de pace omnibus

Colloquia de aliis thematis

Moderators: Moderator, Redactio Interretialis

de pace omnibus

Emitteby Area Latina on Mart 02 Mart, 2004 16.05

de pace omnibus
--------------------------------------------------------------------------------
Nuntium misit: John Cook | 24.10.2003 - 13:50 | |
--------------------------------------------------------------------------------
Saluete, lectores

colloquamur de pace, atque quo modo optime pacem facere
possimus.


RE: de pace omnibus
--------------------------------------------------------------------------------
Nuntium misit: Marcus Favonius ® | 24.10.2003 - 23:39 | 1 | |
--------------------------------------------------------------------------------
M. Favonius cum omnibus pacificis, tum praecipue Iohanni Cook (= Coquo?) sal.

Quid de bona ac iusta pace componenda censeam, tribus complectar thesibus. Vestrum scilicet erit iudicare, utrum vera proposuerim necne.

Ecce thesis I: Inter homines pax non erit prius, quam facta erit pax inter religiones: verba Iohannis Küng, clarissimi illius theologi Helvetici. (Exitiosam vim atque potentiam ideologiarum quae dicuntur saecularium, quamvis eae velut Marxismus et capitalismus religionibus similes esse videantur, in hac epistula neglegi oportet.)
Quid ita? Errant Iudaei, cum verum dei verbum per Moysen - ceteris videlicet exclusis - sibi solis revelatum esse contendunt; errant Christiani, cum se solos - ceteris videlicet exemptis - dei voluntatem, id est verbum dei, per Iesum Christum nosse confirmant; errant muslimi, cum verbum dei, id est veram religionem per Mahometum prophetam sibi solis traditam esse - ceteris videlicet exceptis - adseverant. (Reliquas religiones hoc loco neglegi oportet.) Itaque sua quisque stat doctrina, ut quae sola sit vera. Ex quo dogmatismo fatali cum bella atrocia orta sunt, oriuntur orienturque, tum praecipue pestifer ille terrorismus. Ut exempla adferam: Iudaei sive Israelitae qui dicuntur orthodoxi quandam medii orientis regionem a deo olim sibi promissam esse tantopere pro certo habent, ut ius sibi esse nunc etiam putent homines ex agris suis movendi. Et muslimi fanatici verbum quod dicitur dei omnibus viribus atque opibus per orbem terrarum esse divulgandum censent. Neque Christianorum expeditiones quae vocantur sacras silendas esse arbitror.
Quid autem verbum illud dei – pro sancta ratio! - sibi vult? Nihil aliud esse credo nisi symbolum, quo religionum auctores eo consilio usi sunt, ut maximam sibi homines fidem haberent. Esse deum omnino nego, qui verbum suum hominibus quasi dictaverit. Quaecumque enim libris sacris continentur, ea ab hominibus quibusdam temporibus quibusdamque vitae condicionibus scripta esse puto. Quot et quanta prodigia, scelera bellaque nobis narrantur (cf. Jos 6, 21: Hiericho expugnata Iosue duce Israelitae „interfecerunt omnia, quae erant in ea, a viro usque ad mulierem, ab infante ad senem, boves quoque et oves et asinos in ore gladii percusserunt“): verba potius sunt hominis sane crudelis quam dei! Quaecumque autem bona vera pulchra in sacris scriptis inveniuntur, ea quoque ab hominibus, eisque usu atque exercitatione praeditis, composita esse pro comperto habeo.

Transeamus ad thesin II: Inter homines igitur pax non erit prius, quam adepta erit animorum principatum illa hominibus inter se communis ratio.
Quam cum secuti erimus, idque scepticorum more, perniciosis opinionibus et dogmatismo liberabimur. Legite modo, quid Thomas Paine iis de rebus scripserit in clarissimo illo libello, quod inscribitur „Rationis aetas“ (Britannice „The Age of Reason“).

Proponatur denique thesis III: Inter omnes omnium temporum libros, qui de pace conformanda sunt, ille eminet libellus, quem Immanuel Kant, clarissimus ille philosophus, „de pace perpetua“ scripserit a. 1795 (Germanice „Zum ewigen Frieden“):
Pacem inter homines non esse statum qui dicitur naturalem; quem statum enim „bellum esse omnium contra omnes“ (cf. Th. Hobbes); pacem igitur faciendam, fundandam firmandamque esse, idque ratione, iure legibusque. Ac primum quidem rem publicam liberam esse debere, vim executivam a vi legislativa separandam esse civesque aequo inter se iure vivant oportere &c. Deinde inter nationes foedus quod dicitur pacificum pangendum esse, ut belli gerendi facultas in omne tempus, hoc est in „perpetuum“, perimatur. Tum mundanum quasi ius civile esse condendum, id autem nihil aliud esse nisi ius remotiores quoque gentes placido animo visitandi. Tribus iis iuris orbibus sive circulis, qui gradatim se dilatent, fieri posse, ut homines paulatim propius ad pacem accedant. Quanti in ea re momenti sit Kantianus ille imperativus categoricus, in aperto esse puto. Quid vobis, amici, videtur?
Sed iam timeo, ne verbosa hac epistula suffocemini. Date mihi veniam; re enim tam gravi animum meum vehementer excitatum esse fateor. Valete quam optime.




RE: de pace omnibus
--------------------------------------------------------------------------------
Nuntium misit: Marcus Favonius ® | 25.10.2003 - 14:56 | 2 | |
--------------------------------------------------------------------------------
Pax vobiscum!

Ecce res raritate notabilis: index, in quo multa desunt. Quis vestrum auxilio succurret?

PAX VOX LATINA /
amahoro ? /
amani ? /
asamdwoe ? /
bariş vox Turcica /
b
Area Latina
 
Nuntii: 106
Nomen dedit: Lun 01 Mart, 2004 20.14

Return to Alia themata

Qui adsunt

Users browsing this forum: No registered users and 1 guest

cron