Lingua Latina Europae Usurpanda

Colloquia de aliis thematis

Moderators: Moderator, Redactio Interretialis

Lingua Latina Europae Usurpanda

Emitteby L. Amadeus Ranierius on Sat 02 Aug, 2008 22.38

Lucius omnibus Latinitati vivae fautoribus salutem plurimam!

Noster optimus Rhumak hac septimana vocem ejus apud ScorpionemMartianum dedit, orationem perpulchram de lingua Latina toti Europae Unioni instituenda sermone internationali:

http://www.ScorpioMartianus.com/

Censetisne hoc fore? Estne probam linguam Latinam? Quid non Anglicam? an aliam?

Responsa hic scribite, aut ad ScorpioMartianus@gmail.com respondete!

Valete quam optime!
VIVAMVS·ATQ·AMEMVS
Ὁ ἀνεξέταστος βίος οὐ βιωτὸς ἀνθρώπῳ.
"Fiat Vis tecum, Luci — semper."
ΓΝΩΘΙ·ΣΕΑΥΤΟΝ

SCORPIO·MARTIANVS
User avatar
L. Amadeus Ranierius
 
Nuntii: 50
Nomen dedit: Merc 18 Iun, 2008 18.17
Location: Pennsylvania, Uniti Status Americae

Re: Lingua Latina Europae Usurpanda

Emitteby Iorgius Molinarius on Sat 13 Sep, 2008 16.43

Iorguis Lucio sal pl.

Propositum audax nimis Europae Unioni est. Illa ad capiendum consilium instituendae sermonis internationalis non capax est.
Linguam latinam electionem primam esse censeo. Sed structura sua ardua difficultatem proponet. Spe forsitan resurectionis latinae sine flexione?

Vale !

Iorgius
Iorgius Molinarius
 
Nuntii: 2
Nomen dedit: Sat 13 Sep, 2008 9.14
Location: Mediolanum

Re: Lingua Latina Europae Usurpanda

Emitteby Alexander Tazzinius on Sol 28 Sep, 2008 0.23

Alexander omnibus sal.

Re uera Europae his temporibus obstant multae difficultates quaestionesque, quae nunc maioris momenti uidentur quam communis sermonis electio. Europa adhuc instruenda est. Lisbonae pactum negatum ab Hibernis exemplo est quam difficulter populi nationum Europaearum in Europa una se agnoscant, consilia communia de quaestionibus et contentionibus gentium concipere nequit, non ei exercitus sine quo omnes scimus nullam auctoritatem apud alios esse, nondum imperium omnino unum. Prius haec soluenda erunt. Deinde animaduerti etiam ad alia poterit.
Nam sic ut nunc res sunt, Europae nulla cura esse potest de sermone communi, cum nondum unam se habere possit.
Quando autem fortis conscientia exorietur unitatis Europaeae, tum quaestio ultro exsurget: nam minime commodum esset regere imperium multis sermonibus adhibitis.

Non commorabor in latini sermonis laudibus cum mihi id uideatur hoc loco superuacaneum et obuium; dicam modo opportunus mihi uideri fore usus latini in omnibus actis publicis Europaeis, exempli gratia in tribunalibus uel in orationibus politicis, atque in scholis et in scriptis, nationis cuiusque seruata lingua patria, qua loquentur homines domi uel in mercatibus et ubicumque non negotium publicum inerit. Manebunt illae dialecti gentium, et sermo latinus discetur ut negotia communia efficiantur.
Quoddam exemplaris genus mihi uidetur adesse in Arabis populis, qui sacra eis lingua Corani utuntur ut in publicis negotiis intelligant, quam discunt in scholis et masjidis, dum domi loquontur linguis dialectalis quae inter se etiam multum differunt.

Valete
Alexander Tazzinius
 
Nuntii: 18
Nomen dedit: Mart 23 Sep, 2008 21.42

Re: Lingua Latina Europae Usurpanda

Emitteby Rhumak on Ven 07 Nov, 2008 18.01

Omnibus spd

A scripto meo quaestio oritur - hic saltem -, quapropter interveniendi opportunitatem sentio.

Propositum audax nimis Europae Unioni est. Illa ad capiendum consilium instituendae sermonis internationalis non capax est.


utrum audax est linguam communem eligere, an linguam latinam pro communi habere? In priori casu consentio: valet enim quod Alexander noster nuper scripsit, cuique assentio: primum exercitum struere, cetera ultro sequentur; sin in altero casu sumus, dissentio magnopere: in aliquo communiter eligendo non difficultatem speciendum, sed opportunitatem: et certe latinam linguam eligere opportunum est: an difficile sit necne, non curo: Europam unire difficile procul dubio est, tamen opportunum, ideoque nemo dubit quin summa ope niti ad hoc faciendum deceat: si et latinum sermonem eligere opportunum est, quod supra in Europa unienda valuit, etiam in latinitate eligenda valeat: ergo, quamvis difficile, faciendum: alioquin haec electio pro inopportuna habenda est: quod neminem nostrum spero dicturum et certe nemo dicet.

Linguam latinam electionem primam esse censeo. Sed structura sua ardua difficultatem proponet. Spe forsitan resurectionis latinae sine flexione?


Vis latinae linguae in synthesi stat: idest, quod pleraeque linguae pluribus verbis dicunt, latina paucioribus: hoc maxima ex parte flexioni debetur, et verbali et nominali: ergo, tolle flexionem, vim ipsam latinae linguae sustulisti: aliis verbis ut dicam, dum aliarum linguarum brevitas in brevitate verborum residet (vb anglicae linguae), brevitas latinae in brevitate sententiarum: idest, anglica lingua plurima verba usurpat sed brevia, latina non semper brevia, sed semper pauca: flexionem tolle: latinae linguae charactera anglicae attuleris, sed non brevitatem verborum; hoc linguam inefficacem atque prolixam efficiet, tamquam "mutatio genetica" non bene adparata. Ad summam, sermo latinus sine flexione non solum ratione historica caret, sed etiam vi et utilitate, et est damno et latinae linguae et latine loquentibus. Quod ad difficultates flexionis, nil est quod homo discere non possit: nemo nostrum est, ut puto, unguis unus Leonardi Vinciensis, atqui latine didicimus, non male, quantum ex epistulis vestris legere possum: num ceteri europaei nobis stultiores sunt? recuso hoc credere de populis his, qui sunt inter antiquissimos cultissimosque in orbe terrarum.

Valete
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: Lingua Latina Europae Usurpanda

Emitteby Mamars on Ven 07 Nov, 2008 21.21

Tibi adsentior, Rhumak.
User avatar
Mamars
 
Nuntii: 4
Nomen dedit: Lun 03 Nov, 2008 16.20
Location: Italia, Recinatim

Re: Lingua Latina Europae Usurpanda

Emitteby Alexander Tazzinius on Sat 08 Nov, 2008 21.27

Mea sententia, potius est alium sermonem eligi quam latinum adhibere sine flexione.
Nam multa argumenta quae afferri possunt pro latino sermone euelluntur si eum mutes ita ut eius naturam ipsam tali modo polluas, sicut quod diu fuerit lingua communis in omni Europa (saltem doctioribus).
Praeterea credo structuram latini sermonis talem esse ut ingenium loquentis magis stimulet quam alii sermones hac ipsa re, quia casus habet.
Praeterea si eos eriperes ei, certe discinderes una et eius uenustam definitionem uerborum et mirificam subtilitatem sententiarum.
Alexander Tazzinius
 
Nuntii: 18
Nomen dedit: Mart 23 Sep, 2008 21.42

Re: Lingua Latina Europae Usurpanda

Emitteby Iorgius Molinarius on Mart 11 Nov, 2008 23.09

Iorgius omnibus sal.

Dissentio a vobis, Carissimi.

Profecto Unioni Europae magna cura est mensuras maximas cucumerum difinire, etiam priusquam exercitum struat. Re vera quod ad lingua latina attinet Unio Europea visione caret. Lingua latina fundamentum Europae est et populos unit. Civis singulus sua sponte et non Unio interpretationem latinam hymni Europei creavit

Est Europa nunc unita
et unita maneat;
una in diversitate
pacem mundi augeat

Dr. Peter Roland

Oportet aedificare Unionem a lingua et a cultura et non solum a rerum oeconomicarum. Etiam in exercito lingua communis magnam vim habet - ergo lingua longe exercitum antecedit .

Hic indulgentiam pro latino sine flexione non expecto. Profecto non lingua latina nec interpretatio illius est ma conatum utopianum nuovae linguae creandae et tale manet.

Opinione dissentimus non voluntate!


Valete

Jorgius
Iorgius Molinarius
 
Nuntii: 2
Nomen dedit: Sat 13 Sep, 2008 9.14
Location: Mediolanum

Re: Lingua Latina Europae Usurpanda

Emitteby Rhumak on Merc 12 Nov, 2008 15.13

Iorgio spd

Revera ut dicis quaevis natio prius a lingua, deinde a moribus, denique a ceteris rebus definitur, inter quae exercitu. Sed hic non de natione loquimur, vero de complexu nationum, quae necessario iam linguas moresque suosmet habent, ergo fieri non potest ut lingua, tamquam in unius nationis origine, linguaeque similia cetera antecedant: ita est, nec negari potest, alioquin iam una lingua, nescio qua, loqueremur, sed ita non est: hoc rationem sibi vult. Et ratio in hoc est: aliud una natio per se definita, aliud nationum complexus: huius fictio aliis legibus oboedire solet.

Ceterum tibi assentior, si dicis nos quamvis aliquo accidente dissentire varumtamen de columinibus consentire. Sed id cernendum manet, quomodo facere possimus, singuli ut inquisti, pro virili, facere ut in re et non in mente lingua communis sponte latina fiat.

Quod ad me attinet hoc puto nullo alio pacto fieri posse, atque documenta non retialia sed chartacea, quae tangi a manuque ad manum tradi possint, hac nostra lingua scripta edendo: hoc est domum editoriam condere, quae in omnium nationum europaearum universitatibus similibusque locis diffundatur, quae scilicet de rebus auropaeis agatur, diversis cum opinionibus politicis si volumus, sed uno cum animo legendi Europam adfirmandique. Quae libros commentariosque diurnos latine edat a nobis scriptos, certe magis a nostris doctioribus sodalibus et senioribus sed etiam a nobis iuvenibus, qui quiddam vivum, antiquom pariterque novum, moveri significent.

Per interrete hoc etiam absque multa pecunia fieri potest: nam habemus quisque computatrum suom, unde scribere scriptaque uni nostrum delecto mittere possit, qui et situm interretialem condere et chartacea exemplaria, obolo uniuscuiusque nostrum iuvante, qui unicuique nostrum aliquot exemplaria mittet, quae recepta quisque in universitate locove operae suo diffundat. Hoc experimentum est, nescio num fieri possit, sed unicum quod mi in mentem concretum et verax veniat.

Valete
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: Lingua Latina Europae Usurpanda

Emitteby Ericus Palmén on Sat 15 Nov, 2008 22.48

Ericus Palmén omnibus sodalibus de usu Latinitatis colloquentibus salutem dicit plurimam.
Primum quidem summo cum gaudio animadverto nostra aetate complures amicos Latinitatis inveniri. In hanc quoque aream colloquialem recentissimis mensibus haud pauci nomen dederunt novi sodales – L.Amadeus Ranierus, Iorgius Molinarius, Alexander Tazzinius, Mamars, Aurantius, Pelagus –, qui sub duobus titulis generalibus (‘Novus es in foro? Huc accede!’ et ‘Lingua Latina Europae Usurpanda’) suas sententias de hodierno usu Latinitatis expresserunt; qui universi se gratos in aream nostram acceptos esse sentiant.
Ipsum autem problema hodiernae Latinitatis haudquaquam simplex est. Nostrae enim aetatis Europa ab Europa mediaevali aliquantum differt. Mediaevalibus saeculis plurimae linguae nationales nondum talem statum in singulis civitatibus assecutae erant, qualem nunc habent. Septimo decimo saeculo sive aetate Ludovici XIV Latinitas iam partem pristinae condicionis suae mediaevalis linguae Francogallicae tradidit. Inde a sequenti saeculo plurima documenta publica Francogallice exarabantur, sed Latinitas prope in omnibus scientiae campis diu lingua principalis a doctis adhibita esse pergebat, pariterque in ecclesia catholica. Hodie eadem tantummodo una est e numerosis linguis Europaeis; quin etiam – pro dolor! – a plerisque lingua mortua iudicatur.
Nonnulli amicissimi Latinitatis interdum quarunt, nonne Latinitas, ut quae hereditatem culturae occidentalis tueatur, lingua communis Unionis Europaeae fieri possit. Liceat mihi hic repetere verba, quae in hac area iam quibusdam ante annis Latine scripsi – verba, quae collega et amicus meus Teivas Oksala in quadam oratione sollemni Finnice dixerat: ”Latinitas per se optime cederet pro lingua officiali neutrali Unionis Europaeae, sed talis condicio eius vix optabilis esset. Nam si ab omnibus membris Unionis usurparetur, resistere non posset multitudini postulantium, ut simplicior et ad usum cotidianum aptior – id est magis vulgaris – redderetur; nec tum quicquam obstaret, quin eadem a sermone eleganti Ciceronis et Vergilii et Erasmi longissime digrederetur. Praestat igitur eo imprimis tendere, ut lingua Latina in variis festis sollemnibus velut pro symbolo Europae feliciter redintegratae a diversis nationibus adhiberi possit. Quibuscumque autem Latinitas vere cordi est, iis nimirum liceat ad quaslibet res communicandas ea etiam vivo modo uti. ”
Equidem hanc sententiam censeo etiam hodie plurimum valere. Omnes videmus, quid evenerit linguae Anglicae, quae nostra aetate pro “lingua franca” prope mundana usurpatur: in diversis partibus orbis terrarum tot varii generis mutationibus et soloecismis affecta est, ut credibile sit multos eorum, qui ea pro sermone patrio utuntur – praesertim Britannos – dolere aut aegre ferre, quod lingua nationalis sibi carissima tali ratione laceretur. Accedit huc, quod ad quamvis linguam efficaciter discendam etiam summo studio et ardore opus est. Sine dubio vere Rhumak iudicat per se nil esse, «quod homo discere non possit»; sed deficiente ardore omnia conamina male succedunt. Nos igitur vivae Latinitatis fautores eo tendere debemus, ut quam plurimos Latinitati conciliemus – ut quam plurimis persuadeamus operae pretium esse hanc linguam cognoscere, quae ubique fere quam plurima conspicua vestigia reliquit, ac, si fert voluntas, etiam vivam colere. In talibus conatibus Itali plus fortunae quam alii videntur habuisse; multi enim estis Itali, qui in hanc aream nuntios mittere soletis, cum e.g. e nobis Finnis ego prope unus id fecerim (ac recentissimis mensibus rarius quam antea, quia multis aliis muneribus, maximam partem ad Latinitatem pertinentibus, distineor).
De hoc argumento quam fusissime disseri possit, sed praestat id in aliud tempus differre, ne nuntius meus longitudine modum excedens legentes fatiget. Optime valetote!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Re: Lingua Latina Europae Usurpanda

Emitteby Marcus Favonius Ursinus on Lun 17 Nov, 2008 10.07

Marcus Erico amico suo doctissimo s. d. p.
Equidem vehementer gaudeo, quod litteris tuis consideratissimis Latinitatis incorruptae auctoritatem dignitatemque validissime amplificas. Et tecum et cum Teiva Oksala in eadem sum sententia. Ex Finnia lux. Quid ergo? Suo quisque loco omni opera et ope enitatur, ut quam elegantissime et dicat Latine et scribat. Cura ut valeas. XV K. Dec. Ex Quirini campo.
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Re: Lingua Latina Europae Usurpanda

Emitteby Rhumak on Lun 17 Nov, 2008 23.57

Erico spd

Quod dixisti de ardore latinitatis discendae verum est, et quod addidisti de numero latinitati discendae alliciendo etiam verum est, sed ea quaestio restat solvenda: quomodo? amor latinitatis expolitae, quem in corde portas, quem in corde portatis, pulcherrimus est, sed quid, si intra retis huius fere perspicuae nodos manebit?

Alia quaestio: ipse sermonem latinum a quibusdam pro mortuo haberi quereris. Idem quereris latinum sermonem homine, qui eam usurpat, mutari. Sed ut sermo mutetur necessest usurpetur: et ut sermo usurpetur necessest vivat. Nam nec quicquam vita non plenum usurpari potest, nec quicquam usu non tactum potest mutari. Ergo doctissimi amici mei, Erice et Marce, pace vestra dixerim, quae scripsistis adfirmantes, mi videmini, quam tunc aegre ferretis mortuam iudicari, eandem nunc aegre ferre pro viva haberi: nam fieri non potest ut vivens non patiatur quae vivens patiatur necessest eo ipso facto, quod vivat. Idest, usu mutari. Volumus vivam? Mutari ne displiceto. Mutari displicet? Mortuam esse placeto. Tertium non datur.

Nil est deinde mirum prout natura sit loquentis linguam mutari: loquens enim, comites, et hoc numquam oblivisci debemus, linguam usurpat, non vice versa. Ergo loquens linguam mutat in natura. Ex converso fieri potest ut doctrina hominem mutet, et si doctrina linguam puram et pristinam servat, si doctrina hominem mutat, homo doctrina mutatus linguam puram et pristinam servabit. Ergo si prius loquens linguam mutabat, doctrinae iumento lingua hominem mutare potest, idest homo mente latina ratiocinari, et ergo lingua vere latina loqui potest: et si lingua latina est anima animae europaeae, hominem latina mente ratiocinari dicere idem est ac dicere hominem mente europaea ratiocinari: et circum conclusimus: si linguam latinam inquinari nolumus, necessest velimus homines latina mente ratiocinentur: hoc nonnisi interventu nostro, idest latinitatem colentium, fieri potest. Qua de causa quaestionem meam itero: quomodo? et ad quaestionem pristinam reverto: qui hoc fieri poterit, tantummodo intra nodos huius retis? Vbi hanc quaestionem soluerimus, omnes quaestiones ab Erico positas soluerimus: et latinam linguam non amari, et latinam linguam inquinari: quo magis hoc fiet eo magis latina lingua amabitur et eo minus inquinabitur.

Valete
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: Lingua Latina Europae Usurpanda

Emitteby Rhumak on Mart 18 Nov, 2008 0.12

<hanc partem addere superiori epistulae per computatrum non licuit: in separata epistula addo>

Ceterum, scripta restant, exemploque sunt latine scribentibus: ipse dixisti, Erice, latinum sermonem multa per saecula vivum ubique mansisse pluribusque gentibus usurpatum esse: quod non vetuit, quantum lego, quin tu, hodie, optima latinitate scriberes. Edepol! si verum esset linguam, quamdiu sermone usurpetur, tantopere in omni suo loco inquinari, igitur, ut qualem velitis maneret, tempore Ciceronis latinitas mori debuerat!! At sic non evenit: usque vixit et multum post Ciceronem, et etiam multum inquinata in sermone est, sed, ut in principio dixi, scripta restant et sunt exemplo latine scribentibus: ergo lingua quamvis usurpata et mutata non in omni suo loco mutatur: in scriptis, in documentis, in litteris, in eis locis ad summam, in quibus multum praestat et interest ut quam minime inquinetur, minime inquinata est. Quidni eveniet et ita in futuris temporibus, ubi pro sermone communi habebitur, si in praeteritis, quibus pro sermone reapse communi habita est, ita hucusque evenit?

Iterum valete
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: Lingua Latina Europae Usurpanda

Emitteby Ericus Palmén on Sat 29 Nov, 2008 0.00

Ericus Palmén Rhumaki s.d.p.
Ignosce mihi, quod nunc demum tibi rescribo; hactenus prae aliis muneribus, quorum in superiore nuntio meo mentionem feci, spatium non habui id faciendi.
In recentissimis nuntiis tuis id, quod in communi nostra “quaestione Latina” potissimum est, acu tetigisti quaerens, quomodo Latinitati novos cultores conciliare possimus. “Tantummodo intra nodos huius retis” id fieri certe non poterit; attamen hoc rete una via est, qua numerum Latinitatis discendae studiosorum augere conamur, nec mea quidem sententia successu omnino carentes. In initio superioris nuntii sex novos sodales enumeravi, qui hoc reti reperto in aream nostram colloquialem nomina dederunt, quin etiam ipsi paucis dictis Latinis nos salutarunt. Nimirum nolo huic rei, quae cum gutta aquae in Oceano comparabilis est, nimium pondus tribuere. Multo pluris aestimanda sunt alia saeculo proxime praeterito gesta, ante omnia Motus Vivae Latinitatis anno 1956 Avenione exortus, quo auctore Latinitas, prius prope solummodo pro lingua scientiae et ecclesiae generaliter usurpata, velut e somno hiberno suscitata resurrexit et inter cultores suos quadamtenus condicionem cotidiani sermonis recuperavit. Inde ab eo anno varii generis seminaria vivae Latinitatis et feriae Latinae quotannis institui solent. Ipse praesertim memoria retineo Nonum Conventum internationalem Academiae Latinitati Fovendae hic in Finnia anno 1997 institutum, cui interfuerunt circiter ducenti triginta participes et qui effecit, ut per unam septimanam Granivicus sive Jyväskylä, caput Mediae Finniae, urbs Latinissima totius orbis terrarum exsisteret. Sequentes similes conventus in Hispania annis 2002 et 2006 celebrati sunt, et proximus conventus mense Septembri anni 2009 Ratisbonae, in urbe Germaniae ( = Regensburg) celebrabitur. In omnibus seminariis et conventibus inter alia consultari solet, quaenam efficacissimae sint rationes institutionis Latinae ita renovandae, ut hodiernae aetati efficacius inserviat.
Neque continere me possum, quin ea memorem, quae anno 1989, tredecim fere annis ante conditum hoc forum colloquiorum Latinorum, in Finnia facta sunt et quae quodam modo ad id condendum duxerunt. Quidam “radicalis” redactor Radiophoniae Finnicae Generalis cum uno e praestantissimis Latinistis nostris, Gregorio Pitkäranta, collocutus proposuit, ut Latinitas per undas radiophonicas in aliquot programmatis in usum publicum rursus induceretur. Ita orta est cogitatio nuntios Latinos quinque minutarum aliquando radiophonice emittendi. Primo quidem ii, qui in Radiophonia Finnica Generali summam imperii tenebant, in rem tam inauditam adverso, ned dicam fastidioso animo erant ac peculiarem in programmate locum nuntiis Latinis negaverunt. At dictus redactor, qua erat tenacitate, programmati cuidam septimanali, cui ipse praeerat, nuntios Latinos inseruit. Hoc initium fuit talium nuntiorum septimanatim emittendorum. Haud multo post effectum est, ut iidem nuntii per undas breves etiam peregre diffunderentur atque in Finnia in albo televisionis textualis scriberentur. Quo facto mox redactoribus eorum et Radiophoniae Finnicae Generali a peregrinis et publice et per epistulas privatas magnae pro iis gratiae agi coeptae sunt. Itaque nuntii Latini paullatim meliorem statum consecuti inde a Kalendis Iuniis anni 1990 sub proprio titulo septimanatim emittuntur, vicesimum iam aetatis annum assecuti. Temporis decursu editi sunt quinque libelli, quibus nuntii annis 1989 – 1999 emissi cum summariis Finnicis et Anglicis atque cum vocabulariis Latino-Finnico-Anglicis continentur. Novi libelli divulgari desiti sunt; namque hodie textus nuntiorum etiam in interreti cuivis eos in proprium usum desumere cupienti praesto sunt. Longum est omnia nova peculiaria studia Latinitatis enumerare, quae nuntiis Latinis quinarum minutarum septimanalibus suscitata sunt; satis sit commemorare hoc forum colloquiorum Latinorum unum ex iis esse.
Ex iis, quae supra exposui, satis apparet ad vivam Latinitatem efficaciter colendam non modo Latinistis artem diurnariam callentibus, sed etiam aliis Latinitatis propagandae studiosis opus esse. Ne tamen talem committamus errorem, qualem Alexander Magnus commisit confisus se toto orbe terrarum potiri posse. Similem, ac medio aevo habuit, dominationem Latinitas certe recuperare non poterit; sed nonne satis est, si studiosi eius vel aliquatenus, cum clavis generalis sit culturae occidentalis, eam vivam colere pergent? Nec Marcus Favonius Ursinus et ego (sicut fortasse aliqui) tam austeri sumus, ut Latinitatem mutari omnino vetemus aut perhorrescamus, si qui ea vulgariter utuntur; sed ne tibi quidem assentior videlicet iudicanti Latinitatem, nisi libere et dissolute mutari sinatur, omnino esse morituram. Dicta tua «Volumus vivam? Mutari ne displiceto. Mutari displicet? Mortuam esse placeto. Tertium non datur», necnon ea, quae haec praecedunt, in auribus meis similiter sonant, ac si contenderes in mundo duos tantummodo colores esse: album et nigrum. Quam plurimae in orbe terrarum sunt linguae diversi generis et diversae magnitudinis; e.g. lingua Finnica, qua circiter quinque miliones hominum utuntur, in comitatu linguarum mundanarum est velut formica inter gigantes; neque tamen credo nos Finnos vulgo aegre ferre, quod res ita se habet, dummodo sermo noster patrius linguis mundanis – praecipue Anglica – ne proculcetur. Sub aspectu mundano etiam Latinitas, quamvis nequaquam mortua, hodie est lingua minoritatis; sed hoc non impedit, quin, si satis impense colatur, pro sua portione passim internationale communicandi instrumentum permaneat. Valeto!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Re: Lingua Latina Europae Usurpanda

Emitteby Rhumak on Sol 30 Nov, 2008 20.44

Erico spd

Nec Marcus Favonius Ursinus et ego (sicut fortasse aliqui) tam austeri sumus, ut Latinitatem mutari omnino vetemus aut perhorrescamus, si qui ea vulgariter utuntur; sed ne tibi quidem assentior videlicet iudicanti Latinitatem, nisi libere et dissolute mutari sinatur, omnino esse morituram. Dicta tua «Volumus vivam? Mutari ne displiceto. Mutari displicet? Mortuam esse placeto. Tertium non datur», necnon ea, quae haec praecedunt, in auribus meis similiter sonant, ac si contenderes in mundo duos tantummodo colores esse: album et nigrum.


De his, lectissime sodalis, ultima parte nuntii mei superioris iam dixi: latinitatem a nimia mutatione scripta salvare valent: ut autem viva maneat necessest ut non solum ciceroniana sit (quis deus deinde statuit ut illa una bona latinitas esset?), sed etiam mentes loquentium sequatur quia loquens linguam non lingua loquentem facit, quamvis, ut dixi et repeto nunc, quot scripta tot exempla habemus bonae latinitatis, et illa die, qua quisque exemplum suum ex scriptis sumere poterit, non uno quasi marmoreo sermone latino sed versatili et (non forte hoc verbo utor) vivaci poterit eloqui, tunc ego puto latinitatem omnino vitae redditam iri.

Valde vale
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: Lingua Latina Europae Usurpanda

Emitteby Ericus Palmén on Sol 30 Nov, 2008 21.48

Ericus Rhumaki s.d.p.
Quod sciam, Motus Vivae Latinitatis in hac re numquam dei omnipotentis vice functus est: numquam postulavit, ut lingua scripta – nedum loquentium – “solum Ciceroniana” remaneret; nonne enim iam antiquis temporibus permulti scriptores Latini floruerunt genere dicendi Ciceroni dissimillimi? Itidem a posterioribus temporibus tot habemus diversa exempla bonae Latinitatis, ut ea minime cum una statua marmorea aut immutabili comparari possit. Liceat igitur unicuique Latine scribenti et loquenti sua authentica voce uti ac libere exempla eligere, quorum Latinitatem in suo imitetur sermone; ita etiam res, de quibus colloquimur aut disputamus, velut e diversis partibus illustrantur, atque ipsum colloquium versatilius exsistit. Ego quoque persuasum habeo hac sola ratione Latinitatem a nobis usurpatam vivam redditum iri. Quam optime valeto!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia


Return to Alia themata

Qui adsunt

Users browsing this forum: No registered users and 1 guest

cron