón Ricardo sullae Spartacoque s.p.d.

Ego Gastón ille sum, Ricarde, qui in urbe Bonaerensi habitat. Meo in signo te "Latine incipiens" legere potes, sed magis ineptus quam incipiens sum, quia abhinc duos annos linguam Latinam discere coepi.

Ita est, Sulla, hic homines sunt qui linguam Latinam discunt. Aliquot abhinc annos lingua Latina discebatur in gymnasiis (schola secundaria) publicis, sed nunc paucis in scholis publicis docebatur quia pro inutile habetur, sicut lingua Francogallica Italicaque.

Valete!

Pistos sodalibus salutem

Nos omnes, care Gastón, fortunati sumus, quia inter haberi et esse non modo maximi sed etiam res ipsa interest!

In scribendo te affirmare, care Ricarde, et ego volo, praesertim cum nobis tironibus illustrissimi id huius fori viri dissuadeant, ut hac in praeclara re animo deficiamus.

Ex te, cara Sulla, mihine licet quaerere, utrum multis in scholis lingua nostra, i.e. Latina, terra tua disci possit? Rara enim, quod querendum est, sunt hodie discendi loca, ut gaudeam, quod hic percipiam et in Argentinia et in Brasilia et in Polonia linguam Latinam doceri.

Vobis vicinus, care Spartace, Americanis Europaeus libenter sum.

Valete!

Iulia Pisto sal.

Percipis etiam, Piste, in Austria (Tiberis), Italia (Herimannus), Civitatibus Americanis Unitis (Beatus Bernardus), Canada, Suecia, Hungaria et nescio in quibus aliis mundi regionibus disci lingua Latina!
Iam ante aliquod tempus vidi te in Saxonia Inferiore vivere, ergo haud nimium procul a me potes habitare. Quam ob rem cognoscere cupio, ubi exacte vivas.

Vale quam optime!

Pistos Iuliae s.d.p.

Iis in terris, quas enumeravisti, nostram linguam vel vigere vel inveniri posse mihi (ante hoc forum cognitum) compertum erat, ut has recensendo laudare oblitus essem, quod doleo.

Quod alio loco de impiliis nigris et albis scribis, stupui. Verbum enim "impilia" non noveram et Perseu adhibito anglice "felt shoes", germanice "Filzschuhe" mihi obvenit. Num rectam verbi notionem accepi?

Quod ad eum locum attinet, quo habito, oppidum Bernardi dici potest, quod ab Gottinga recta fere via ad septemtriones vergens quinquaginta quinque miliis passuum differt. Satisne exacte? Exactius latine exprimere non possum.

Vale!

Richardus Cordubensis Sulla, Iulia, Pisto, Gastón, Spartacoque S. P. D.
Salve Amici!

Per aliquos dies paginam nostram interretialem visitare non potui. Heri attamen, magno cum gaudio nuntios vestros legere potebam.
Vos omnes gratias ago quia me multa cum benevolentia humanitateque in foro recepisti et modestissimo nuntio meo amabilissimas responsiones dedistis.
Vos "amici" vocare ausus sum quia, puto nos omnes aliquid communis habemus, id est "amor liguae latinae".
Et si -sicut Cicero dixit- "amicitia est rerum humanarum et divinarum cum benevolentia et charitate consentio" (Am. 20), nos in praedicto amore consentire videmur.
Cum gratissimas litteras vestras legebam memet interrogabat: Si linguam latinam omnino ignorarem, quomodo cum Sulla, cum Pisto, sive cum Iulia loqui valuissem? Nonne mecum putatis linguam latinam aptissimum humanae communicationis vehiculum esse? Et omnis quod ad humanam communicationem et concordiam adiuvat -ad minus sic ego puto- sicut honorabilis, aptus et magni momenti considerari debet.
Sulla, petis ut paululum de civitate mea narret, quod omne cum delectamento facio: Bonaëropolis civitas satis magna est (magis quam 3.000.000 incolas in ea habitant, sed si suburbicaria regio quae "Magna Bonus Aër" nuncupatur consideras, magis quam 12.000.000 circumincolas habet). Bonus Aër bis fundata est: Anno millesimo quingentesimo trigesimo sexto a Domino Petro De Mendoza (hispano) primo condita est. Post destructionem ab aborigines factam, a Domino Ioannes De Garay (hispano etiam) anno mellesimo octingentesimo denuo aedificata est. Nomen originalis "Portus Sanctissimae Trinitatis et Civitas Sanctae Mariae De Bonus Aër" erat. Hodie "Bonus Aër" simpliciter nuncupatur. Civitas nostra (Caput Reipublicae) ad europeas urbes satis similaris est.
Gastón, nunquam imaginabam in hoc foro aliquem In Bonus Aër habitantem cognoscere. Sicut nos dicimus: vere parvus Mundus est!
Spartace, bene dicis cum asseris nos quasi vicini sumus. Dicitur quod "boni vicini adsint, mali absint" Brasiliani semper adsint exopto!
Piste, etiam ego libenter Europeis vicinus sum! Ego considero Europa pulcherrimam esse (ego vixi in Hispania per annum et dimimidium, in Italia per triennium et in Civitate Bonna Germaniae per menses sex).
Bene Valete!

Iulia Pisto et Ricardo sal.

Piste, aut imagiginatio mihi defecit aut nescio id Bernardi oppidum. Da ergo nomen, quaeso, Germanicum.
Verbum "impile" inveni pro "Strumpf".

Ricarde, iam longius omnes sodales mihi sunt ut amici, et puto me non esse solam, quae narrat res bene dictas ab aliis etiam amicis et consanguineis. Familiae meae nomina ut "Spartacus", "Mercurius Hungaricus", "Marcus Favonius" nota sunt ut nomina amicorum; tuum nomen adhuc non, quod autem te invito, ut mutes!
Ceterum puto te non etiam sine linguam Latinam comprehendere, si deberes; omnes enim possumus Anglice loqui, et prasertim tu appares multas nosse linguas et fortasse mecum etiam Germanice conloqui posses. (Quod autem multi hic versantes videntur posse, ut - praeter alios Germanos - Mercurius, Herimannus, ...) Tamen tecum assentior Latine loqui multo pulchrius est! Praeter singularem pulchritudinem, quam praebet nobis, ea lingua sola efficere potest, ut omnes hic colloquentes, ut iam dixisti, eodem amore non solum linguae, sed etiam litterarum, philosophiae, humanitatis sint affecti. Puto si aliquo tempore vere cum alicui vestrum convenirem, me nolle Anglice aut Germanice cum iis loqui, si vitare possem. Pro dolor adhuc numquam conata sum, an vere id praestem!

Valetote!

Gottingae, a. d. XVII. Kal. Dec.

Sulla omnibus sodalibus s.d.

Gratias Tibi ago, Ricarde, quod pauca de civitate sua mihi scripsisti! Etiam mihi in animo venit mens illa, quod lingua latina nos omnes in variis mundi regionibus secum loqui possumus. Qua de causa maxime felix sum, quia temporibus nostris alios latinae amatores cognoscere difficilis est.
Et Pisto responsum mitto: Habito in Varsovia, quae caput est Poloniae. In qua urbe multas scholas, ubi discipuli latinam student, invenire potes. Etiam in Cracovia iuventus latinam studere in paucis scholis potes. Sed in aliis Poloniae oppidis latinam discere facilis non est.

Recte dicis Iulia, hodie pro latine Anglice loqui possumus, sed lingua latina dicere iucundior mihi videtur .

Salvete omnes!

Pistos Ricardo Iuliae Sullaeque sal.

Te, Ricarde, Bonnae habitavisse numquam opinatus sum. Mihine licet ex te quaerere, quando ibi vixeris et utrum Germanice loqui didiceris?

Tibi, Iulia, Germanice respondere, ingnoscas, noluerim, quia Oppidum Bernardi anno DCCCXV p.Chr.n. conditum minime est parvum, quippe cui incolarum sint circiter centum milia. Bernardense inter Hannovera et Gottinga atque inter Hamela et Brunsviga situm est.

Tibi, Sulla, gratias ago accepto tuo responso, quo honorem linguae nostrae Polonia amplificatum esse intellexerim.

Valete!

M. Favonius Richardo Cordubensi s.d.p.
„dum volvitur mundus“: sapientissime quidem electum, sed omissis verbis „Stat crux, ...“. Explica, sis, qua de causa epistulas illa ipsa sententia concludas.
Vale.
XIV K. Dec.

Iulia Pisto sal.

Hildesheim? Quod potius converterem "Hildae patria". Unde ergo nomen "oppidum Bernardi"??? Semper quaesivi aliud cum eo nomine, at nihil inveni. In pagina http://www.columbia.edu/acis/ets/Graesse/contents.html invenies nulta locorum nomina, Hildesheim ibi redditur nominibus Hildesia, Hildinensis vel Hyldensis urbs, Bennopolis, Bunnopolis (Bennopolitanus), Hennepolis, Henopolis, Hildeshemium. Non proponitur oppidum Bernardi, quamvis Bennopolis satis ei sit simile.

Vale! Gottingae, a. d. XIV. Kal. Dec.

Marcus Iuliae Pistoque sal.
Nonne controversia est de oppido Bernwardi? Qui anno 987 factus est Ottonis III educator praeceptorque, anno autem 993 episcopus Hildeshemii, qua in urbe clarissimum templum Sancti Michaelis aedificandum curavit. Vos quid censetis, Saxones inferiores?
Valete.
XIII K. Dec.
Media nocte.

Richardus Cordubensis, Iulia, Sulla, Pisto et Marco Favonio. S. P. D.

Iulia, felix sum quia amicus tuus, sicut alii sodales, vocari possum; sed... mihi videtur nomen meum mutare facilior est quam "res bene scribere", ad minus in Lingua Nostra, quia etiamsi no solum castigate sed et eleganter latine scribere desidero, Lingua mea Latina valde deficiens et rudis est.

Sulla, atque ego tecum gratus sum quia mihi opportunitatem dedisti ut aliquid de mea Civitate narraret.

Piste, ego Bonnae bis fui; sed, pro dolor, ad breve tempus.
Ab A. D. MCMLXXXIX usque ad A. D. MCMXCII (id est ab anno vicesimo sexto usque fere ad annum undetricesimum aetatis meae) ego Romae habitavi ad historicos studios perficiendos. Per aestivum tempus in Germaniam ibam ut Linguam Germanicam discerem. Ergo, ego possum germanice et loqui et scribere sed multa cum dificultate multibusque cum erroribus (more "tarzanico" ut ita dicam) (!)
Cum in Germania fui habitavi supra Montem Crucis (Kreuzberg) et tibi dicere debeo quod ex hoc tempore Germani amabilisima et cultisima gens mihi videntur.
Praeter Bonnam alias civitates cognovi: Coloniam Agrippinam, Augustam Treverorum (pulcherrima!) et Berolinum (occidentalem et orientalem). Hoc tempore Berolinum non mihi pulchra visa est (praecise hoc tempore "murus berolini" casum erat). Soli Musei (Praecipue "Pergamon Museum") et aliqua palatia (E. g. Charlottenburg) valde mihi placuerunt.

Marce, cum in foro nostro nomen dedit, putavi qua locutio sicut subscriptio me identificare potuerit, et mihi in mente venit illa Phrasin: "stat Crux, dum volvitur mundus" quia ego christianus catholicus sum. Phrasin truncavi quia satis clara mihi videbatur.

Carissimi sodales, nec miretis si a proxima die lunae (i. e. X Kal. Decembris) usque ad diem veneris (i. e. VI Kal. eiusdem mensis) nuntios meos non recipitis, quia ego non in domo mea ero sed in Valetudinario et instrumentum computatorium non habebo.

Licet mihi oppinare circa identitatem Civitatis Pisti? Ego credo ut Civitas Pisti Hildesia sit, quia anno DCCCXV sicut episcopalis Sedis a Ludovico Pio imperatore condita est. Sed forsitan alia Civitas vicina ad "Springe", "Peine" vel "Barsinghausen" esse potuerit. Quid dicis Piste?

Bene Valete.

XIII Kal. Decembris. Conticinium