YLE Colloquia Latina

Marcus Luciae Aurelicae denuo s.p.d.

Epistula tua suavi gravique et delectatus et inflammatus in regionem earum rerum descendo, quae ad vitam cotidianam pertinent:

Rem, de qua in aenigmate agitur, autocinetum esse suspicor.

FLVMEN CANDIDVM continens agmen videtur esse autocinetorum, quae noctu cum obviam nobis veniant, candido lucernarum lumine oculos complent.

FLVMEN RVBRVM continens agmen est eorum, quae eodem tempore rubro lumine postico oculos eorum, qui sequuntur, in se convertunt.

Qua re cognita cetera aenigmatis verba facilia intellectu esse puto.

Explanationem a me propositam aliqua ex parte veram esse scribis: „SI CONCVRRENT, MAGNVS ERIT DOLOR FLETVSQVE: Simulac mors in locum vitae subiit, continuo magnus fit dolor fletusque.“ Ita est; persaepe enim homines autocinetis inter se collisis vitam cum morte commutant.

Ex animo te salvere iubeo.

Lucia Aurelica Marco Favonio s.d.p.
Nunc recte aenigma meum solvisti, de qua re tibi maxime gratulor
Cura ut valeas!

M. Favonius sodalibus s.

Hodie incidi in schedulam, in qua haec inscripta erant verba:

IN HAC BREVE SENTENTIA TRIA MENDA REPERVNTVR

Quae menda?

Valete.

Bernardus Flos M. Favonio s.d.

"Breve" mutandum est in "brevi", et
"reperuntur" sit "reperiuntur".
Tritum mendum hoc esse puto, quod in illa sententia tantum duo menda reperiuntur, at non tria... Quod revera est "contradictio in terminis"...

M. Favonius Bernardo Flori sodali logicorum peritissimo sal.
Gratulor tibi de aegnimate tam celeriter soluto .

Bernardus Flos omnibus in foro s.d.

Agedum et ego aenigma vobis praebeam, aenigma antiquissimum quod saepe reperitur in codicibus graecis. Christophorum Mytilenaeum, poetam qui floruit undecimo saeculo, auctorem esse docti existimant.

Porticus sum sine ligno vel lapide,
sine alia materia terrestri.
Diffugio nullo me abrumpente,
orior nullo me erigente.

Optime valete!

Lucia Aurelica Bernardo Flori s.d.

Duae sunt mihi suspiciones solutionis aenigmatis tui: estne res de qua agitur nebula vel fumus?

Vale.

Bernardus Flos Luciae Aurelicae s.d.

Appropinquas rectam solutionem. Sed nec fumus nec nebula porticus est...

Vale.

Salve, Bernarde Flos!
Nonne illa porticus est caelum noctu stellis distinctum et ornatum?

Soter Bernardo Flori s.p.d.

Porticus illa, Amice, mihi videtur esse caelum percursum a sole, cuius radii sicut columnae sunt.

Vale

Soter

A. d. VII Kal. Dec. - Neapoli

Responsa vestra ingeniosa sunt, sed nec caelum nocturne nec solem quaero. At solutio similissima est. Pro certe habeo vos solutionem inventuros esse.

Optime valete!

Mercurius Bernardo s. d.

Fortasse de arcu caelesti in illo aenigmate agitur...? Vale. Ex castro Budensi, d. VI. Kal. Dec.

soter bernardo flori s.d.

Extremum conatum meum !!!

Te adiuvante: nonne porticus illa habenda est "arcus caelestis" id est "IRIS" ?

Rursus omnia quam felicissima tibi exopto !!

Soter

Eodem die - Ibidem

Ego scripsi prius!

soter optimis Bernardo et Mercurio Hungarico s.p.d.

Solum nunc, Amici, nuntio meo iam misso, animadverto Amicissimum Mercurium Hungaricum idem responsum scripsisse PRIUS (ante unam horam ) !!

Clarissimo ac carissimo Mercurio victoriae gloriam, quae fieri poterit, iustissimo iure cedo !!

Humillime errati veniam impetro !!

Valetote, Amici doctissimi !!!

Soter



Eodem die - Ibidem