YLE Colloquia Latina

Iulia Marco Herimanno ceterisque sodalibus sal.

Illud "Andra moi ennepe" nuper ipsa legi.
Ubi sunt litterae Graecae? Quomodo eas invenire possum in nostro foro?
Et quid sciunt docti de modo antiquorum linguae Graecae pronuntiandae? Si enim pro syllaba Graeca "ei" Romani nunc "e" nunc "i" solebant scribere, id non sine causa fieri mihi persuasum est. Et non Graei haberent dua E et dua O, si non variis modis pronuntiarentur. Ceterum quid de litteris aspiratis ph, th, ch?

Herimanne, non omnia, quae scripsisti, intellexi. Scripsisti: "tantum κ "kappa" et γ "gamma" semper gutturali sono leguntur, quod alienum est a lingua Italica." Quid soni gutturalis? Habent Italici litteras c et g, quae ante a, o, u et consonantia asperae pronuntiantur.
Et quid dicis illo "iuxta originem (διώξω differt a πράξω)"? diokso" et "pragso" an "diogso" et "prakso"?


Valete!
Gottingae, a. d. VII. Id. Mart.

Marcus Iuliae s.d.p.
Quaecumque ad vocabula Graeca rite enuntianda attinet, ea hoc loco explicari non possunt. Longum enim est in epistula omnia enumerare. Sed operae pretium videtur esse illud legere summarium, quod continetur pp. 30-47 cuiusdam libri, quem composuit Iohannes Poeschel. Cui titulus est „Die griechische Sprache, Geschichte und Einführung“ [id est „Lingua Graeca, historia et introductio“]. Editus est Monachi a. MCML / MCMLXXV, ISBN 3-423-04174-9. Poeschel facultatem nobis esse negat Graece loquendi prisco more (p. 42).
Vale. VII Id. Mart.

Iacobus Omnibus s.d.

Librum de Graecorum linguae grammaticis habeo, quo in scripto (a me in Latinem iterpretato):

Byzantio a Turkibus expugnato, multi philologi in Europiam fugerunt. Quibuscum novus dicendae Graecae linguae modus pervenit. Hic similis eorum locutioni fuit (qui Graeca lingua erat recens). Quamquam post quoddam temporem multi philologi (Antonius de Lebrixa, Aldus Manutius, Erasmus et plus) de recte Graeci sermonis pronuntione scripserunt, tamen in verbis a Roger Ascham philologo antiquo scriptis - "Nunc, omnes Graecae linguae soni sunt unus, redacti in condicionem exilem gracilemque, ac sub imperio litterae singulae ( ι - iota); sicut omnes quasi canor passerum debilis aut sibilus serpentis subodiosus".

Valete!