YLE Colloquia Latina

Area colloquialis interdicta
--------------------------------------------------------------------------------
Nuntium misit: Regiomontanus ® | 10.12.2003 - 15:49 | |
--------------------------------------------------------------------------------
Cur mihi area colloquiali interdicta est?


RE: Area colloquialis interdicta
--------------------------------------------------------------------------------
Nuntium misit: Gastón - latine incipiens | 11.12.2003 - 13:42 | 1 | |
--------------------------------------------------------------------------------
Videamus dixit caecus...

Operat!!!


RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 11.12.2003 - 21:07 | 2 | |
--------------------------------------------------------------------------------
Nihil adhuc profeci in colloquiis adeundis... Utinam miserrimam agant vitam isti colloquiorum nostrorum turbatores interpellatoresque!


RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 11.12.2003 - 21:17 | 3 | |
--------------------------------------------------------------------------------
Marcus Favonius Gastóni s.p.d.
Maximas tibi gratias pro epistula electronica, in qua de nova inscriptione interretiali nos certiores fecisti. Sed - per deos immortales - colloquia etiamnunc interrupta sunt. Exspectemus ergo "induti loricam patientiae", dum ingeniosissimi moderatores Finnici huic difficultati medeantur. Vale. Cristianum Iulium, Herbertum Spartacumque iubebis meo nomine salvere plurimum. Data III Id. Dec.


RE: Area colloquialis interdicta
--------------------------------------------------------------------------------
Nuntium misit: Gastón - latine incipiens | 12.12.2003 - 18:54 | 4 | |
--------------------------------------------------------------------------------
Spartacus suam inscriptionem interretialis mutavisse videtur, nam suus servus suam veteram inscriptionem nescit.


RE: Area colloquialis interdicta
--------------------------------------------------------------------------------
Nuntium misit: Gastón - latine incipiens | 12.12.2003 - 18:57 | 5 | |
--------------------------------------------------------------------------------
Ignoscite mihi: servus eius suam veteram...


RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 12.12.2003 - 22:07 | 6 | |
--------------------------------------------------------------------------------
Moderatoribus diligentissimis sal.
Num pestifero turbatorum scelere colloquiis Latinis finis impositus est?
Oro vos certiores nos faciatis in pagina domestica.



RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 12.12.2003 - 23:25 | 7 | |
--------------------------------------------------------------------------------
Marcus carissimis sodalibus s.d.p.
Turbatores nequissimi colloquia nostra interruperunt. Di immortales eos perduint!
Tamen colloquia hoc modo adire poteritis:
Si inscriptione interretiali "http://www.klak.com/zalk/nuntii/zalk01/1280. php"
usi eritis, intellegetis nota numeri "1280" significari colloquium "Area colloquialis interdicta". Si in locum "1280" successerit "1279", reperietis colloquium "Nova carmina Latina" etc.
"1210": De iuris prudentia Romana
"1220": Succurrite sodales
"1225": De bello Iraquiensi
"1276": Quaestiones miscellaneae &c.
Colloquio reperto etiam nuntium mittere poteritis. Sed maxima mehercule perseverantia vobis opus erit, ut colloquia ad unum omnia investigetis. Haec festinans scripsi, quod mihi oro vos ignoscatis. Valete quam optime. Pr. Id. Dec.



RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 22.12.2003 - 14:42 | 8 | |
--------------------------------------------------------------------------------
Marcus Cristiano, Gastoni ceterisque sodalibus sal.
Exeunte anno omnia vobis opto bona faustra felicia fortunataque. Cui voto hoc anonymi cuiusdam subnecto carmen:
„Convivae, tetricas hodie secludite curas,
ne maculent niveum nubila corda diem:
omnia sollicitae vertantur murmura mentis,
ut vacet indomitum pectus amicitiae.
Non semper gaudere licet: fugit hora, iocemur:
difficile est fatis subripuisse diem.“ (Anthol. Lat. 719)
Utinam mox reviviscant colloquia nostra!
Data XI Kal. Ian. Ex Rhenania septemtrionali.



RE: Area colloquialis interdicta
--------------------------------------------------------------------------------
Nuntium misit: Gastón - latine incipiens | 23.12.2003 - 12:23 | 9 | |
--------------------------------------------------------------------------------
Gastón Marco salutem dixit.

Gratias plurimas tibi ago pro voto tuo et carmine. Video te carmina quae in libro "The Oxford Book of Latin Verse" inveniantur legere. Hunc librum legere possumus in interrete (http://www.bartleby.com/245/).

Felices sint tu tuique festo nativitatis Christi.

Vale quam optime!


RE: Area colloquialis interdicta
--------------------------------------------------------------------------------
Nuntium misit: Regiomontanus ® | 29.12.2003 - 17:04 | 10 | |
--------------------------------------------------------------------------------
Salvere plurimum iubeo vos, Marce et Gastoni, amicos optimos.

Plurimas tibi, Marce, ago gratias, quod me certiorem fecisti de infami impugnatione adversum nostram Latinam exedram. Solum aliqua scelesta anima, filia vera tenebrarum, potest tam infando delectari maleficio. Mundus calamitose hac progenie scorpionum plenus est, quae difficiliter exstirpare poterit.

Miror quod tu et Gastonius noster tamen in ruinis nostrae exedrae penetrare et saltem nonnullum dialogum habere valuistis.

Hoc tempore lorica Apostoli indutus, spero fore ut mox in quapiam alia nova area colloquiali nos revideamus.

Curate ut valeatis.


RE: Area colloquialis interdicta
--------------------------------------------------------------------------------
Nuntium misit: Herimannus | 31.12.2003 - 02:32 | 11 | |
--------------------------------------------------------------------------------
Herimannus Gastoni, Marco, Regiomontano et omnibus colloquiorum sodalibus plurimam salutem ter beatus dicit.

Sodales dilecti, post tres (sic) hebdomadas colloquia nostra rursus legere possum: non putaveram ea mihi tam necessaria paucis mensibus facta esse. Gratissimus sum Regiomontano praesertim, qui mihi privatim scripsit ut me adiuvaret, Marco Favonio et omnibus legentibus.
Ergo, sola inscriptio electronica singuli colloquii (huius exempli gratia http://www.klak.com/zalk/nuntii/zalk01/1280.php 1; perscribenda est, ut colloquium singulum legi possit; quam inscriptionem cum ceteris transtuli in indicem praelatarum inscriptionum qui in suprema parte monitorii invenitur: sic me spero, Marce Favoni, me celeriter singula colloquia uno muris motu lecturum esse.
HOC MANET: A REDACTORIBUS NULLUS NUNTIUS NOVI ACCEDENDI MODI, NULLA EXPLICATIO PERVENIT, QUOD MIHI ET OMNIBUS SODALIBUS INSUAVISSIMUM FUIT (ET TEMPORE ET PECUNIA STETIT).

Gaudeo tamen me omnibus Latina lingua optare posse prosperum annum bismillesimum quartum post Christum natum!


RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 31.12.2003 - 12:55 | 12 | |
--------------------------------------------------------------------------------
Marcus Herimanno ceterisque sodalibus omnibus sal.
Ab omni tibi astipulor parte, optime mi Herimanne. Me quoque confiteor plane ignorare, qua de causa colloquiorum moderatores obmutuerint. Ecce autem epistolium, quod nuntiorum redactores ad Cristianum Iulium, amicum nostrum Argentinum, nuper scripserunt:
>>Redactores nuntiorum Latinorum Cristiano Iulio s.p.d.
Gratias pro electrogrammate tuo. Propter causas technicas paginae nostrae clausae fuerunt, sed nunc paginas in http://www.yleradio1.fi/nuntii invenire potes. Paginae 'Colloquia Latina' autem interim renovantur, nescio quamdiu.
Quam optime vale.
Laura Nissinen / Nuntii Latini<<
Haud scio, an diu considerandum sibi esse censeant, quo propugnaculo sive tutamento colloquia a piratis informaticis defendi possint.
Annum novum cum tibi, tum omnibus sodalibus precor bonum faustum felicem fortunatumque.
Pr. Kal.. Ian. a. s. mmiii. Morsae



RE: Area colloquialis interdicta
--------------------------------------------------------------------------------
Nuntium misit: Herimannus | 01.01.2004 - 01:52 | 13 | |
--------------------------------------------------------------------------------
Herimannus Marco, Regiomontano et nescio quot (tribus? quinque?) legentibus sal.

Ego etiam hodie a redactoribus epistolium habui simillimum illi, quod retulisti, Marce. Spero omnes difficultates iam solutas et nos omnes de solis thematibus nobis carissimis scripturos esse.
Sed me turbat paucitas gregis nostri: ubi est Iulia, ubi Tiberis, ubi Ericus, qui cum redactoribus ipsis loqui potest, ubi Panormesis doctus, praecipue ubi Pannoniae Latinus decus Mercurius?Redactores soli, multorum privatas inscriptiones electronicas habentes, fortasse possunt eis communicare, quomodo gregi nostro (gregis nostri?) participes etiam nunc esse possint.
In proxima epistola versiculos meos in colloquium "Nova carmina" mittam. Valete et felicem annum bismillesimum quartum vivite!


RE: Area colloquialis interdicta
--------------------------------------------------------------------------------
Nuntium misit: Gastón - latine incipiens | 02.01.2004 - 14:52 | 14 | |
--------------------------------------------------------------------------------
Gastón Herimanno ceterisque sal.

Nomina et inscriptiones electronicas fere C sodalium est mihi. Has inscriptiones ex his Colloquia Latina extraxi. Inter has inscriptiones invenire potes illas Erici et Tiberis. Non sunt tamen Iuliae et Mercurii inscriptiones, quia nunquam illas pervulgaverunt.

Erkki Palmen<erkki.palmen@kolumbus.fi>
Tiberis ®<wlettmayer@yahoo.de>

Vultisne me vobis omnia nomina mittere per cursorem electronicum?

Valete quam optime!


RE: Area colloquialis interdicta
--------------------------------------------------------------------------------
Nuntium misit: Regiomontanus ® | 02.01.2004 - 20:50 | 15 | |
--------------------------------------------------------------------------------
Herimanno aliisque duobus sodalibus, obstinatis huius arcis Latinitatis propuganatoribus, s.p.d. Regiomontanus.

Marco Favonio, ut verum dicam, care Herimanne, non mihi, gratias agere debes quod huc in colloquia regressus sis. Rogatu enim meo (v. nuntium ‘1281um’) mihi ille humanissimus sodalis praecepta ad regredendum miserat. Ego tantum tibi, ut scis, epistulam eius transcripsi. Sed quomodo se res habeat, magna ego laetitia reditu tuo afficior. Utinam alii sodales mox nobis congregentur.

Valete quam optime.



RE: Area colloquialis interdicta
--------------------------------------------------------------------------------
Nuntium misit: Herimannus | 03.01.2004 - 00:38 | 16 | |
--------------------------------------------------------------------------------
Herimannus parvulo gregi sal.

Forsitan fuisti (ut omnes) "Latine incipiens", Gastòn, sed mihi peritus artis electronicae videris, cum inscriptiones electronicas fere C sodalium e colloquiis extraxeris! Mihi autem oportunum non videtur simul invitorum inscriptiones divulgare.
Bene intellegeram, Regiomontane, te a Marco epistolam accepisse, sed tute privatim eam mihi tradidisti, quamobrem et nunc grates tibi ago.

Sed tempus est ad nostras res redire: ego aliquot versus in colloquio "Nova carmina Latina" transcripsi. Agitedum sodales!


RE: Area colloquialis interdicta
--------------------------------------------------------------------------------
Nuntium misit: Gastón - Latine incipiens | 03.01.2004 - 19:50 | 17 | |
--------------------------------------------------------------------------------
Salve Herimanne!

Vere, Herimmane, non tam peritus sum. Omnes hunc catalogum componere possumus. Iam inscriptiones divulgatae sunt hic, ego solum eas collexi.

Iis tamen uti ad epistulas inmundas mittendas vitare debemus, qua de causa, cum multis epistulam mittimus, iscriptiones electronicas in campo inscriptionum occultarum semper scribere debemus ne anima malefica catalogum usurpet.

Vale quam optime!


RE: Area colloquialis interdicta
--------------------------------------------------------------------------------
Nuntium misit: Anonymum | 12.01.2004 - 10:27 | 18 | |
--------------------------------------------------------------------------------
Mercurius Hungaricus omnibus sodalibus suis carissimis salutem!!!!


RE: Area colloquialis interdicta
--------------------------------------------------------------------------------
Nuntium misit: Anonymum | 12.01.2004 - 10:29 | 19 | |
--------------------------------------------------------------------------------
Mercurius Hungaricus omnibus sodalibus suis carissimis salutem!!!!


RE: Area colloquialis interdicta
--------------------------------------------------------------------------------
Nuntium misit: Mercurius Hungaricus ® | 12.01.2004 - 10:48 | 20 | |
--------------------------------------------------------------------------------
Ah sodales! Quibus anxietatibus ac timoribus excruciabar, ne vobis in aeternum valedicere cogerer! Sed ecce, societas nostra etsi plurimis malis ac impedimentis onerata sit, tamen non penitus deperdita dispersave est. Fluctuat, nec mergitur! Utrum et nunc per litteras colloquamini, an non, nescio: certum est in hoc foro nuncium ultimum d. III. Non. Ian. emissum esse. Nunc valete, non desino vos quaerere! Si quid novi noveritis, ad me scribite!!!



RE: Area colloquialis interdicta
--------------------------------------------------------------------------------
Nuntium misit: Mercurius Hungaricus ® | 12.01.2004 - 11:31 | 21 | |
--------------------------------------------------------------------------------
Huc ad me scribite, sodales:

Mercurius@gondola.hu

Valete!


RE: Area colloquialis interdicta
--------------------------------------------------------------------------------
Nuntium misit: Anonymum | 12.01.2004 - 12:33 | 22 | |
--------------------------------------------------------------------------------
Salvete!

Litteras meas, quas ad colloquium "1284" emisi, huc transcribere statui, quae, ut spero, dignae sunt, ut legantur. Ecce:

"Salvete sodales, si mehercle est aliquis, qui verba mea legere possit...

Rem equidem admirabilem animadverti, sodales. Marcus noster scripsit in colloquio "area colloquialis interdicta" nostra pristina colloquia et nunc legi posse, hoc titulo adhibito:

http://www.klak.com/zalk/nuntii/zalk01/1284.ph p#viesti

ubi numerus "1284" numerum colloquii significat (colloquia circa 1180 incipiunt). Hoc colloquium "1284" est nunc ultimum, si autem porro processeritis, ac numerum "1285" et ceteros aperueritis, ecce photographiam obscuram viri cuiusdam caput - sane ex industria - galea tecti videbitis, qui subridens valedicere videtur.. ac si cursorem in paginam admoveritis, inscriptio quaedam apparebit, quae ita se habet: "klakman says goodbye!" Haud scio an ab isto homine vanissimo forum nostrum corruptum sit... si quis plus noverit, huc scribat, et ad me quoque nuncium mittat: Mercurius@gondola.hu
Valete."

Quid de ea re existimatis, amici? Valete.
III. Non. Ian. a. MMIV ex Pann. Inf.


RE: Area colloquialis interdicta
--------------------------------------------------------------------------------
Nuntium misit: Mercurius Hungaricus ® | 12.01.2004 - 12:36 | 23 | |
--------------------------------------------------------------------------------
Equidem non Anonymus sum, sed sane Mercurius...


RE: Area colloquialis interdicta
--------------------------------------------------------------------------------
Nuntium misit: Gastón - Latine incipiens | 17.01.2004 - 20:55 | 24 | |
--------------------------------------------------------------------------------
Gastón Mercurio ceterisque sal.

Reditus Bonos Aeres feliciter video haec colloquia Latina paulatim reciperari. Nescio tamen cur vinculum in servo Nuntii Latini non restitutum sit. Forsitan novum impetum in servum timent.

Hominem qui in photographia salutet oppugnatorem esse non existimo. KlakMan dominus legitimus servi videtur esse in quo Colloquia Latina semper fuerint. Non hic servus sed ille Radiophonicae YLE1 corrutus erat.

Valete!


RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 18.01.2004 - 14:20 | 25 | |
--------------------------------------------------------------------------------
Marcus Gastóni, Herimanno ceterisque sodalibus pariter omnibus sal.
Quod ad imaginem illam photographicam attinet, aliquo me modo provocatum esse confiteor, sed nescio an errem. Rem nullius puto esse momenti. Animum igitur ad alias transferamus res, easque, quae dignae sunt, de quibus disputetur. Nonne etiam nova themata proponenda sunt, ut colloquia etiam nunc vigere appareat?
Nunc ad carmina condenda. Quamvis poeta non sim , tamen interdum leges metricas servantem epigrammata componere iuvat. Hoc mihi nihil aliud nisi ludum esse scito.
Valete quam optime.



RE: Area colloquialis interdicta
--------------------------------------------------------------------------------
Nuntium misit: Mercurius Hungaricus ® | 19.01.2004 - 12:32 | 26 | |
--------------------------------------------------------------------------------
Mercurius omnibus suis collegis, qui supersunt, s. d.

Equidem et ipse libenter fateor me erravisse, cum illa photographia corruptorem nostrorum colloquiorum ostendi putarem. Interim enim litteras ab Erico Palmenio, viro praestantissimo accepimus, in quibus ille nos edocuit colloquia non nescioquo maleficio, sed reparandi renovandique causa interrupta esse. Tamen intellegere non possum, cur ille "KlakMan" in photographia vultus suum galea tegere contendat? Ac cur illa photographia adeo obscura, ut ille agnosci haudquaquam possit? Sed iam haec scribere desino: si enim vere ille KlakMan dominus legitimus servi est, non equidem suspicionibus eum impetere, immo gratias ei agere par est. Sententiam Marci de novis thematibus proponendis equidem approbo: sed etiam priora continuari posse censeo, ita tamen, ut, si quis alicui colloquio nuntium suum addiderit, numerum colloquii illius hic, puta in hoc colloquio - nunc celeberrimo - describat, ne verba illius ignorantia aliorum oblivionis damnentur. Valete. Aquinci, d. 14. Kal. Febr.


RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 19.01.2004 - 21:35 | 27 | |
--------------------------------------------------------------------------------
Marcus Mercurio suo sal.
Quamvis historiam non profitear, eruditissime mi amice, tamen rerum Hungaricarum elementa penitus cognoscere magni censeo mihi esse momenti. Discipuli enim nostri, priusquam iter in Hungariam faciant, ita instruendi sunt, ut, si non omnes res Hungaricas, at saltem summas animo complecti possint. Equidem tribus praecipue nitor libris his:
-Lázár István: Kis magyar t

RE: Area colloquialis interdicta
--------------------------------------------------------------------------------
Nuntium misit: Herimannus | 29.01.2004 - 02:07 | 52 | |
--------------------------------------------------------------------------------
Herimannus sodalibus sal.

Gratias ago Regiomontano, quod iucundam narrationem nobis reddidit de illo Alexandro von Humboldt, cuius nomen ante paucos dies ignorabam.
Eundem etiam didici res naturales plurimas invenisse, exempli gratia Oceani cursus, motus tempestatum, magneticam vim ad terrae axes versus auctam; creavit lineas "isothermas", quibus et hodie meteorologi (caeli studiosi) utuntur, id est imaginem locorum omnium ubi fit eadem temperaturae mensura; regiones Asiae septemtrionalis percurrit.
Favit libertati Americae meridionalis populorum et eorum servituti repugnavit.
Honor ergo tribuatur illustri Germano!
Valete quam optime!



RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 30.01.2004 - 00:00 | 53 | |
--------------------------------------------------------------------------------
Marcus Gastóni, Herimanno, Regiomontano ceterisque sodalibus pariter omnibus sal.
Alexandrum de Humboldt honore a vobis affectum esse gaudeo. Delectatus quoque sum illa narratio a Regiomontano nobis tradita, ex qua Alexandrum de Humboldt Americae meridianae rebus semper favisse apparet.
Quod vero ad eius doctrinam attinet, in mentem mihi revocata sunt a Cristiano Iulio, amico nostro Argentino, clarissima quaedam verba, quae scripta sunt in praefatione libri, qui inscribitur „Cosmos sive adumbratio descriptionis mundi physicae“. Quorum summa est haec: in varietate rerum, quae sensibus subiectae sint, cognosci oportere unitatem, id est rerum naturae animum, qui in illis lateat rebus; qua de causa dici posse omnes res in mundo inter se cohaerere sive conectas esse. Quid igitur? Si agros, silvas, maria immodeste exinaniverimus, tota haec rerum natura dissolvetur hominumque vitae fundamenta penitus diruentur. Itaque nescio an Alexander de Humboldt oecologiae quasi praecursor appellari possit.
Sed iam finis epistulae imponendus est, „iam clausulam epistula poscit“ (Sen. ep. 11, ; „ut ... cum aliquo munusculo epistulam mittam“ (ibd. 10, 5), verum esse mihi videtur illud Tertulliani: „Omnis natura aut defraudatione aut enormitate rescinditur, proprietate mensurae conservatur“ (de an. 43). Nonne Senecae illa consuetudo nobis est adsciscenda? Nonne epistula munusculo aliquo inclusa voluptati nobis esse potest? Quid vobis videtur?
Valete quam optime. Data iv Kal. Feb. Ex Rhenania inferiore.



RE: Area colloquialis interdicta
--------------------------------------------------------------------------------
Nuntium misit: Herimannus | 31.01.2004 - 11:11 | 54 | |
--------------------------------------------------------------------------------
Herimannus colloquentibus sal.

Sine dubio bellum esset, Marce Favoni, omnem epistulam munusculo concludere; valde tamen dubito me noctis in tenebris lepidas sententias invenire vel menti revocare posse. Nam die in rebus a Latinis litteris longe alienis versor nec scriptis antiquorum me dedere possum, nisi aestivis feriis.
Hoc ex te Germano studioso, mutans sermonis rem, exquirere cupio. ante paucos dies in catholico quodam Mediolani bibliopolio perpaucos libros inveni Bibliotheca Teubneriana editos, pretio septuaginta, octoginta, centum euronum; eosdem libros emi adulescens, ante circiter triginta annos, pretio duorum vel trium milium Italicarum lirarum (hodie hoc esset unus vel sesquialter euro). Cum denarii pretium non tantumdem illo temporis intervallo apud nos creverit, sed, puto, vicies vel tricies, hoc mihi dubium subvenit: num libri illi (ut eos certe recognoscas, ceruleos si Latine, luteos si Graece scriptos, sed Ilias et Odyssea cum Germanicis commentariis fusci) rari facti sunt? Num ad bibliophilum magis quam lectorem attinent?
A Regiomontano sodali hoc peto, si alias narrationes de Alexandro illo von Humboldt cognoverit, ut nobis communicet: maximae voluptati hoc mihi erit.


RE: Area colloquialis interdicta
--------------------------------------------------------------------------------
Nuntium misit: Marcus Favonius ® | 31.01.2004 - 14:10 | 55 | |
--------------------------------------------------------------------------------
Marcus Herimanno s.d.p.
Ut optime cognoscas, quanto his temporibus veteres constent illi libri, qui ex Bibliotheca sunt Teubneriana, his duobus utere inscriptionibus interretialibus:
(1) http://www.zvab.com (id est: „Zentrales Verzeichnis antiquarischer Bücher“ = Index centralis librorum veterum):
In pagina patefacta hanc scriptam leges sententiam Germanicam: „Geben Sie bitte die Suchw

RE: Area colloquialis interdicta
--------------------------------------------------------------------------------
Nuntium misit: Herimannus | 18.02.2004 - 19:32 | 92 | |
--------------------------------------------------------------------------------
Herimannus Regiomontano sal.

Gratias ,maximas tibi ago, amice, propter vivas et doctas narrationes tuas de Alexandro illo von Humboldt. Scientia, philosophia et historia semper in Colloquiis nostris abundant! Vale et valete!


RE: Area colloquialis interdicta
--------------------------------------------------------------------------------
Nuntium misit: Gastón - Latine incipiens | 18.02.2004 - 20:19 | 93 | |
--------------------------------------------------------------------------------
Gastón sodalibus de mate loquentibus sal.

Si de potione mate loquimini, ego Argentinus quoque paullulum dicere debeo. Nomen “yerba mateâ€

Marcus Favonius moderatoribus sodalibusque salutem.
His ipsis Idibus Martiis colloquia Latina mirum in modum redintegrata esse gaudemus. Maximas gratias agamus moderatoribus, quod diem istum atrum eximia sua sollertia in diem festum atque faustum converterunt. Neque enim dubito, quin colloquia nova – dis bene iuvantibus - eventum prosperum habitura sint. Valete.

Bombax! Video moderatores vetera nuntia transcripsisse. Id laudandum est, quia non sine multo labore factum est.

Scripseram "laboro" pro "labore" sed iam correxi

Herimannus Linguae Latinae cultoribus omnibus salutem plurimam dicit.

Maximo cum gaudio renovata Colloquia Latina Idibus Martiis rursus invenimus! Laus sit Finnicis redactoribus qui hoc non sine labore (ipsorum necnon nostri) hoc spatium nobis omnibus reddiderunt! Laus suprema Erico sodali, qui nobis studiose adfuit sicut Venus Aeneae, cum solus divos alloqui posset! Diu vivant et crescant Colloquia Latina!

Novocomi, a. d. XVII Kalendas Apriles.