YLE Colloquia Latina

In Gallia atque in Batavia dixerunt maioritates civitum "Minime" ( ), constitutionem europaeam. Multi dicunt Unionem Europaeam distantiorem civitibus est. Sed qualem Unionem Europaem Civites Europaei volunt? Et qualem vultis vos?

Mercurius Scipioni s. d.

Europam volo, ubi etiam ad republicas minores respectus habeatur; Europam volo, ubi cives Unionis "veteres" non timeant, ne cives nuper in Unionem asciti regna sua invadentes indigenos e fabricis, officinis ac aliis locis extrudant (quod minime evenisse iam apparuit); Europam denique volo, ubi homines, qui ad aliam nationem ac pars maior populationis pertinent ("minoritas" illi vocantur), quam maximam libertatem habeant autonomiamque accipiant. Haec sunt compendiose collecta, quae in votis mihi sunt; sed plurima alia unusquisque enumerare possit. Valete. Budapestini, d. IV. Non. Iun.

Gastón Scipioni ceterisque s.d.

Europaeus non sum et mihi respondere non licet, sed de distantia inter Unionem Europaeam et civites dicere volo. Fortasse Unio Europaea non est distantior civibus sed politici moderatoresque. Hoc pro certo non modo in Europa accidit. Neque cives neque politicos incuso, sed aliqua causa est.

Valete!

Ericus Palmén Scipioni s.d.p.
In nuntio tuo (3132) attingis problema actuale: et in Gallia et in Batavia legem constitutionalem a maiore parte civium repudiatam esse. Idem quaeris, qualem Unionem Europaei velint. Responsum fortasse consideratione dignum praebet Hymnus Latinus Europae, quem civis meus Tuomo Pekkanen a quodam socio consilii foederalis Unionis Europaeae Foederalistarum (UEF) rogatus composuit et cuius rhythmus stropham Schillerianam a te in alio nuntio (3131) Latine redditam eximie imitatur:

Europaei, gaudeamus,
foedus firmum fecimus,
laetum carmen concinamus,
Unionem iunximus,
constitutis aequitatis,
libertatis iuribus,
in commune comprobatis
Europaeis legibus.
Cum maioribus minores
nationes valeant,
propagantes pacis mores
vivant, crescant, floreant,
praeferant humanitatem,
proferant iustitiam,
omnium fraternitatem,
candidam concordiam.
Gentes semper sociatae,
sic et porro pergite,
Unionem confirmate,
in Europam credite!

Dolendum est Europaeos a tali rerum condicione, qualis in hymno describitur, adhuc longe abesse, passimque dubitari, an eam numquam assequantur. Una e causis huius rei sine dubio ea est, quam commemoras, Unionem Europaeam hodie a civibus nimis distare; praeterea constat eam haud raro rebus internis singularum civitatum intercedere metumque his inicere, ne libertatem de suis rebus decernendi paullatim omnino amittant, sicut quondam in pristina Unione Sovietica evenit. Lex constitutionalis Unionis Europaeae multis eo tendere videtur, ut nova Res Publica Europaea condatur, cui universae civitates sociae modeste obtemperare cogantur.
In Finnia iam pridem "senatui" placuit, ne quod suffragium populi de lege constitutionali Unionis Europaeae fieret. Equidem interdum a me quaesivi: Quare ita? Nimiusne est metus, ne nostri quoque cives "perperam" suffragentur? Vale!

Africanus omnibus salutem dicit

Ego Britannicus sum et credo angustiae Unionis Europaeae Foederalistarum ortae ex eis principibus quos delegimus. Quam diu nullus nostrorum principium vult paucum eorum potentiae abdicere ut potentiam magistrum Europaeorum (a nobis creatorum) adaugat, nullum fidem in Unioni habeo.

Quam diu pone ianuas clausas, decisiones pactionesque faciunt, sine inspectione civile (similis pacto italiano a francogallicis denegato) nullum fidem habeo.

Quamquam in re publica populare incolo, tamen credo UEF non populare esse. Principes nostri similis liberis nos habent. Sed intellego populum Europaeum (veterem novumque) parat ut faciat eius vocem acceptum.

Valete.

Volo Europam aedificatam praecipue supra cives, supra nationes non solum. Volo Europam creare conscientiam civitatis europaeae. Volo Europam complere novas proles advenarum. Volo Europam liberam pro omnes gentes continentis.

..

Lucius Buboni s.d.p. omnibusque sodalibus.

Viuacitatem tuam, mi Bubo, diligo proboqe. De Vnionis lingua dicere uelim. Vt uobis nempe est, et mihi gratissima esset Europa Latine loquens. Anglica est lingua Brittaniae, Statuum Vnitorum, Australiae aliarumque patriarum, sed uim qua hodie in Continente utitur me piget prorsus. Nunciam nimium potestatis habet sermo meus natiuus apud Europaeos, haudquaquam mi placet; Latina sine dubio est lingua nostra internationalis. Sed quomodo eam instituamus? cum iam tot Europaei Anglice et sciunt et inter se negotia agunt? Nimisne serotine uenit resurrectio classica?

Valeatis quam Latinissime,
Die VIII post kal. Apr. ex Bethlehem.

..

Scipio Buboni et amice Lucae Amadeo

Quid dicere, nisi idem volemus ? Puto Europeos ullam linguam communem bebunt, nisi linguam neutram, veram linguam liberam. Unica lingua, quae vera lingua communis nostrarum institutionum esse potest: latina. Anglica lingua vere iam lingua Britanniae est, sicut Franca Franciae, Germanica Germaniae. In nomine equitatis, ulla lingua hodierna lingua communis esse potest. Et una vera Unio Europea eius historiam cognoscere debet.
Sed nobis civibus Europaeis cogitandum est sicut partes unae Civitatis,Patriae, non solum nostrarum nationium.
Et primo tempore, nobis habendum est unam scholam.

Valete

P.S. Amice Bubo, unde venit nomen tuum?

..