--------------------------------------------------------------------------------
Nuntium misit: Fideidives | 10.11.2003 - 17:27 | |
--------------------------------------------------------------------------------
Cur lingua latina utimur? In quale modo incolae Septentrionis Europae linguam latinam nosciunt?
RE: Cur lingua latina utimur?
--------------------------------------------------------------------------------
Nuntium misit: AM | 14.11.2003 - 23:22 | 1 | |
--------------------------------------------------------------------------------
Discipulus de mihi quaere sentencias a Cato.
RE: Cur lingua latina utimur?
--------------------------------------------------------------------------------
Nuntium misit: Alberto | 15.11.2003 - 17:35 | 2 | |
--------------------------------------------------------------------------------
AM: minime intellegi quod in responso tuo dicere voluisti. A te quaeso responsum in alia lingua (anglica vel gallica) mitte ut etiam alios intelligant.
Utrum lingua hispanica loqueris?
Vale
RE: Cur lingua latina utimur?
--------------------------------------------------------------------------------
Nuntium misit: Marcus Favonius ® | 15.11.2003 - 19:43 | 3 | |
--------------------------------------------------------------------------------
Latine loquamur, amici! Ecce regula nostra: „Ut iam e titulo huius areae COLLOQUIA LATINA apparet, colloquia in ea nonnisi Latine fiunt. Si quis quid alia lingua dictum aut scriptum Latine attingere vult, id nimirum, si res poscit, lingua originali scribere licet.“
Quamvis et aliae sint multae linguae amplissimae eaedemque longe lateque diffusae – quarum in numero praecipue referatur lingua Hispanica -, tamen hoc loco sermo fiat Latinus.
RE: Cur lingua latina utimur?
--------------------------------------------------------------------------------
Nuntium misit: Fideidives | 20.11.2003 - 14:10 | 4 | |
--------------------------------------------------------------------------------
Puto latinam linguam dictam est a gentium moltitudine in Romano Imperio. Tempore nostro, cur utimur hac lingua? Puto gentem Europae Septentrionis lingua latina frui in memoria temporum perfectorum, quando Imperium Romanum erat. Fallo?
In quo modo latina lingua noscitis?
POST SCRIPTUM: Est aliqua nova pellicula in lingua latina? Dixerunt de aliqua pellicula italica, cum Monica Bellucci. Aliquis eam vidit? De quo ea est?
Vale!
RE: Cur lingua latina utimur?
--------------------------------------------------------------------------------
Nuntium misit: - | 20.11.2003 - 14:10 | 5 | |
--------------------------------------------------------------------------------
Nuntius videlicet per errorem duplicatus deletus est.
Redactio Interretialis
RE: Cur lingua latina utimur?
--------------------------------------------------------------------------------
Nuntium misit: Fideidives | 22.11.2003 - 15:57 | 6 | |
--------------------------------------------------------------------------------
Non scio quod AM dicere voluit! Forsitan AM dixit quod eius loqui a Catone est (Eius verba Catonis verba sunt).
AM, rescribe tuo responso.
Gratias!
RE: Cur lingua latina utimur?
--------------------------------------------------------------------------------
Nuntium misit: Herbertus ® | 23.11.2003 - 15:44 | 7 | |
--------------------------------------------------------------------------------
Herbertus omnibus sodalibus, sed praecipue iis, qui anonymis vel pseudonymis utantur s.d.p.
Iam diu, sodales carissimi, quaero, et verendumst ne mihi quarere satis habendum sit, quae sibi velint isti, qui dicuntur, pseudonymi - et
praetermittamus anonymos, quippe timentes vel errantes;) - pseudonymos dico sicut "Mercurium", "Simplicium", "Favonium". Quid si pranso laudare mihi libet quempiam aut reprehendere ieiuno? Tum hominem mihi omnino ignotum alloquer oporteat. His autem lectis Mercurius alatis pedibus hinc statim avolabit, Simplicius sui nomen consequens, non aliam viam ad securitatem inveniet quam per simulationem simplicitatis, Favonius denique tacebit, quippe qui verno tempore tantum afflat. Heus! sodales, nonne praedixi me id frustra rogaturum? Tamen optime valete.
RE: Cur lingua latina utimur?
--------------------------------------------------------------------------------
Nuntium misit: Madrina | 23.11.2003 - 16:50 | 8 | |
--------------------------------------------------------------------------------
Puto lingua latina uti, quia est prima causa plurium linguarum novarum. E. g. linguae hispanicae, italicae, francesae, retoromanicae... atque etiam germanicae et britannica!! Nolite oblivisci tantos verbos alienos, quos cottidiane germani et britannicum-collocuti utimur!
Qui potest comprehendere linguam suam sine sermone Latino?! Quomodo est comprehensibilis lingua propria pro nobis?
PS Quid significat "s. d. p."? Ego solum cognosco "suam salutem".
RE: Cur lingua latina utimur?
--------------------------------------------------------------------------------
Nuntium misit: Iulia | 23.11.2003 - 17:35 | 9 | |
--------------------------------------------------------------------------------
Iulia cum omnibus sodalibus tum Herberto s.p.d. (salutem plurimam dicit)
Herberte care, revoca Romanos, qui saepe habuerunt cognomen quod non erat verbo comprehendum. E.g. nescio utrum Appius Claudius ille caecus fuit an non, sed memini illos duos Decios, qui fortissime pro patria morti sunt: quorum amborum cognomen erat "Mus". Sane non muribus similiter pugnaverunt. Ovidius noster habuerit nasum inmensum; denique si Publius Cornelius noster profecto fuerit tam tacitus neque Annales neque Historias neque alia cetera eius scripta legere possemus...
Nescio igitur quare non nos quoque pseudonymis utemur. Et fortasse ne sunt quidem pseudonyma, sed conversiones nominum eorum, qui illis utantur. Ego quoque longe meditata sum, sub quo nomine hic scribam.
Possumne ergo legere ex nuntio tuo Herbertum nomen proprium tuum esse?
Bene valete. a.d. IX Cal. Dec. Ex Saxonia Inferiore.
RE: Cur lingua latina utimur?
--------------------------------------------------------------------------------
Nuntium misit: Marcus Favonius ® | 23.11.2003 - 17:37 | 10 | |
--------------------------------------------------------------------------------
Marcus Herberto s.p.d.
Neque silebo, mi amice, neque „verno tempore tantum flare“ soleo
). Fas est quaerere, cur nomen mihi sit Marco Favonio. Ad quod libenter respondebo. Ac primum quidem nomen meum Germanicum (v. inscriptionem meam interretialem), ut quod sane barbare sonare videatur, apte reddi Latine posse nego. Deinde nomen mihi tribui Marco, quod in honore apud me sunt imprimis M. Porcius Cato et M. Tullius Cicero. Tum, quod ad „Favonium“ attinet, nomen illud gentile traxi a M. quodam Favonio, qui Catonis partibus favisse dicitur. Postremo fieri non potest, quin delectari me favonio, vento illo verno, confitear, qui tristia tempora hiberna deflans animi maestitiam discutit quique Venerem nascentem exque concha exsurgentem flatu suo blando permulcens ab Alexandro Botticelli elegantissima manu depictus est. Quibus verbis contentum te fore spero 
. Vale quam optime. IX Kal. Dec. Ex Rhenania Septemtrionali.
RE: Cur lingua latina utimur?
--------------------------------------------------------------------------------
Nuntium misit: Erkki Palmen | 23.11.2003 - 18:54 | 11 | |
--------------------------------------------------------------------------------
Ericus Palmén Madrinae s.d.p. ( = salutem dicit plurimam).
Bene mihi videris intellegere, cur hodie quoque lingua Latina dignissima sit, qua utamur. Ea profecto in compluribus hodiernis linguis Europaeis velut inclusa versatur. Hoc ante omnia valet in linguis Romanicis – Francogallica, Italica, Hispanica, Portugallica etc; eae enim filiae sunt Latinitatis, id est ex ipsa Latinitate vulgari ortae et duobus milibus annorum paullatim evolutae. Linguae Germanicae item consobrinae Latinitatis iudicari possunt: non quidem heredes sunt Latinitatis, sed ab eadem lingua Protoindoeuropaea, ac Latinitas filiaeque eius, originem trahunt. Ex his consobrinis lingua Anglica, ut ita dicam, familiae Latinae nuclearis creberrima consuetudine usa est; tantum enim vocabulorum Latinorum saeculis labentibus ante omnia per linguam Francogallicam acquisivit, ut textum Anglicum praesertim scientificum legenti similitudinem quandam linguarum Romanicarum praebeat. Medio aevo Latinitas, quamvis nullius iam esset sermo patrius, ubique fere in Europa pro prima lingua peregrina discebatur. Ita prope parem condicionem habebat, ac lingua Anglica hodie toto orbe terrarum habet. Tum enim Latinitas non modo in omnibus disputationibus academicis et ecclesiasticis, sed etiam in varii generis rebus internationalibus et diplomaticis communicandis usurpabatur. Nullum est dubium, quin, quo magis et efficacius Europaei hodierni Latinitate erudiantur, eo meliorem habituri sint facultatem etiam alias linguas peregrinas discendi. Vale!
RE: Cur lingua latina utimur?
--------------------------------------------------------------------------------
Nuntium misit: Herbertus ® | 23.11.2003 - 20:59 | 12 | |
--------------------------------------------------------------------------------
Herbertus Favonio semper comiter afflanti, Iuliae, filiae Iulii Caesaris? filiae Augusti? matri Neronis? ceterisque hunc gregem visitantibus s.p.d.
Gratanter animadverti, optimi amici, medio mense Novembris, tamen
in his regionibus aquiloniis nonnumquam ventum se circumagere atque
aura spem veris mature appropinquantis nobis afflari. Profecto, Marce, opportune mihi cogitationem de pictura Botticelli praelcara iniecisti: Ad hunc modum cur hoc ipsum cognomen Favonii ex multis elegisses, semel confirmasti. Iulia, gratias tibi ago pro cognominum explicatione: ea, quamvis aliquatenus supervacua, nempe mihi iam nota, tamen iucunda necnon bene relata. Fortasse tua interest scire Illum Appium Claudium re vera caecum fuisse. Liceat mihi exemplum afferre: Pyrrhus, Epirotarum rex, cum in Italiam venisset ut auxilium Tarentinis ferret, legatum ad senatum misit, qui peteret ut componendae pacis causa rex in Urbem reciperetur. quod Appio Claudio haud placuit, in curiam venit et ita locutus esse fertur: "saepe me caecum esse dolebam; nunc autem gaudeo atque paene dixi: utinam aures meae quoque surdae essent, ut impedirentur quominus tam turpia et nomine romano indigna audirent."
Nomen mihi Herberti quidem haud dicitur e.g. ab illo Herberto von Karajan, tamen avia mea, quae e Germania oriunda fuerat, mihi hoc nomen imposuit. Si mihi non credas, licet Pinacothecam Gregis Latine Loquentium visitare, ubi photographema mei in numerum sodalium ascitumst. Sed tu Iulia, quo pacto cognomine uti tibi libet, an nomen proprium non placeat? Optime valete.
RE: Cur lingua latina utimur?
--------------------------------------------------------------------------------
Nuntium misit: Herimannus | 25.11.2003 - 01:28 | 13 | |
--------------------------------------------------------------------------------
Herimannus Herberto omnibusque pseudonymorum cultoribus sal.
Ego etiam me interrogavi, cum primum his doctis colloquiis interesse statui, quo pseudonymo uterer. Nomen meum elegi, quod ab Italica matre mea propter affinitatem quandam in Germanos mihi attributum est. Pro certo tunc habebam Germanicum "Hermann" in "Herimannum" - nomen cuiusdam Germanici sancti Mediae Aetatis - convertendum, sed in his colloquiis legi "Hermannum" Hesse.
Scitne quisquam rectum modum?
RE: Cur lingua latina utimur?
--------------------------------------------------------------------------------
Nuntium misit: Iulia | 26.11.2003 - 21:06 | 14 | |
--------------------------------------------------------------------------------
Iulia omnibus, sed praecipueHerberto s. d.
Spero ignoscas mihi. Plerumque aut alii mihi explicant res aut ego aliis, sed rarum cum sodalibus disputo ut hoc in foro, ubi quislibet par est aliis...
Quid ad nomen meum pertinet, legi nuper de Gnaeo quodam Iulio, qui anno 322 a.u.c. consul Apollinis cultum Romam introduxit. Cum is mihi carissimus deus, introductoris nomen mihi videbatur conservandum hoc in foro
Potius nomen mihi optavi lecto de Agrippina minore libro, qua de causa factus est, ut, cum nomen aliquod voluerim vere Romanum, in mentem mihi venerint nisi nomina Agrippinae, Livillae, Drusillae, Messalinae etc. Sub quibus nolui scribere. Cloeliae nominis displicuit sonitus. Ergo me ipsam rogavi cur uti voluerim pseudomyno at non nomine proprio meo scripto more Romano, praesertim cum gens Iulia fuerit praeclara ac nobilissima. Nescio igitur an sim Iulia filia Caesaris vel Augusti vel consulis illius, si ei fuit filia.
Herbertus Karajanus certe fuit egregius vir et dignus, ut nomen tuum deducas ab illo. Fortasse mihi optaverim nomen Amadeae?!
a. d. VI. Kal. Dec. Ex Saxonia Inferiore.
RE: Cur lingua latina utimur?
--------------------------------------------------------------------------------
Nuntium misit: Marcus Favonius ® | 26.11.2003 - 22:56 | 15 | |
--------------------------------------------------------------------------------
Marcus Herimanno ceterisque sodalibus sal.
Paucissima, mi amice, de „Herimanno sive Hermanno“:
I Hermann = Heer (exercitus) + Mann (vir) = miles, bellator, vir in bello magnus.
II Notus est vir sanctus, cui nomen est Hermanno Josepho. Natus est Coloniae Agrippinae anno circiter 1150, ordini Praemonstratensium adscriptus, cum esset puer duodecim (!) annorum, mortuus a. 1241 (1252 ?) VII Id. Apr. in monasterio Germanico non procul a Colonia sito. Scripsit libros mysticos, condidit carmina in Mariae cordisque Jesu honorem („Summi Regis Cor“). Patronus dicitur esse matrum liberorumque et artificum horologiorum
(cf. Lexicon Christianae Icongraphiae, ed. Romae &c. in aedibus Herder a. 1974/94, vol. 6, 504sqq.).
III. Erat alia causa, cur nomen gratiosum esset apud Germanos: Aequabant enim (per errorem!) „Hermannum“ illi „Arminio“ Cherusco, qui bello Variano tres legiones Romanas in saltu oppressit Teutoburgiensi.
IV Novisse te Goetheanum illum de Hermanno et Dorothea epos pro certo habeo.
V Quaerendum est, quomodo „Hermann“ Latine reddi possit. Equidem ab „Ermanno“ (cf. Ermanno Wolf-Ferrari) profectus „Hermannum“ illi „Herimanno“ praeferendum esse censeo. Sed tuum est decernere...!
Valere vos iubeo omnes.
VI Kal. Dec. Ex Germania inferiore.
RE: Cur lingua latina utimur?
--------------------------------------------------------------------------------
Nuntium misit: Marcus Favonius ® | 26.11.2003 - 23:09 | 16 | |
--------------------------------------------------------------------------------
Duo menda exsecranda: IconOgraphiae, illuD...epos.
RE: Cur lingua latina utimur?
--------------------------------------------------------------------------------
Nuntium misit: Herbertus ® | 27.11.2003 - 01:17 | 17 | |
--------------------------------------------------------------------------------
Herbertus Iuliae, Herimanno, Favonio ceterisque hunc Gregem visitantibus s.d.
Gratanter legi, Iulia, tuam causarum rerum explanationem.
Pseudonymi, mea opinione sunt caute eligendi. Quid enim? Partim indoli nostrae congruant oportet, partim autem id studemus ut eandem celemus et servemus. Quasi sub pseudonymi tutela igitur scribere nobis liceat, quae sub nomine proprio haud vel saltem aptiore forma scriberemus. Alioqui supervacanei, ne dicam inepti mihi videntur pseudonymi; qua de ipsa causa equidem eodem non utimur, quippe cum mihi semper constare velim, etiamsi nonnullis verba displiceant. Si quis e.g. sibi nomen Simplicii imponit et me in nuntio XCVI neque in XCIV eum allocutum esse contendit, inter omnes constat hominem cognomen suum apte elegisse. Utrum nomen Iuliae tuae indoli respondeat necne equidem nescio. Certe nomen iucundum et conveniens puellae Latinitatis studiosae.
Quod ad te , Optime Herimanne, ad te scribebam, cum Favonium iam dixisse, quae ego tibi dictururus essem animadverti. Si revera bellator es, non displicet. Nomen meum invicem huc redire videtur: Exercitus heros. Per me licet. Vale et valete.
RE: Cur lingua latina utimur?
--------------------------------------------------------------------------------
Nuntium misit: Herimannus | 27.11.2003 - 03:23 | 18 | |
--------------------------------------------------------------------------------
Herimannus Marco Favonio, Herberto ceterisque sodalibus sal.
Nisi paucissima sed multa de nomine meo scripsisses, Marce, computatri mei memoriam omnino complevisses!
Eius sancti viri, cuius nomen indigne fero, aliquid in Bibliotheca Sanctorum, id est catalogo sanctorum et beatorum ab ecclesia catholica agnitorum, apud paroeciam legi; ibi me legisse censeo "Herimannum". Quam primum rursus de libro eodem quaeram et vobis referam: hic versus (e Vergili ecloga IX, LI) mihi saepe recurrit
"omnia fert aetas, animum quoque"
quod et mihi accidit.
Minime, Herberte, bellator equidem sum, nec umquam stipendia feci; sum contra mitis et pacis amans; quare gaudeo sanctum Hermannum Josephum studiis et poesi non armis se dedicasse.
De Latino modo nominis reddendi, optimum argumentum contra "i" interpositam mihi videtur etymologia, cum nulla causa facile inveniri possit qua inter "r" et "m" vocalis interposita sit; quod fit etiam in Italica lingua, ubi "Hermann" in "Ermanno" aut "Armando" convertitur.
NIhilominus nunc Herimannus manere cupio.
RE: Cur lingua latina utimur?
--------------------------------------------------------------------------------
Nuntium misit: Marcus Favonius ® | 27.11.2003 - 14:30 | 19 | |
--------------------------------------------------------------------------------
M.Favonius Herimanno, Herberto Iuliaeque et reliquis artificialium nominum amatoribus sal.
Litteris vestris diligenter mecum reputatis i litteram non solum in Herimanni nomine defendi, sed etiam in Herberti nomen inseri posse persuasum mihi est, idque una sola de causa. In antiquissimorum Germanorum enim lingua vox „heri“ exercitum significabat. Scribamus ergo vel „Herimannus“ vel „Hermannus“, vel „Herbertus“ vel „Heribertus“! Ceterum in Germania (puto etiam in Batavia) tria sunt nomina in usu: Hermann, Herbert, Heribert. Nomen vero Heriberti iis praecipue dilectum est, qui Rhenum fluvium accolunt. Heribertus enim a. 999 archiepiscopus creatus est Coloniensis, condidit a. 1002 monasterium Divitiae, in castello contra Coloniam Agrippinam sito, quod Constantini imperatoris temporibus in ripa Rheni ad caput pontis collocatum erat. Mortuus ibidem est et sepultus a. 1021. Patronus nescio qua de causa est pluviae. Sed haec hactenus. Valete quam optime.
RE: Cur lingua latina utimur?
--------------------------------------------------------------------------------
Nuntium misit: Peteus Adolphus Dr.med. | 04.12.2003 - 20:36 | 20 | |
--------------------------------------------------------------------------------
Ich schreibe heute zum ersten und letzten mal in deutscher Sprache.
Ich habe das große Latinum und Graecum und m