Moderators: Moderator, Redactio Interretialis
Beatus Bernardus wrote:s.p.d Soter et Marco, Scipionique B. Bernardus:
Etiam ego feliciter te, Soter, hoc in foro accipio. Inter nos iam permulti italici sunt necnon sodales ex omnibus mundi partibus. Marcus optime nos certiores fecit de origine nominis tui Graeco. Meo vere iudicio, idoneum in hoc tempore Paschali nomen videtur! Valete.
BB
Marcus Favonius wrote:M. Favonius Soteri s.
Cum litteris Latinis Graecisque permultum te studere scribas, carum exoptatumque in colloquia nostra te venire scito. Si thematum indices perscrutatus eris, multas quidem res reperies, quas ad te pertinere putes, sed nova quoque themata licet proponi. Qua de causa nemo nostrum erit, quin litteras tuas exspectet. Agedum!
Obiter dictum: Nonne nomen Italicum tibi est Salvatori (=Σωτήρι)?
Vale. V (!) Kal. Apr. Crefeldiae.
Beatus Bernardus wrote:Soter aliisque Latinitatem cultoribus sal. B. Bernardus:
Dic nobis, quaeso, Soter, nonnulla de formarum Linguae Italicae diversitate quae circa urbem Neopolitanam audiuntur. Suntne aliquae similioria Linguae Latinae? Valete.
BB
Ericus Palmén wrote:Ericus Palmén Soteri et Beato Bernardo s.d.p.
Nuntios vestros summa cum animi attentione perlegi. Nam non solum Latinitate, sed etiam filiabus eius venustissimis delector, licet plerasque earum adhuc parum noverim. Plurima eorum, quae tu, Soter, de lingua Neapolitana rettulisti, mihi antea erant ignota. E.g. numquam antea vidi vocabulum PIZZA etymologice cum verbo PISTARE et substantivo PISTOR coniungi (dictionaria, quae consului, etymon eius aut omnino omittunt aut incertum esse docent), sed nequaquam excludendam hanc explicationem iudicaverim.
Tu autem, Beate Bernarde, quaesivisti, num aliae sint linguae, quae usum tenuerint elocutiones MECUM et TECUM eadem ratione formandi, qua lingua Neapolitana usa est, scilicet heredibus horum adverbiorum velut securitatis causā heredem praepositionis CUM praemittendo: CU-MMÃŒCO, CU-TTÃŒCO. Saltem in lingua Hispanica reperiuntur elocutiones analogae CONMIGO et CONTIGO, pariter etiam in tertia persona reflexiva CONSIGO.
Curate, ut quam optime valeatis!
Users browsing this forum: No registered users and 1 guest